logo

фарҳанг

КИТОБ - ЯК РУКНИ МУҲИМИ ТАМАДДУНИ БАШАРӢ

«Китоб як рукни муҳими тамаддуни башарӣ ва ҷузъи ҷудонопазири зиндагии инсон аст»
Эмомалӣ РАҲМОН

Аз қадиммулайём мардуми мо ба китобу китобхонӣ шавқу рағбати зиёд дошт. Ин иддаоро бо пайдо шудани сангнавиштаҳо ва пӯстнигораҳо асоснок намудан мумкин аст. Зеро то имрӯз садҳо катибаҳои сангию пӯстӣ ба дасти муҳаққиқон расидаву аз қаъри қарнҳо ба мо мерос мондаанд, ки дар ҳар кадоми онҳо ҳикматею андарзе ё асноде, ҷиҳати асоснокии давлатдории миллии тоҷикон ҳаккокӣ гардидааст. Яке аз намунаҳои барҷастаи он эъломияи Куруши бузург мебошад, ки аввалин санад ҷиҳати озод будани инсоният ба шумор меравад. Гузашта аз ин номаҳои бостонӣ низ, ба монанди «Дарахти асурик», «Бундаҳишн», «Менуи хирад» ва монанди инҳо, ки бозгӯкунандаи намунаҳои волои фарҳангу тамаддуни миллӣ башумор мераванд, моро ба гузаштаи фарҳангсолори хеш ошно мегардонад.
Яъне дар ҳар давру замон миллати тоҷик, аз Ориён то Оли Сомон ва аз Оли Сомон то даврони истиқлолият мардуми тоҷик аз китоб ҷудо набуд ва нахоҳад гашт.
Аз умқи қарнҳо китоб як рукни муҳими тамаддуни инсоният ба шумор мерафт, махсусан барои миллати тоҷик, ки бо китоб пайвандии равонию ҷисмонӣ дорад. Ҳатто зери сари наврасону кӯдакон ва атфоли навзод китоб мегузоштанду тифлро бо ҳикмати китоб аз неруҳои аҳриманӣ дифоъ менамуданд. Ва кӯдакро бо китоб бузург менамуданд. Ин муносибат муносибати сирф психологӣ буда, кӯдакро бо китоб унс месозад. Ва то наврасию ҷавонӣ ва камолоти инсонияш худро аз ин неъмати фарҳангӣ ҷудо намесозад ва зиндагии худу фарзандонашро бо китоб оро медиҳад. Вақте дар оила падар дар даст рӯзнома ва ё китоб мутолиа намояд, фарзандаш инро дида мехоҳад мисли падар бошад. Ва падар низ дар баробари ин, агар китобу рӯзномаро хонда ба фарзанд аз шавқоварии он ва манфиати  мутолиа қисса намояд, фарзанд бедор хоҳад шуд ва ӯ низ мекӯшад, ки китоберо хонда ба падараш нақл бикунад. Пас, падар  шуури кӯдакро ба корҳои номашруъ нею ба корҳои нофеъ банд намуда, солимии равони кӯдакро таъмин месозад. Албатта, ин ҳам аз ҷониби марду зане, ки соҳиби маърифат, илму ҳунар ва фарҳанги волои инсонию оиладорӣ бошанд.
То соли 2010 дар васоити ахбори омма аз ҷониби шахсони гуногун як сухан аз забон то забон чархиш мехӯрд, ки «ҷавонони тоҷик аз китобу китобхонӣ ва китобхонаву адабу маърифат дур шудаанд». Вале бо бунёди бузургтарин китобхона дар Осиёи Марказӣ - Китобхонаи миллии Тоҷикистон аз ҷониби Пешвои миллат бори дигар исбот шуд, ки сухани боло асоси воқеӣ надорад.  
Танҳо дар соли 2016 шумораи умумии хонандагони ин даргоҳи маърифат ба 398548 нафар расидааст, ки ин рақам дар соли 2013 ба 181461 баробар буд. Бо зикри ин рақамҳо худ муайян мешавад, ки рӯз то рӯз ҷалби хонандагон ба Китобхонаи миллӣ афзуда, ҷавонон ба сӯи бинои китобхонаи бузург ҳамчун макони маърифату маданият ва махзани ирфону адаб нигариста, махзанҳои адабии Китобхонаи миллиро ҳамчун макони маърифатнокии афкор ва шуури худ мешиносанд ва қадр мекунанд.
Ин ташаббусҳо ва бунёдкориҳои Пешвои миллат моро водор мекунад, ки дар ин замина корҳои самарабахш ва барои таъмини ҳамаҷиҳатаи хонандагони худ бо маводи зарурӣ талош намоем ва тамоюли ҷавононро ба китобу китобхона боз ҳам бештар гардонем.
Салима РАҶАБОВА,
муовини директори Китобхонаи миллии Тоҷикистон


