logo

иҷтимоиёт

ЧАРО БО СОҲИРОН МУБОРИЗА НАМЕБАРЕМ?!

Сеҳр ё худ ҷоду, ба яқин, дар ҳоли афзудан ва густариш ёфтан аст, ки хоҳ - нохоҳ ба пешрафти ҷомеа ва аҳли он таъсири баду манфии худро мегузорад.

Сеҳр, инчунин сабаби нифоқ, ҷангу ҷидол ва душманӣ миёни дӯстону шавҳарону занон мегардад. Агарчи медонем, ки он ҳамзамон ҷисму рӯҳро бемор месозад ва низ асбоби қатл аст, муҳри хомӯшӣ ба лаб мениҳему барои барҳамзаданаш тадбирҳои судманд намеандешем.
Сеҳрро муҳаққиқону донишмандон аз бемориҳое донистанианд, ки ба ақида ва қалб асари баду шадид мегузорад. Аз ин рӯ, дину шариатҳо дар ҳар давру замон бо он муборизаҳои оштинопазир мебурданд ва муваффақ ҳам мешуданд. Дар Қуръони карим ояи 69 - и сураи Тоҳо омадааст: «Ва ҳеҷ гоҳ ғолибу растагор намешавад соҳир ҳар ҷое, ки равад».
Паёмбар (с) низ мефармояд: «Ҳар мусулмоне, ки пеши соҳир ва фолбин равад ва аз онҳо чизе пурсад ва гуфтаҳои онҳоро бовар ҳам накунад, чил шабонарӯз ибодаташ аз номаи аъмолаш хат зада мешавад. Борҳову борҳо дидаему шунидаем, ки ба ҳангоми ҷустуҷӯи чизе аз дарёҳо ва ё тоза кардани роҳҳои онҳо қуфлҳои зиёде пайдо намудаанд. Ин ҳама нишонаҳои одитарини сеҳр аст.
Аз гӯрҳо луъбатҳо (лухтакҳо) – и зиёде ёфтаанд. Онҳо аз сар то ба по бо бандҳову риштаҳо баста шудаанд. Бархе аз занҳо ниҳон аз ҳама таъвизҳоро дар дохили кафанҳо меандозанд. Ин ҳолатро одамон пай намебаранд ва бо майит дар гӯр ҷой мегиранд.
Ин мушт намунаи хирвор мебошад. Шаклу усулҳои сеҳр гуногун ва низ бешуморанд.
Баъзе аз ин соҳирон дар миёни мардум шинохта шудаанду барои бархе маҳбубанд. Чаро? Чунки ниятҳои бади худро ба василаи онҳо амалӣ мекунанд.
Гурӯҳе барои ҷудо кардани занону шавҳарон аз ин соҳирон ёрӣ мехоҳанд. Яке аз соҳирон барои навиштани ин гуна таъвиз, ки бояд дар шохаи дарахте биовезад, 100 доллари амрикоӣ талабгор мешавад. Ҳар амали соҳир ва таъвизҳояш нархҳои муайян доранд. Ин нархномаҳоро талабгорон ҳатто азёд медонанд. Вале донистан намехоҳанд, ки ин ҳама мардумфиребӣ ба хотири сарвати бе дарди миён ғундоштан аст, на чизи дигар.  Пас, ин соҳиронро чӣ гуна бояд шинохт? Мушкил нест. Онҳо нишонаҳои зиёд доранд. Хондани тӯмор ё худ таъвизи соҳирон бисёр душвор мебошад. Аз беморон ҳайвон ва ё мурғҳоро бо зикри рангҳо талаб менамоянд. Ва ҳам мегӯянд, ки онҳоро бе гуфтани «бисмиллоҳ» бикушанд. Бо хуну гӯшти онҳо гӯё беморро эм мекунанд.
Кас дар тааҷҷуб меафтад, ки бо шинохти ин ҳама сифатҳои раҳгумзадагону бародарону хоҳарони шаётин чӣ гуна бо дилпурӣ ба онҳо эътимод мебанданд. Рисолати мо – тамоми инсонҳо дар рӯи замин дигар аст. Агар онро намешиносем, ба яқин, аз доираи инсонҳои асил берун меоем.
Аз нигоҳи ислом ҷазои ҷодугар қатл аст. Албатта, сохти давлатдории мо дигар мебошад ва дар ин маврид ҳукми қатл ҷорӣ нест, аммо бояд дар доираи қонунҳои амалкунанда ба онҳо ҷазо таъйин бишавад.
Нахуст, ин афроди зарарноки ҷомеа бояд ба ҷавобгарӣ кашида шаванд, фаъолияташонро қатъ бинамоянд. Чӣ душворие дорад бо онҳо муборизаи беамон бурдан, ки ҳама дар канор нишастаему тамошобинем? Ин то ба кай идома меёбад? Охир онҳо на маъруфанду шуҳратёфта? Ва мо на суроғаи хонаи онҳоро медонем? Масъулон чиро интизоранд. Чӣ гуна меандешем ва кор мекунем?!
Абдулқодири РАҲИМ

P.S.: Нафароне низ ҳастанд, ки барои фиреби мардум ва ситонидани пули онҳо қисме аз амалҳои ин соҳиронро анҷом медиҳанд, ҳарчанд таъсири бад намегузоранд. Умуман, муроди ин ҳар ду гурӯҳ пул ба даст овардан мебошад.


Баёни ақида (0)    Санаи нашр: 09.01.2017    №: 5    Мутолиа карданд: 2143

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед