logo

иҷтимоиёт

ОБ. ОЯНДАРО ИМРӮЗ НАҶОТ БОЯД ДОД!

Қабули пешниҳоди Пешвои миллатамон аз ҷониби Маҷмаи умумии Созмони Милали  Муттаҳид дар бобати эълон намудани Даҳсолаи   байналмилалии амал «Об барои рушди устувор», солҳои 2018 - 2028 барои Тоҷикистон мояи ифтихори бузург аст. Эълони даҳсолаи нав даҳҳо ҳадафҳоро пайгирӣ менамояд, ки имрӯзу ояндаи ҷомеаи инсонӣ ба онҳо ниёзманд мебошад. Яке аз ҳадафҳои меҳварӣ таъмини амнияти экологии сайёра аст. Дар ибтидои соли 2016 аз ҷониби СММ барои 15 соли оянда 17 ҳадафи асосӣ муайян гардид, ки чанде аз онҳо ба масоили экологӣ иртибот доранд.

Бинобар ифлосшавии атмосфера ва дигаргун гаштани иқлим пиряхҳои Тоҷикистон сар аз солҳои шастуми асри гузашта бо суръати баланд об мешаванд. Яъне, бетафовутӣ ба обшавии пиряхҳо барои оянда даҳшатбор хоҳад буд. Ба ҳисоби мутахассисон, агар тамоми пиряхҳои ҷаҳон об шаванд, сатҳи об дар рӯи замин 64 метр баланд мегардад.
Ҳадафи асосии ташаббусҳои  Президенти мамлакат муҳтарам Эмомалӣ Раҳмон оид ба эълон доштани Соли байналмилалии оби тоза (2003), Даҳсолаи байналмилалии амалиёти «Об барои ҳаёт» (2005 - 2015) ва «Соли байналмилалии ҳамкорӣ дар соҳаи об» (2013) ҳушдор додани ҷомеаи ҷаҳонӣ аз хавфи бузурге мебошад, ки дар сурати муносибати нодуруст ҷомеа ба он мувоҷеҳ хоҳад шуд. Дар робита ба ин, даҳсолаи нав дар самти расидан ба ҳадафҳои муҳити зисту беҳдошт,  бахусус, дар таъмини устувории муҳити зист, хеле созгор буда метавонад.

Ҳадафҳои иқтисодӣ аз об
Ҳадафи дигари қабул ва эълон гардидани ин даҳсола обро ба манбаи истеҳсоли энергияи арзон ва тозаю безарар табдил додан аст. Моҳияти аслии инро воқеоти неругоҳи Фукусимои Япония барои тамоми ҷаҳон собит намуд. Дар Тоҷикистон об захираи асосии энергетикии кишвар ба ҳисоб меравад. Мавриди зикр аст, ки аз иқтидори  гидроэнергетикии кишвар, ки дар ҳаҷми 527 миллиард кВт - соат баҳогузорӣ шудааст, имрӯз ҳамагӣ 3 - 4 дарсади он истифода карда мешавад. Яъне, захираҳо барои баҳрабардорӣ аз ин сарчашмаи неруи аз лиҳози экологӣ тоза ва аз лиҳози иқтисодӣ нисбатан арзон кифояанд. Ҳоло зиёда аз 98 дарсади неруи барқи дар ҷумҳурӣ истеҳсолшаванда  «неруи сабз» аст.

Аҳамияти сарфаи обҳои ширин
Ҳамасола дар ҷаҳон 22 март чун Рӯзи захираҳои обӣ таҷлил мешавад, то ин ки аҳли башар моҳияти масъаларо дарк намояд. Аммо ҳанӯз ҷомеаи башарӣ ба дарки амиқи ин мушкил нарасидааст, ки ҳарчанд 70 - 80 дарсади рӯи заминро об пӯшонда бошад ҳам, танҳо як дарсади он ошомиданист.
 Тоҷикистон аз рӯи сифати об дар қатори кишварҳои даҳгонаи аввал қарор дорад. Бояд боиси нигаронии аҳли башар бошад, ки зиёда аз як миллиард сокини сайёра аз оби ошомиданӣ танқисӣ мекашад. На ҳама захираҳои оби ошомиданӣ барои инсоният дастрасанд. Дар сурати масрафи беҳудуд инсон метавонад ба хавфи беобӣ дучор гардад.

Об ва ҳаёт
Инсон бояд дарк намояд, ки об неъмати ивазнашаванда ба шумор меравад. Агар инсон 2 фоизи оби баданро аз даст диҳад, ташна мемонад, 10 дарсадро аз даст диҳад, бемор аст, 12 дарсадро аз даст диҳад, бе табобати духтур ба по истода наметавонад, 15 - 20 дарсадро аз даст диҳад ба марг дучор мешавад. Баъди оксиген дувумин омили бақо барои инсон об аст. Коршиносону муҳаққиқон ба он назаранд, ки инсоният дар оянда бештар ба мушкилоти экологии вобаста ба об рӯ ба рӯ мешавад. Тоҷикистон чун ташаббускори даҳсолаи нав  ҷонибдори якҷоя ҳал кардани печидагиҳои ин проблемаи ҷиддии аҳли башар аст.
Бахтиёри ҚУТБИДДИН,
устоди Донишгоҳи миллии Тоҷикистон


Баёни ақида (0)    Санаи нашр: 17.01.2017    №: 11-12    Мутолиа карданд: 2453

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед