logo

иҷтимоиёт

ПАЁМ. ЧАНД ҶАНБАИ МУҲИМ

Паёми имсолаи Пешвои миллат ба Маҷлиси Олии Ҷумҳурии Тоҷикистонро месазад, ки ҷамъбасти дастовардҳои кишвар баъди ҷашни чорякасраи Истиқлолияти давлатӣ, оғози марҳалаи сифатан нави созандагию бунёдкорӣ, баланд бардоштани сатҳи некуаҳволии мардум, таъмини рушди устувори иқтисодиёти кишвар ва дар маҷмӯъ барномаи иҷрои дастуру ҳидоятҳо баҳогузорӣ намуд. Дар Паём доир ба самтҳои ҳассоси вазъи ҳаёти динии кишвар, зарурати ислоҳи камбудиҳои ҷойдошта, ғамхории холисона зоҳир намудан ба ҷавонон, танзими анъана ва ҷашну маросимҳо, таъмини риояи муқаррароти Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва нишон додани нақши осори гаронбаҳои гузаштагон дар тақвияти истиқлолият ва пойдории фарҳанги миллӣ барои ниҳодҳои дахлдор дастуру супоришҳои судманд пешниҳод гардид.
Нахуст, Пешвои миллат зимни ҷамъбасти марҳалаи тайшудаи даврони истиқлолият ёдовар шуданд, ки бадхоҳони миллати тоҷик барои пиёда намудани мақсадҳои палид ва ғаразноки худ мехостанд ба сари мардуми мо мазҳабу фарҳанги бегона ва андешаи ботили бунёди «Давлати исломӣ» - ро таҳмил кунанд. Барои бартараф намудани оқибати чунин рафтори тундгароёна заҳмати чандинсолаи шаҳрвандони ҷумҳурӣ ва хароҷоти зиёд лозим омад. Ин нукта моро ҳушдор медиҳад, ки тамоми саъю талош ва имконияту захираҳои мавҷударо ба он равона созем, ки барои чунин андешаву ҷаҳонбинии номатлуб дар фазои иттилоотии кишвар ҷойгоҳе боқӣ намонад.
Дувум, Сарвари давлат зикр намуданд, ки «Дар замони истиқлолият беш аз 2000 километр роҳи мошингард, 190 километр роҳи оҳан ва зиёда аз 30 километр нақбҳои мошингузар ба маблағи умумии 11,4 миллиард сомонӣ мавриди истифода қарор дода шуданд». Корҳои дар самти раҳоӣ аз бунбасти коммуникатсионӣ анҷомёфта, воқеан,  «қаламрави сепорчаи Тоҷикистонро танҳо дар замони истиқлолият ба як кишвари воҳид» табдил доданд. Ин иқдоми ватандӯстонаи созандагӣ  барои пайванди ногусастанӣ пайдо кардани шаҳру ноҳия ва вилоятҳои ҷумҳурӣ заминаҳои мусоид фароҳам овард. Ба шарофати бунёди роҳҳои оҳан ва мошингард, нақбу  пулҳо ва хати интиқоли неруи барқ табодули босуръати тиҷорати молҳои саноатӣ ва кишоварзӣ таҳаққуқ мепазирад. Дар пояи ин дигаргуниҳо дӯстию рафоқат, ҳамкорию рафтуомад, қаробати хешутаборӣ ва урфу одатҳо мазмуну муҳтавои тоза касб карда, боиси устувор шудани сулҳу субот, ваҳдату ягонагӣ ва ба вуҷуд омадани фазои воҳиди иқтисодию фарҳангӣ дар кишвар мегардад.
