logo

иҷтимоиёт

БЕМОРИИ СИЛ. ШУМО БОЯД ИРОДАИ МУСТАҲКАМ ДОШТА БОШЕД!

Имрӯз на танҳо барои ба даст овардани иттилооти саривақтиву таҳлили масъалаҳои мубрам, балки барои аз хавфу хатар ва роҳҳои пешгирии баъзе аз бемориҳои сироятӣ огоҳонидани мардум низ нақши васоити ахбори омма бузург аст.

Ин нукта чанде пеш дар семинари омӯзишӣ барои намояндагони ВАО оид ба баланд бардоштани сатҳ ва сифати маълумот дар бораи бемории сил барои аҳолӣ таъкид гардид. Дар ин ҳамоиш, ки ду рӯз идома ёфт, мутахассисони Вазорати тандурустӣ ва ҳифзи иҷтимоии аҳолӣ, Маркази ҷумҳуриявии ҳимояи аҳолӣ аз бемориҳои сили Тоҷикистон ва гурӯҳи лоиҳа оид ба татбиқи гранти модули нави маблағгузории хазинаи глобалӣ иштирок доштанд.
Бино ба гуфтаи Қадриддин Пиров, мутахассиси силшинос, соли 2002 бо дастгирии Ҳукумати ҷумҳурӣ ва бо ҷалби сармоягузорони хориҷӣ «ташхис ва табобати беморони сил дар ноҳияҳои пилотӣ оғоз гардида, то соли 2006 аксари беморон бо ташхис ва табобати ройгон фаро гирифта шуданд. Дар баробари кам шудани маблағҳои грантӣ соли гузашта панҷоҳ дарсади доруҳои зиддисилии қатори якум пурра аз тарафи Вазорати тандурустӣ ва ҳифзи иҷтимоии аҳолӣ харидорӣ гардид. Иқдоми мазкур аз ҷониби вазорат имсол низ вусъат ёфта, харидории таҷҳизоти муосири тиббӣ роҳандозӣ мешавад».
Дар доираи Нақшаи миллии стратегӣ оид ба ҳимояи аҳолӣ аз бемории сил дар Ҷумҳурии Тоҷикистон барои солҳои 2015 - 2020 Маркази ҷумҳуриявии ҳимояи аҳолӣ аз бемориҳои сил ҳамчун муассисаи давлатӣ таъсис дода шуд. Ҳадафи асосии ин марказ татбиқи лоиҳаи Хазинаи глобалӣ дар самти табобат ва пешгирии бемории сил мебошад. Аслиддин Раҷабов, иҷрокунандаи вазифаи директори маркази номбурда, дар мавриди фаъолияти босамари ин ниҳод маълумот дода афзуд, ки «Дар бораи бемории сил аксари аҳолӣ маълумоти кам ва ё нокифоя доранд. Сокинони кишвар бояд донанд, ки микроби барангезандаи беморӣ ҳангоми паст шудани иммунитети организми инсон, кам истеъмол намудани хӯрокҳои серғизо, ҳолати ноустувори рӯҳӣ, шароити бади зист, бавижа дар хонаҳои намгирифта, танг ва ифлос дар вуҷуди инсон пайдо мешавад. Он аз бемор ба атрофиён ба воситаи ҳаво, яъне атса, сулфа, луоби даҳон, суҳбати дурудароз ва ё зисти якҷоя дар хуҷраҳои хурд, ки дар онҳо ҳавои тоза ва нури офтоб камтар мерасад, сироят мекунад. Ин беморӣ табобатшаванда буда, таъминот бо доруҳои қатори якуму дуюм, зери назорат қарор доштан ва табобат гирифтан дар марҳилаи аввали беморӣ ройгон мебошад. Аз шаҳрвандон танҳо муроҷиати саривақтӣ ва риояи муҳлати табобат талаб карда мешаваду халос».
- Ин лоиҳа таъмини ташхисгоҳҳои муассисаҳои зиддисилиро, аз ҷумла, 86 озмоишгоҳи микроскопӣ, 4 озмоишгоҳи бактериологии вилоятӣ, озмоишгоҳҳои бактериологии референсӣ ва ҷамъияти тандурустиро, ки дар онҳо санҷиши ҳассосият ба доруҳои зиддисилӣ гузаронда мешавад, инчунин таъмини маводи сарфшаванда ва таъмири дастгоҳҳои мавҷударо ба зимма гирифтааст, - изҳор дошт Қадриддин Пиров.
Дар машварати омӯзишӣ, ки асосан рӯзноманигорони музофотӣ иштирок доштанд, дар мавриди баланд бардоштани маърифати рӯзгордорӣ, сатҳи  огоҳии аҳолӣ аз масоили марбут ба сил суҳбату гузоришҳои рӯзноманигорон ва пешниҳодҳои силшиносон ироа гардид.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 04.01.2017    №: 2    Мутолиа карданд: 2344

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд


Дар сомонаҳои дигари Тоҷикистон хонед