logo

иҷтимоиёт

САРГУЗАШТ. ДАРСИ ИБРАТ БАРОИ МОВУ ШУМО

Ман ин бонуи ранҷкашидаро дар нақлиёти шаҳрӣ вохӯрдам. Аз омӯзгор буданам воқиф гашту бо ҳасрат оҳ кашид. Баъди суҳбати кӯтоҳе, ки доштем, ба ман бовар карда, аз воқеаи ғамангези ба сараш омада нақл кард:

- Бародарам донишгоҳро бо баҳои аъло хатм кард. Баъдан бо як ҷаҳон орзуву ҳавас оиладор ва  соҳиби писарчаи дӯстрӯяке гашт. Ҷойи кораш бад набуд, маоши хуб ҳам мегирифт. Як замон аз кадом минтақаи Қафқоз ба воситаи интернет рафиқе пайдо карда, моҳҳо бо ӯ дар робита буд. Моро бовар кунонд, ки он ҷо рафта кор мекунад, маоши хуб ваъда кардаанд. Ниҳоят зану кӯдакашро гирифта, ба зориву таваллои модари бемораш гӯш надоду рафт.
Баъд  аз шаш моҳ хабар омад, ки бародарам бо зану кӯдакаш ба воситаи яке аз шаҳрҳои Туркия ба давлати Сурия рафта, он ҷо ба кадом як гурӯҳи ифротгаро пайвастааст. Баъди ин хабарро шунидан модарам, ки бемори вазнин буд, аз дарду алами ҷудоии фарзанд бо дили реш-реш аз олам  чашм пӯшид. Падарам ҳам то имрӯз аз ин хиёнати фарзандаш шармсор асту дар назди хешу пайвандон ва ҳамсояҳо сар бардошта наметавонад. Ҳамсуҳбатам, бо овози паст ба гиря даромад. Дигар маҷоли сухан гуфтан надошт. Зери лаб пичиррос мезад: «Худо медонад, ки онҳо зинда бармегарданд ё не».
Баъд аз шунидани ин кирдори ноҷавонмардонаи бародари ҳамсафарам ангушти ҳайрат газидам. Зеро ба доми фиреби як нафар ифротии хориҷӣ афтодани ҷавонмарди донову баҳуш ва соҳиби маълумоти олӣ касро ба ҳайрат меорад. Аз ин саргузашт ба хулосае омадам, ки соҳиби маълумоти олӣ будан ва ё донишу таҷриба доштан, ҳаргиз маънои маърифати баланди ҳуқуқиву шаҳрвандӣ доштанро надорад. Зиракии сиёсӣ ва манфиатҳои халқу миллат ва оилаи худро аз манофеи бегонаву ғаразнок боло гузоштан маҳз аз худшиносиву ватандӯстӣ оғоз меёбад.
Яке аз омилҳои нигаронкунанда дар муҳити имрӯзаи мо зиёдшавии сатҳи ҷинояткорӣ дар байни ҷавонон мебошад. Дар муассисаҳои таҳсилоти миёнаи умумӣ соле нест, ки воқеаҳои синф ба синф, мактаб ба мактаб ҷангу ҷидол кардану ба якдигар кордзании хонандагон ба қайд гирифта нашавад. Чунин хислатҳои одамбадбинӣ, ҷангҷӯӣ, даст ба куштор задани  ҷавонон аз куҷо маншаъ мегирад? Ба назари мо, ба ҳоли худ гузоштани хонандагон, ба корҳои ҷамъиятӣ сафарбар накардани онҳо, лоқайдиву бемасъулиятии волидон, бештар тамошо кардани кинофилмҳои хусусияти зӯроваридошта, ба сайтҳои гуногуни аз назари идеологӣ вайрони интернетӣ пайвастан, ба ин асос шуда метавонад.
Расму оини тоҷикон дар давоми асрҳои тӯлонӣ арзишҳои волои инсониро дар худ нигаҳ дошта, ба тамоми ҳаводиси рӯзгор аз назари гуманистӣ нигаристааст. Аз ин сабаб, боз ҳам такроран ба фарҳангу адаби саршор аз ғояҳои инсондӯстии гузаштагонамон рӯ овардан, барои ҷавононро аз ин гурӯҳҳои ифротию ҷинояткор эмин доштан муфиду саривақтист.
Падару модарон бояд ба тарбияи маънавии фарзандон диққати ҷиддӣ диҳанд. Мо - омӯзгорон мушоҳида менамоем, ки баъзе хонандагон бо сарулибос ва телефону планшетҳои гароннарх ба мактабу донишгоҳҳо  меоянд, аммо ба омӯзиш заррае шавқ надоранд, аз навигариҳои техникаи муосир, вазъи сиёсии  ҷаҳон бехабаранд.
Мо вазифадорем ба насли имрӯз фаҳмонем, ки ҳар қадар бо донишҳои сиёсиву ҳуқуқӣ мусаллаҳ бошанд, муқовимати мафкуравии онҳо зидди ғояву ақидаҳои ифротӣ бештар таҳким меёбад. Тавре ки Пешвои миллат зикр намудаанд: “На танҳо волидону устодон, балки намояндагони ҳамаи қишрҳои ҷомеа дар мубориза бар зидди терроризм ва ифротгароӣ якҷоя амал намуда, барои аз байн бурдани ин ва ба ин монанд зуҳуроти номатлуб чораҳои зарурӣ андешанд”.
Зебуннисо САЪДУЛЛОЕВА,
омӯзгори Донишкадаи давлатии тасвирӣ ва дизайни Тоҷикистон


Баёни ақида (0)    Санаи нашр: 04.01.2017    №: 2    Мутолиа карданд: 2240

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед