logo

иқтисод

ЭСТАКАДА. МУШКИЛЕ НЕСТ, КИ ОСОН НАШАВАД...

Дар Душанбе бори аввал эстакада (чорсӯи нақлиётии сесатҳа) сохта мешавад.  Чорсӯи нави сохташаванда аз 3 сатҳ иборат буда, дар буриши хиёбони Нусратулло Махсум бо хиёбони Бобоҷон Ғафуров қарор хоҳад гирифт. Тибқи лоиҳаи эстакада дар сатҳи дувуми чорроҳа, роҳи давродаврие бунёд мегардад, ки ҳаракати нақлиёт дар он тавассути чароғакҳо идора мешавад. Дар сатҳи сеюм аз самти шарқ ба ғарб пули 125 - метра мегузарад. Ҳамчунин, сохтмони 4 роҳи зеризаминӣ барои пиёдагардон дар назар дошта шудааст.

- Дар буриши хиёбони Нусратулло Махсум бо хиёбони Бобоҷон Ғафуров пеш аз оғози сохтмон чорроҳаи идоранашавандаи дорои роҳи давродавр бо радиуси 50 метр ҷойгир буд. Бо вуҷуди бузургӣ, чорроҳа талаботи ҳаракати нақлиётро қонеъ карда наметавонист. Бо мақсади беҳтар намудани шароит, таъмини бехатарии ҳаракати нақлиёт ва роҳгузарҳо аз буриши  ин хиёбонҳо сохтмони эстакада оғоз ёфтааст, - гуфт Аброр Музаффаров, менеҷери сохтмони лоиҳа.  
Ба гуфтаи ӯ, дар сатҳи мавҷудаи чорроҳаи қаблӣ роҳи давродавр бо радиуси 30 метр бунёд мегардад. Ҳаракат дар ин роҳ бо чароғакҳо идора мешавад. Дар самти шарқу ғарби хиёбони Н. Махсум роҳи болоиҳам бо дарозии  125,04 метр мегузарад. Ба роҳи болоӣ бо тамбадеворҳои  аз ду тарафи роҳ ҷойгирбуда ворид мешаванд. Дарозии умумии танбадевор 658 метрро ташкил хоҳад дод. 

Гузаргоҳҳои зеризаминӣ мавриди истифода қарор мегиранд
Дар чорроҳа аз самти шарқ ба ғарб ва аз ҷануб ба шимол гузаргоҳҳои зеризаминӣ бунёд мешаванд, ки паҳноияшон 7 метрро ташкил медиҳанд. Паҳноии роҳи асосии барои пиёдагардон пешбинишуда 3 метр хоҳад буд. Барои шахсони имконияташон маҳдуд гузаргоҳҳо бо поймонак ва чароғакҳои болопӯшдор маҷаҳҳаз мегарданд.

Ҳаракати нақлиёт ба муддати ду сол қатъ аст
Вобаста ба гузарондани корҳои сохтмонию азнавсозии роҳи автомобилгард дар чорроҳаи маҳаллаи 82-и ноҳияи Синои пойтахт қарори раиси шаҳри Душанбе Маҳмадсаид Убайдуллоев аз 20 сентябри соли 2016 ба тасвиб расид. Тибқи он ҳаракати нақлиёти автомобилӣ дар буриши хиёбонҳои Нусратулло Махсум ва Бобоҷон Ғафуров то 30 июли соли 2018 қатъ гардидааст. Барои таъмини бехатарии ҳаракати автомобилҳо дар иншооти «Таҷдиди роҳи автомобилгарди Душанбе - Турсунзода - сарҳади Ӯзбекистон, аз пайкараи А. Сино то дарвозаи ғарбии шаҳри Душанбе,  километри 1,2 то 1,9 хиёбони Н. Махсум», тибқи қарори раиси шаҳр Муассисаи давлатии коммуналии «Душанбенақлиётхадамотрасон», шуъбаи Бозрасии давлатии автомобилии раёсати Вазорати корҳои дохилӣ, раёсати Хадамоти давлатии назорат ва танзим дар соҳаи нақлиёт чораҳои мушаххас андешидаанд.

Эстакадаро ширкати чинӣ бунёд мекунад
Эстакада дар доираи лоиҳаи «Беҳтар намудани ҳолати роҳи минтақавии Душанбе – Турсунзода – сарҳади Ӯзбекистон, қитъаи роҳ аз ҳайкали Абуалӣ Ибни Сино то дарвозаи ғарбии шаҳри Душанбе»  сохта мешавад.
Тибқи иттилои сомонаи Вазорати нақлиёт, эстакадаро ширкати «Гурӯҳи сохтмони роҳу пулҳои Синтзян - Бейсин» (Xinjiang Beixin Road & Bridge Group Co, Ltd) – и Ҷумҳурии Мардумии Чин бо харҷи қариб 25,5 миллион доллари ИМА бунёд хоҳад кард.
Ш. ҚУРБОН, «Ҷумҳурият»


Баёни ақида (0)    Санаи нашр: 04.01.2017    №: 2    Мутолиа карданд: 1846

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед