logo

сиёсат

ДАҲСОЛАИ НАВ ЯЪНЕ, ТАЪМИНИ АМНИЯТИ ЭКОЛОГИИ САЙЁРА

Бо пешниҳоди Пешвои миллатамон аз ҷониби Маҷмаи умумии Созмони Милали Муттаҳид давраи солҳои  2018 - 2028   эълон гардидани  Даҳсолаи байналмилалии «Об барои рушди устувор» гувоҳи он аст, ки Тоҷикистон ташаббускор ва пешсафи  фаъоли ҳалли  масоили глобалии вобаста ба захираҳои об аст. Ин ибтикори навбатии Тоҷикистон идомаи мантиқии пешниҳодҳои қаблӣ буда, барои густариши ҳалли масоили  мубрами марбут ба об дар минтақа ва ҷаҳон мусоидат менамояд.
Ин нукта зимни баргузории ҳамоиши илмӣ амалии «Ибтикори навбатии ҷаҳонии Тоҷикистон марбут ба об», ки бо ташаббуси Пажӯҳишгоҳи илмӣ – тадқиқотии фарҳанг ва иттилоот баргузор шуд, зикр гардид.
Шариф  Комилзода, директори пажӯҳишгоҳ, зимни суханронии худ  гуфт, ки «ин пешниҳод бори аввал аз ҷониби Пешвои миллат 12 апрели соли 2015 дар Форуми ҳафтуми умумиҷаҳонӣ оид ба масъалаҳои об дар Ҷумҳурии Корея ба миён гузошта шуд. Президенти Ҷумҳурии Тоҷикистон зарурати пешниҳоди Даҳсолаи байналмилалии амал «Об барои рушди устувор» - ро асоснок намуда, қайд карданд, ки таҳдиду хатарҳои муосири глобалӣ, аз ҷумла буҳронҳои молиявию иқтисодӣ, афзоиши аҳолӣ, тағйири иқлим, зуд - зуд рух додани ҳодисаҳои офатбори гидрометеорологӣ, норасоии об ва дар натиҷа, боло рафтани сатҳи камбизоатӣ, густариши бемориҳои сирояткунанда ва афзоиши фавти модару кӯдак, аз мо саъю талоши бештар ва дар ин арса андешидани тадбирҳои марбутаро тақозо доранд. Зеро таҳдидҳои зикршуда имкон надоданд, ки ҳадафу вазифаҳои даҳсолаи қаблии байналмилалии амалиёти «Об барои ҳаёт» пурра татбиқ карда шаванд”.
Абдумуъмин  Қутбиддинов, ходими пешбари илмии пажӯҳишгоҳ, зикр намуд, ки яке аз ҳадафҳои асосии Даҳсолаи байналмилалии амал “Об барои рушди устувор”  таъмини амнияти  экологии сайёра мебошад. Дар ибтидои соли 2016 аз  ҷониби СММ барои 15 соли оянда 17 ҳадафи асосӣ муайян гардид, ки  чанде аз ин ҳадафҳо бевосита  марбут ба  масоили экологӣ  мебошанд. Тоҷикистон ҷомеаи ҷаҳониро  ҳанӯз аз соли 2000 - ум  ба ин масъалаи ниҳоят муҳими экологӣ   ҷалб намуда буд. Пешниҳоди  Ҳукумати Ҷумҳурии Тоҷикистон, пеш аз ҳама,   ба масъалаҳои глобалӣ ва экологӣ, ки  ба рушди ҷумҳурӣ ва масоили тағйирёбии иқлим  иртибот дорад, зич  алоқаманд аст.
Дар ҳамоиш, ҳамчунин, таъкид гардид, ки Тоҷикистон бо ташаббусҳои қаблии Пешвои миллат, аз ҷумла  ба эълон доштани  соли 2003  “Соли байналмилалии  оби ошомиданӣ”,  2013 “Соли байналмилалии ҳамкорӣ дар соҳаи об”,  солҳои 2005 – 2015 “Даҳсолаи байналмилалии амалиёти "Об барои ҳаёт” обрӯю эътибори баланд касб намудааст. Ҳадафҳои асосӣ дар ин пешниҳодҳо  ҳушдор додани  ҷомеаи ҷаҳонӣ аз  хавфи бузурге мебошад, ки   дар сурати муносибати нодуруст  ҷомеаи башарӣ дар наздиктарин фурсат мувоҷҷеҳ ба он мегардад. Аз ин рӯ, даҳсолаи нав дар самти расидан ба ҳадафҳои  муҳити зист, бахусус, дар таъмини  устувории он созгор буда метавонад.
Фарзона ФАЙЗАЛӢ,  “Ҷумҳурият”


Баёни ақида (0)    Санаи нашр: 16.01.2017    №: 10    Мутолиа карданд: 1527

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард


Дар сомонаҳои дигари Тоҷикистон хонед