logo

туризм

САЙЁҲӢ. ТОҶИКИСТОН БА САТҲИ СИФАТАН НАВ ВОРИД МЕШАВАД

Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон дар Паём ба Маҷлиси Олӣ, 22 декабри соли 2016, пешниҳод карданд, ки бо мақсади боз ҳам тавсеа бахшидани соҳаи сайёҳӣ, истифодаи самараноки имкониятҳои мавҷуда, инкишофи инфрасохтор, беҳтар кардани сифати хизматрасонӣ, густариши раванди танзими давлатӣ ва дастгирии сайёҳии дохиливу хориҷӣ, ҷалби ҳарчи бештари сармоя дар ин самт ва омода кардани кадрҳои болаёқат соли 2017 дар назди Ҳукумати Тоҷикистон сохтори алоҳида оид ба соҳаи сайёҳӣ таъсис дода шавад.

Эмомалӣ Раҳмон, Президенти Тоҷикистон, ҳамчунин, таъкид доштанд, ки ҷиҳати босуръат тараққӣ додани соҳа воридоти таҷҳизоту маводи сохтмонии иншооти сайёҳӣ аз пардохтҳои андозию гумрукӣ, инчунин, ширкатҳои сайёҳӣ дар зарфи панҷ соли аввали фаъолияташон аз пардохти андоз аз фоида озод карда шаванд. Ин тадбирҳо ҷиҳати рушди бемайлони соҳаи сайёҳӣ муҳим арзёбӣ мегарданд.
Бояд гуфт, ки Ҳукумати мамлакат ба соҳаи сайёҳӣ диққати ҳамаҷониба дода, барои рушди он заминаҳои зарурӣ фароҳам овардааст. Дар баробари ин, сиёсати дарҳои кушода ва тадбирҳои баланд бардоштани сатҳи зиндагии аҳолӣ ба рушди  сайёҳӣ мусоидат менамоянд. Дар доираи барномаҳои қабулшудаи давлатӣ таъсиси минтақаҳои сайёҳӣ ва муҳайёсозии инфрасохтори зарурӣ таъмин гашта истодаанд.
Дар натиҷаи андешидани тадбирҳои муассир дар самти рушди сайёҳӣ соли 2015 нишондиҳандаҳои баландтарини воридоти сайёҳон ба кишвар сабт шуд. Агар дар соли 2014 зиёда аз 200 ҳазор сайёҳ ба ҷумҳурӣ ҷалб шуда бошад, дар соли гузашта шумораи сайёҳон ба беш аз 400 ҳазор нафар расид. Аз ин ҳисоб ба иқтисодиёти  кишвар  206 917 000 доллари ИМА  ворид гашт, ки нисбат ба соли пешин 94 дарсад зиёд мебошад.
Бо талошҳои пайвастаи Пешвои муаззами миллат ва Ҳукумати ҷумҳурӣ кашвари азизамон дар рушди сайёҳӣ қадамҳои устувор мегузорад. Ва ин саъю кӯшишҳо аз ҷониби ҷомеаи ҷаҳонӣ баҳои баланд мегиранд. Масалан, тибқи иттилои сомонаи Би-Би-Си Тоҷикистон дар қатори 10 кишвари ҷолибтарин барои боздиди сайёҳон қарор дорад. Globe Spots Тоҷикистонро дар сархати даҳгонаи кишварҳои ҷолиб барои сайёҳии саргузаштӣ, сомонаи русии нашрияи маъруфи National Geographic шоҳроҳи Бадахшонро дар байни 10 роҳи зеботарини дунё ҷой додаанд. Маҷаллаи ТОП – 100  шаҳри Душанберо ба даҳгонаи мавзеъҳои бехатар аз рӯйи таъмини амнияти шабона ва Созмони ҷаҳонии сайёҳии СММ Тоҷикистонро ба рӯйхати кишварҳое, ки соҳаи туризмашон дар ҳоли рушд қарор дорад, ворид намудаанд. 
Коршиносони соҳа бо назардошти барқароршавии иқтисодиёти ҷаҳонӣ ва рушд ёфтани инфрасохтори сайёҳӣ дар соли 2017 ба сатҳи сифатан нав ворид шудани соҳаи сайёҳии Тоҷикистонро  пешгӯйӣ кардаанд.  Албатта, ин натиҷаву нишондиҳандаҳо ниҳоӣ набуда, дар ин ҷода аз ҷониби масъулон тадбирҳои муассир андешида мешаванд. Тибқи арзёбии мутахассисон ҳамаи ин пешравиҳо маҳз ба он равона гардидааст, ки саҳми соҳаи сайёҳӣ дар маҷмӯи маҳсулоти дохилии кишвар то соли 2020 ба 5 ва саҳми ғайримустақими он барои рушди соҳаҳои дигари иқтисодиёт ба 15 дарсад расонда шавад. Дар ин ҷараён, мувофиқи Консепсияи миллии рушди соҳаи сайёҳӣ Тоҷикистон то соли 2020 бояд то 1 миллион сайёҳ қабул намояд. 
Ш. ҚУРБОН, «Ҷумҳурият»


Баёни ақида (0)    Санаи нашр: 06.01.2017    №: 4    Мутолиа карданд: 6426
14.08.2020


САНГВОР. ДЕҲАҲО ТАРОВАТИ ТОЗА МЕГИРАНД

ВАҲДАТ. ЭҲСОСИ ШУКӮҲИ ҶАШНИ МИЛЛӢ

ДАЪВАТИ СММ АЗ ҶОМЕАИ ҶАҲОНӢ

Ҷаҳон дар як сатр

ҶОМИ ҶАҲОН – 2022. БОЗИҲОИ МАРҲИЛАИ ИНТИХОБӢ СОЛИ 2021 БАРГУЗОР МЕШАВАНД

12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ


Дар сомонаҳои дигари Тоҷикистон хонед