logo

иҷтимоиёт

ЧОЙ. ДАҲ АМАЛИ МАМНӮЪ ДАР ИСТИФОДАИ ОН

Бо вуҷуди хусусиятҳои мусбат ва ба организми одам таъсири муфид доштан чой дар сурати истеъмоли нодуруст метавонад зарар ҳам расонад. Дар фарҳанги чойнӯшии чинӣ дар ин бобат тазкирае ҳаст бо номи «Даҳ амали мамнӯъ ҳангоми чойнӯшӣ», ки донистани он аз манфиат холӣ нест.

Манъи чойнӯшӣ ба меъдаи холӣ. Вақти чойи талх нӯшидан, табиати сарди чой дарун рафта, мисли «даромадани гург ба рама», метавонад талхадон ва меъдаро сард созад. Дар Чин аз қадим мегуфтанд, ки «ба дили гурусна набояд чой нӯшид».
Манъи нӯшидани чойи сӯзон. Чойи аз ҳад сӯзон гулӯ, сурхрӯда ва меъдаро озурда мекунад. Пайваста нӯшидани чойи ҳарораташ аз 62 дараҷа баланд деворҳои меъдаро реш-реш карда, бемориҳои гуногуни меъдаро меангезад. Ҳарорати чой набояд аз 56 дараҷа боло бошад.
Манъи нӯшидани чойи сард. Агар чойи ширгарм ва гарм шахсро бардам ва фикру чашмашро равшан кунад, чойи сард боиси ҷамъшавии балғам мегардад.
Манъи нӯшидани чойи аз ҳад талх. Миқдори зиёди кофеин ва танин дар чойи талх метавонад сабаби дарди сар ва бехобӣ шавад.
Манъи тӯлонӣ дам кардани чой. Дар ин маврид ғизонокии чой аз ҳисоби туршшавии витаминҳои С ва Р – и дар баргҳои чой мавҷудбуда ва дигар моддаҳои муфид коҳиш ёфта, миқдори микроорганизмҳои зарарнок, аз ҷумла бактерияҳо, меафзояд.
Манъи дамкунии чандинкарата. Вақти якум бор чой дам кардан 50 дарсади моддаҳои барги чой берун мешаванд, маротибаи дувум 30 дарсад ва бори сеюм ҳамагӣ 10 дарсад. Дар сурати минбаъд низ дам кардан моддаҳои зарарноки баргҳо мебароянд.
Манъи чойнӯшӣ пеш аз хӯрок. Миқдори зиёди чойи пеш аз ғизо нӯшида ба суюқшавии оби даҳон меорад, ғизо ба назар бемазза менамояд, ғайр аз ин, протеинро узвҳои ҳозима суст аз худ мекунанд. Яъне чойро  20 - 30 дақиқа пеш аз тановули хӯрок нӯшед.
Манъи чойнӯшӣ баъди хӯрдани ғизо. Дарҳол баъди хӯрокхӯрӣ бисёр чой ё об нӯшидан ба коҳиши тамаркузи оби меъда меорад, ки он боиси сустшавии ҳазм гашта, кори ҳама узвҳои ҳозимаро вайрон мекунад. Агар пас аз ғизо чой нӯшидан хоҳед, 20 - 30 дақиқа сабр кунед.
Манъи хӯрдани дору бо чой. Моддаҳои даббоғие, ки дар чой мавҷуданд, танин ҳосил мекунанд, ки аз он бисёр доруҳо таҳшин шуда, баъд ҳазм мешаванд. Аз ин рӯ, чиниҳо мегӯянд, ки чой таъсири доруро рад мекунад.
Манъи нӯшидани чойи дирӯза. Чойе, ки як шабонарӯз истодааст, на танҳо витаминҳоро гум мекунад, балки муҳити мусоид барои бактерияҳо мешавад. Аммо, агар чой дар ин муддат вайрон нашуда бошад, онро барои табобат истифода бурдан мумкин аст. Зеро он аз кислотаҳо ва фтор бой буда, ҳангоми шамолхӯрии даҳон, дарди забон, милкҳои хунрав, ҷароҳатҳои рӯи пӯст давои хубест. Ғарғараи даҳон пеш аз дандоншӯӣ ва пас аз хӯрдани ғизо на танҳо эҳсоси тароват медиҳад, ҳамчунин дандонҳоро мустаҳкам мекунад.
Таҳияи Хуршеди ҶОВИД


Баёни ақида (0)    Санаи нашр: 09.01.2017    №: 5    Мутолиа карданд: 2269

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед