logo

иҷтимоиёт

ДАР ҶАВОНӢ САЪЙ КУН…

Бо пешниҳоди Пешвои миллат дар кишвар соли 2017 – Соли ҷавонон эълон гардид. Омилҳо барои ин пешниҳоди муфид, хушбахтона, зиёд буданд. Зеро саҳми ҷавонон дар рушди ҷомеа зиёд буду ҳаст. Ва, низ онҳо дар ҳаёти сиёсиву иқтисодии мамлакат иштироки фаъолона доштанду доранд.

Сарвари давлат зимни ироаи Паёми навбатии худ ба Маҷлиси Олӣ таъкид намуданд, ки ҷавонони мо, новобаста  аз макони зисту фаъолияташон, бояд дорои ҳисси баланди миллӣ бошанд. Инчунин, бо ин Ватан, миллат, давлати соҳибистиқлоли худ ва забону фарҳанги миллии худ ифтихор намоянд. Ба ҷуз ин, зарур мешуморанд, ки ин насл барои ҳимояи онҳо ҳамеша омода ва зираку ҳушёр бошанд. Албатта, ин беҳтарин дастуру раҳнамо на танҳо барои ҷавонон, балки барои ҳар зиёӣ аст. Яъне, ҷавонон бояд мавқеъ, мақому вазифаҳои худро бишиносанд ва зиёиён, хоса онҳое, ки донишу таҷрибаи зиёди кору рӯзгор доранд, дар тарбияи ин насл масъулиятшинос бошанд. Чаро? Чунки ояндаи мамлакат аз онҳост. Агар ин насл солиму хирадманд ба воя бирасад,  пас, ояндаи кишвар ва худи мо дурахшон мебошад. Ва баръакс.
Ҷавонон дар ҳар давру замон неруи пешбарандаи  ҷомеа маҳсуб мешуданд. Аз ин рӯ, дар тарбияи дурусти онҳо масъулон саҳми чашмрас мегирифтанд. Намуна ва мисоли онро мо дар адабиёти гузаштаамон фаровон пайдо карда метавонем. Аз ҷумла:
Дар ҷавонӣ саъй кун, гар бехалал хоҳӣ амал,
Мева бенуқсон бувад, чун аз дарахти навбар аст,
- мегӯяд Мавлоно Абдураҳмони Ҷомӣ.

Воқеан, ин давроне аст, ки кас дар он аз илми андӯхтааш ба ҷомеа бештар нафъ оварда метавонад, ба бузургтарин иқдому ташаббусҳо рӯ меорад, дар пешрафту тараққиёт ва ободии кишвар саҳми бештару арзанда мегирад, дар ҳифзи марзу буми сарзамини аҷдодӣ бо ҷасорат омода мебошад.
Дар замони соҳибистиқлолии кишвар як рӯзи сол - Рӯзи ҷавонон аст. Сарвари давлат ба ин қишри ҷомеа махсус таваҷҷуҳ зоҳир мекунанд, то бештар аз пештар ба илмомӯзӣ, ихтироот, ободонӣ бо майлу рағбат ва муҳаббату самимият рӯ биёранд. Инчунин, бо фарҳангу забони миллии худ ифтихор дошта бошанд. Донистани фарҳангу забони миллӣ ва ифтихор бо он ба чӣ хотир аст? «Бе донистани таърихи гузаштаи миллату давлати хеш, бе худшиносӣ, бе анъанаҳои аҷдодӣ, бе ифтихори ватандорӣ ягон халқи ҷаҳон пеш намеравад ва ягон кишвар соҳибэҳтирому муқтадир намегардад»,- изҳор доштаанд Пешвои миллат.
Бо ҷаҳолат бошад, фақат маърифат мубориза бурда метавонад. Дар ҷое агар маърифат мақому мавқеашро аз даст бидиҳад, ба яқин, ҷои онро ҷаҳолат мегирад.
Ҷавонон бо дастуру раҳнамоии Президенти мамлакат хуб медонанд, ки бе аз худ намудани дастовардҳои илму техника ва технологияи ҳозиразамон ва дар сатҳи баланд донистани забонҳои хориҷӣ наметавон мутахассиси комил шуд. Онҳо таъкиди Пешвои худро аз Паём ба Маҷлиси Олӣ (20 январи соли 2016) хуб дар хотир доранд, ки «Танҳо миллати босавод метавонад насли соҳибмаърифату донишманд ва кадрҳои арзандаи давронро ба воя расонад, пеш равад ва дар ҷомеаи мутамаддин мақоми арзандаи худро пайдо намояд».
Ҷавобан ба ин ҳама ғамхориҳо, фароҳам овардани шароиту имконот умед аст, ки соли 2017, яъне, Соли ҷавонон, воқеан, соли дастовардҳои бузург дар тамоми соҳаҳо мегардад. Инчунин, онҳо саъю талошашон, донишу таҷрибаашонро дар ободиву пешрафту ҳифзи сарзамини аҷдодӣ, рушди илмҳои муосир ва нофеъ равона менамоянд.
Абдукарим МУСТАФОЗОДА,
сармутахассиси шуъбаи
дин,  танзими анъана
ва ҷашну маросимҳои
Дастгоҳи иҷроияи Президенти
Ҷумҳурии Тоҷикистон


Баёни ақида (0)    Санаи нашр: 17.01.2017    №: 11-12    Мутолиа карданд: 2517

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд

Дар Чин кӯдак аз ошёнаи 26 – ум афтода зинда монд

Аксаков бо сенаторони амрикоӣ зарурати муколамаи фаъолро баррасӣ намуд

Ҳамкории Москва ва Рейкявик дар Арктика тақвият меёбад

ФР ва Тоҷикистон конфронси ҳамкории байниминтақавӣ доир мекунанд

ИМА омодаи тамдид намудани созишномаи ССҲ бо Россия аст

Ҷаҳон дар як сатр


Дар сомонаҳои дигари Тоҷикистон хонед