Баёни ақида (0)    Санаи нашр: 16.01.2017    №: 10    Мутолиа карданд: 3211
01.07.2020


ҚАРОР ДАР БОРАИ ТАЪЙИН ВА ПАРДОХТИ КУМАКПУЛИИ ИҶТИМОӢ

4568 МУБТАЛОИ COVID – 19 ДАР ТОҶИКИСТОН ШИФО ЁФТ

ҶАЛАСАИ ШӮРОИ ИҚТИСОДИИ ИДМ

НИШАСТИ САТҲИ БАЛАНД ДАР ҚОЛАБИ С5+1

ЛИГАИ ОЛӢ. ЭҲСОН ВА ВИТАЛИЙ БЕҲТАРИНҲОИ МОҲИ ИЮН

НАҚШАИ РУШДИ ИДМ БО НАЗАРДОШТИ COVID-19 ТАТБИҚ МЕШАВАД

ҶАҲОН ДАР ЯК САТР

30.06.2020


МУРАШКО: «РОССИЯ ОМОДА АСТ, ВАКСИНАҲОИ КОРОНАВИРУСРО БА БОЗОРИ ҶАҲОНӢ ВОРИД СОЗАД»

ҶАҲОН ДАР ЯК САТР

26.06.2020


75 ДАРСАДИ СИРОЯТЁФТАГОНИ COVID – 19 ДАР ТОҶИКИСТОН ШИФО ЁФТАНД

БОХТАР. ХИЗМАТЧИЁНИ ДАВЛАТӢ САВГАНД ЁД КАРДАНД

ФУТБОЛ. БОЗИИ РАФИҚОНАИ ДУ КИШВАРИ ДӮСТ

СУТ ХУРУҶИ НАВИ КОРОНАВИРУСРО ДАР АВРУПО ТАСДИҚ НАМУД

ҶАҲОН ДАР ЯК САТР

25.06.2020


COVID – 19. ДАР ТОҶИКИСТОН 4194 СИРОЯТЁФТА СИҲАТ ШУД

24.06.2020


ХУШХАБАР. ДАР ТОҶИКИСТОН 73,8 ДАРСАДИ МУБТАЛОЁНИ КОРОНАВИРУС ШИФО ЁФТАНД

АРАБИСТОНИ САУДӢ ҲАҶРО БАРОИ ЗОИРИНИ ХОРИҶӢ МАНЪ КАРД

ҶАҲОН ДАР ЯК САТР

23.06.2020


ТОҶИКИСТОН. БОЗ 44 СИРОЯТШУДА СИҲАТ ШУД

АШТ. ОҒОЗИ МУМФАРШКУНИИ РОҲИ ШАЙДОН - ПОНҒОЗ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

ТАБИБОН НИШОНАҲОИ АСОСИИ КОРОНАВИРУСРО ДАР КӮДАКОН МУАЙЯН НАМУДАНД

ЛИГАИ НАВРАСОН ФАРДО БО ИШТИРОКИ 9 ТИМ ОҒОЗ МЕШАВАД

ИҚТИСОДИ ҶАҲОНӢ АЗ ПАНДЕМИЯ КАМАШ $126 МИЛЛИАРДРО ТАЛАФ ДОД

ҶАҲОН ДАР ЯК САТР

22.06.2020


ХУШХАБАР. 72,4 ДАРСАДИ СИРОЯТШУДАГОНИ COVID – 19 ДАР ТОҶИКИСТОН ШИФО ЁФТАНД

ҚУБОДИЁН. БОЗДИДИ ҚУРБОН ҲАКИМЗОДА АЗ КОРХОНАИ ИСТЕҲСОЛИ ЯХМОС

ЧЕМПИОНАТИ ТОҶИКИСТОН – 2020. АВВАЛИН БОХТҲОИ "ФАЙЗКАНД" ВА "ХАТЛОН"

СУТ: «МО ШОҲИДИ ҚАҲРАМОНӢ ВА ФИДОКОРИИ ПИЗИШКОНИ ТОҶИК БУДЕМ»

ҶАҲОН ДАР ЯК САТР

ТОҶИКИСТОН. 71,2 ДАРСАДИ ГИРИФТОРОНИ КОРОНАВИРУС СИҲАТ ШУДАНД

НУРОБОД. МАЙДОНИ КИШТИ КАРТОШКА ТАВСЕА МЕЁБАД

ЧЕМПИОНАТИ ОСИЁ – 2020. ДАСТАҲОИ МИЛЛИИ ТОҶИКИСТОН (U-16) ВА (U-19) БА КАДОМ ГУРӮҲ ШОМИЛ ШУДАНД?

18.06.2020


ХАТЛОН. ҶАЛАСАИ СИТОДИ ВИЛОЯТӢ ОИД БА ПУРЗӮР КАРДАНИ ТАДБИРҲОИ ЗИДДИЭПИДЕМИЯВӢ


Дар сомонаҳои дигари Тоҷикистон хонед