Масъалаи сеюми ниҳоят муҳим, ки барои амнияти динию эътиқодӣ ва қавмию мазҳабии кишвари мо таъсиргузор аст, ин мушкили бунёди ҷойҳои нави корӣ ва ба ин васила беҳтар намудани сатҳи некуаҳволии мардум мебошад. Пешвои миллат такроран ба таваҷҷуҳи сокинони мамлакат расонданд, ки: «Таъмин намудани шароит барои зиндагии арзандаи сокинони кишвар ҳадафи олии давлат ва Ҳукумати мамлакат мебошад ва мо тамоми захираву имкониятҳоямонро барои расидан ба ин ҳадаф сафарбар сохтаем». Қабули барномаи давлатии «Стратегияи миллии рушди Ҷумҳурии Тоҷикистон барои давраи то соли 2030» низ ба хотири расидан ба ҳадафҳои волои иҷтимоӣ ва тақвияти сармояи инсонӣ қабул гардидааст. Ҳамчунин, дастур дода шуд, ки дар қаламрави ҷумҳурӣ ҳар сол на камтар аз 100 ҳазор ҷойҳои кории нав бунёд карда шаванд.
Ба андешаи мо, ташаббуси хирадмандонаи Пешвои миллат ҷиҳати дастгирии саҳми ҷавонон дар рушди ҷомеаи муосири тоҷик ва Соли ҷавонон эълон кардани соли 2017 масъалаи муҳими чаҳорум аст, ки барои пешгирӣ намудани шиддати ифротгароӣ ва рафторҳои номатлуб дар байни ҷавонон мусоидат мекунад ва иштиёқу ҳавасмандии онҳоро барои анҷом додани корҳои созанда афзун мегардонад. Илова бар ин, таваҷҷуҳи махсус зоҳир гардидан ба масъалаи фарогирии шумораи бештари бонувон дар корҳои давлатӣ ва хизматрасонӣ бар он далолат мекунад, ки дар доираҳои роҳбарияти олии кишвар ба бозандешии мақому манзалати иҷтимоии бонувон эҳтироми бузург қоиланд.
Ҷанбаи ҷиддии панҷум дар Паёми имсола таъкиди ҳамон воқеияти бебаҳс буд, ки «Тоҷикистон давлати ҳуқуқбунёду демократӣ ва дунявӣ буда, дар он таъмини ҳуқуқу озодиҳои инсон ва шаҳрванд, волоияти қонуну тартиботи ҳуқуқӣ кафолат дода шудааст». Барои татбиқи ин арзиши конститутсионӣ дар даврони Истиқлолияти давлатӣ дар сатҳи ҷомеаи муосири мутамаддин тамоми санадҳои меъёрии ҳуқуқии зарурӣ қабул гардидаанд, ки онҳо дар фазои ҳуқуқии ҷумҳурӣ ҳифзи ҳуқуқу озодиҳои инсон ва шаҳрванд, таъмини тартиботи ҳуқуқӣ, пешрафти иқтисодиёт ва соҳибкориро кафолат медиҳанд. Барои дар мафкураи шаҳрвандон ҷойгузин шудани ин меъёрҳо ниҳодҳои дахлдорро зарур аст, ки корҳои фаҳмондадиҳиро дар байни аҳолӣ густариш диҳанд. Дар маҷмӯи ин иқдомҳо ба омӯзиши ҳатмии Конститутсия ва қонунҳои Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва «Дар бораи масъулияти падару модар дар таълиму тарбияи фарзанд» дар барномаҳои муассисаҳои таълимӣ бартарият дода шуд.
Иҷрои саривақтии ин пешниҳоди муҳим боиси баланд шудани маърифати ҳуқуқии наврасону ҷавонон гардида, дар камолоти онҳо таъсири нек мегузорад. Гузашта аз ин, маърифати баланди ҳуқуқӣ имкон медиҳад, ки ҷавонон аз хатарҳои глобалии имрӯза, хусусан аз гароиш ба ҳизбу ҳаракатҳои экстремистию террористӣ эмин бошанд.
Файзулло БАРОТЗОДА,
директори Маркази исломшиносӣ дар
назди Президенти Ҷумҳурии Тоҷикистон


Баёни ақида (0)    Санаи нашр: 11.01.2017    №: 7    Мутолиа карданд: 2508

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед