logo

иқтисод

БМТ: САТҲИ ТАВАРРУМ МУЪТАДИЛ ВА ҚУРБИ АСЪОРИ МИЛЛӢ УСТУВОР АСТ

Бонки миллии Тоҷикистон натиҷагирӣ аз таҳлили сатҳи таваррумро дар моҳи декабри соли гузашта ва дар соли 2016 (маҷмӯан) расонаӣ намуд. Тибқи маълумот, таваррум дар моҳи декабр дар сатҳи 0,3 % нигоҳ дошта шуд, ки муътадил арзёбӣ гардида, нисбат ба моҳи ноябр 0,3 банди фоизӣ ва назар ба моҳи декабри соли 2015 - ум 0,1 банди фоизӣ камтар аст.
Моҳи гузашта дар ҷумҳурӣ нархи молҳои ғайриозуқа асосан бетағйир монда, арзиши хизматрасониҳои пулакӣ ба аҳолӣ 1,2% коҳиш ёфтаанд. Таварруми ҳосилшударо асосан 1% болоравии нархи молҳои ғизоӣ, аз ҷумла равғани пахта, чой, шир ва маҳсулоти  мавсимӣ, назири картошка, пиёз, себ ташкил додаанд.
Соли 2016 дар маҷмӯъ, бо вуҷуди таъсири номатлуби омилҳои берунӣ, нархҳо дар бозори истеъмолии кишвар муътадил  нигоҳ дошта шуданд. Сатҳи таваррум дар ҷамъбасти сол 6,1% - ро ташкил дод, ки асосан аз ҳисоби  афзоиши нархи маҳсулоти озуқаворӣ (6,8%), ғайриозуқаворӣ (5,7%) ва хизматрасониҳои пулакӣ (4,5%) таркиб ёфтааст. Ин нишондиҳанда назар ба натиҷаи интизории дурнамои соли 2016 (дар Дурнамои сиёсати пулию қарзии Ҷумҳурии Тоҷикистон барои соли 2016, ки бо қарори Маҷлиси намояндагони Маҷлиси Олии Ҷумҳурии Тоҷикистон тасдиқ гардида, 2 декабри соли 2015 дар сомонаи БМТ ба нашр расидааст, нигоҳ доштани таваррум дар сатҳи 7% пешбинӣ шудааст) 0,9 банди фоизӣ кам мебошад.
Аввали соли 2016 вобаста ба таъсири буҳрони сиёсию иқтисодӣ дар кишварҳои шарикони савдо ва тағйирёбии нишондиҳандаҳои макроиқтисодӣ болоравии нархи баъзе аз маҳсулоти бо асъори хориҷӣ аз беруни кишвар воридшаванда ва таъсири ин омил ба нархи маҳсулоти дохилӣ ба мушоҳида расид. Хусусан ҷаҳиши қурби асъори миллӣ – сомонӣ нисбат ба доллар барои сокинони кишвар мушкилот пеш овард. Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо нигаронӣ аз вазъи мавҷуда бо иштироки Сарвазир, муовини аввали Сарвазир, раиси Бонки миллии Тоҷикистон, роҳбарони вазорату идораҳои бахши иқтисоду молия, мақомоти андоз, гумрук, назорати давлатии молиявӣ ва мубориза бо коррупсия, Палати ҳисоб ва мақомоти ҳифзи ҳуқуқ  доир ба роҳҳои таъмини рушди босуботи иқтисодӣ, фаровонӣ дар бозори истеъмолӣ ва муътадил нигоҳ доштани қурби пули миллӣ машварати корӣ доир намуда, масъулонро муваззаф сохт, ки барои ба низом даровардани вазъи молиявӣ – асъорӣ ва устувории қурби сомонӣ тадбирҳои қатъии фавриро роҳандозӣ намоянд. Президент супориш дод, ки тамоми амалиёти харидуфурӯш дар қаламрави ҷумҳурӣ бояд танҳо бо пули миллӣ ҷараён гирад ва барои аз миён бурдани монеаҳои сунъии доираҳои манфиатдору ҳаннотон шумораи нуқтаҳои бонкии мубодилаи расмии асъор зиёд карда шавад. Ҳамчунин, Президент ба масъулон дастур доданд,  ки ба қонунгузории амалкунандаи низоми бонкии мамлакат доир ба танзими асъор ва ҷавобгарӣ барои вайрон кардани он дар кӯтоҳтарин муҳлат тағйиру иловаҳо таҳия ва пешниҳод намоянд. “Тамоми корҳои вобаста ба сиёсати пулию қарзию асъорӣ ва тартиби амали он дар ҳамаи муассисаҳои ин соҳа, новобаста аз шакли моликият, бояд ба таври шаффофу назоратшаванда ба роҳ монда шавад ва мафҳумҳои “қурби давлатӣ” ва “қурби бозор” аз байн бурда шаванд. Қурб бояд якто бошад ва он на дар кӯча, балки аз ҷониби Бонки миллии Тоҷикистон муайян ва танзим карда шавад”, — таъкид карданд Пешвои миллат муҳтарам Эмомалӣ Раҳмон.
Боиси қаноатмандист, ки соли 2016  дар  арафаи моҳи шарифи Рамазон низ нархи гӯшт, биринҷ, тухм, шакар, пиёз, картошка, сабзӣ  ва маҳсулоти дигари асосии истеъмолии сокинон тағйир наёфт. Баръакс, шумораи соҳибкороне, ки ҳимматбаландӣ зоҳир намуда, дар ин моҳ ва арафаи ид молҳои мавриди ниёзи аввалро бо нархҳои арзонтар ба савдо бароварданд, хеле афзуд. Ҳукумати ҷумҳурӣ тавассути қабул ва татбиқи барномаҳои мухталифи соҳавӣ барои фаровонию арзонии маҳсулоти бозори истеъмолии кишвар ва нигоҳдории муътадилии нархи маҳсулот аз тадбирҳои босамар кор гирифт. Натиҷаҳои соли 2016 собит намуданд, ки роҳандозии тадбирҳои босамар, назири назорати қатъӣ, истифодаи фишангҳои пулию қарзӣ ва асъорӣ, нигоҳдории муътадили ҳаҷми пул дар гардиш ва пешгирии таъсири омилҳои берунию дохилӣ ба арзиши мол боиси устувории  нархҳои маҳсулоти  бозори истеъмолии кишвар ва қурби асъори миллӣ мегарданд.
С. АЗИЗ, «Ҷумҳурият»


Баёни ақида (0)    Санаи нашр: 16.01.2017    №: 10    Мутолиа карданд: 1630

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед