logo

ҳуқуқ

КОНСТИТУТСИЯ. ОМӮЗИШИ ҲАТМИИ ОН ДАЪВАТ БА ҚОНУНСОЛОРИСТ

Ба роҳ мондани омӯзиши ҳатмии Конститутсия ва қонунҳои Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва «Дар бораи масъулияти падару модар дар таълиму тарбияи фарзанд» дар барномаҳои муассисаҳои таълимӣ, ки аз Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии мамлакат бармеояд, иқдоми дурбинонаест, ки дар баланд бардоштани маърифати ҳуқуқии аҳолӣ ва шаклгирии ҷомеаи қонунсолор мусоидат хоҳад кард.
Дар Паём бори дигар таъкид шуд, ки «Тоҷикистон давлати ҳуқуқбунёду демократӣ ва дунявӣ буда, дар он таъмини ҳуқуқу озодиҳои инсон ва шаҳрванд, волоияти қонуну тартиботи ҳуқуқӣ кафолат дода шудааст». Бешубҳа, дар татбиқи ин ва дигар меъёрҳои Конститутсия, бахусус таъмини ҳуқуқу озодиҳои инсон ва шаҳрванд, нақши мақомоти судӣ басо назаррас аст. Зеро дар моддаи 84 - и Конститутсия омадааст, ки «Ҳокимияти судӣ мустақил буда, аз номи давлат ва аз тарафи судяҳо амалӣ мегардад. Ҳокимияти судӣ ҳуқуқ, озодии инсону шаҳрванд, манфиатҳои давлат, ташкилоту муассисаҳо, қонуну адолатро ҳифз менамояд». Аз ин нукта бармеояд, ки мақомоти судӣ ҳамчун шохаи мустақили ҳокимияти давлатӣ дар амалӣ намудани адолати иҷтимоӣ мавқеи меҳварӣ дорад.
Бо назардошти ин омили муҳим, ҳанӯз аз оғози Истиқлолияти давлатӣ барои таҳкими ҳокимияти судӣ тадбирҳои амалӣ андешида мешаванд. Давра ба давра татбиқ намудани барномаи ислоҳоти судӣ - ҳуқуқӣ ва дар заминаи он такмили сохтору фаъолияти мақомоти судӣ, таҳкими асосҳои моддиву техникии онҳо ва беҳтар кардани вазъи ҳуқуқиву иҷтимоии судяҳо аз ҷумлаи ин тадбирҳои судманд ба шумор мераванд.
Бо вуҷуди ин, то кунун камбудиҳо дар фаъолияти мақомоти судӣ пурра аз байн нарафтаанд ва чуноне ки Сарвари давлат дар Паём изҳор доштанд, баъзан қарорҳои судӣ муҳлатҳои зиёд ба иҷро расонда намешаванд. Аз ин рӯ, Президенти мамлакат ба Вазорати адлия, Суди Олӣ, Суди Олии иқтисодӣ ва Прокуратураи генералӣ дастур доданд, ки бо назардошти таҷрибаи пешқадам механизми самараноки таъмини иҷрои қарорҳои судӣ ва чораҳоро ҷиҳати таъмини фаъолияти иҷрочиёни суд таҳия ва пешниҳод намоянд. Итминон дорем, ки ин тақозои Пешвои миллат дар таъмини фаъолияти босамари иҷрочиёни суд заминаи мусоид фароҳам оварда, масъулонро водор месозад, ки ҷиҳати рафъи камбудиҳои ҷойдошта ва иҷрои саривақтии қарорҳои судӣ тадбирҳои амалӣ андешанд.
Айни замон, бо мақсади рушди минбаъдаи ҳокимияти судӣ, боз ҳам баланд бардоштани мавқеи суд дар ҳифзи ҳамаҷонибаи ҳуқуқу озодиҳои инсон ва шаҳрванд татбиқи «Барномаи ислоҳоти судӣ - ҳуқуқӣ дар Ҷумҳурии Тоҷикистон барои солҳои 2015 - 2017» идома дорад. Интизор меравад, ки иҷрои босамари барнома барои боз ҳам устувор шудани сохтори мақомоти судӣ, таҳкими ҳамкорӣ бо дигар мақомоти ҳифзи ҳуқуқ, иҷрои бетаъхири санадҳои судӣ такони ҷиддӣ хоҳад бахшид.
Мо - кормандони мақомоти судӣ, дар доираи ҳидоятҳои Сарвари давлат ва риояи меъёрҳои Конститутсия ва қонунгузории амалкунанда, таъмини адолати иҷтимоӣ, ҳифзи ҳуқуқу манфиатҳои аъзои ҷомеа, муассисаю корхонаҳо ва ташкилоту созмонҳоро меҳвари фаъолият қарор дода, талош менамоем, ки дар эъмори ҷомеаи воқеан демократӣ, пешрафти муносибатҳои нави ҷамъиятӣ, таҳкими фаъолияти ҳокимияти судии мустақил, беғаразу устувор ва босалоҳият саҳмгузор бошем.
Раҳмиддин РАҲИМЗОДА,
судяи суди ноҳияи Синои шаҳри Душанбе


Баёни ақида (0)    Санаи нашр: 11.01.2017    №: 7    Мутолиа карданд: 2864

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед