logo

сиёсат

ТОҶИКОБОД. АНҶОМИ ЯК МУЛОҚОТИ СУДМАНД

Раиси Маҷлиси намояндагони Маҷлиси Олии Ҷумҳурии Тоҷикистон  Шукурҷон Зуҳуров дар Хонаи фарҳанги деҳаи Лангари Шоҳи ноҳияи Тоҷикобод дар робита ба шарҳу тавзеҳи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо интихобкунандагон мулоқоти судманд анҷом дод. 
Раиси Маҷлиси намояндагони Маҷлиси Олӣ нахуст нуктаҳои муҳими Паёми Пешвои миллатро шарҳу эзоҳ дода, зимнан тазаккур дод, ки соли 2016 барои Тоҷикистон соли рушди босуботи иҷтимоию иқтисодӣ буд, зеро новобаста аз буҳрони идомаёбанда дар иқтисоди ҷаҳонӣ ва дигар омилҳои берунӣ, ҷараёни дигаргунсозиҳо барои беҳбуди фазои сармоягузорӣ, рушди бахши хусусӣ ва соҳибкорӣ, суботи макроиқтисодӣ дар кишвар нигоҳ дошта шуд. Зиёд гардидани музди меҳнати кормандони соҳаи буҷетӣ, нафақа ва стипендия далели бебаҳс аст, ки иқтисодиёти мамлакат дар ҳоли рушд қарор дорад.
Ба гуфтаи Шукурҷон Зуҳуров, ҳадафҳои стратегии мамлакат - расидан ба истиқлолияти энергетикӣ, раҳоӣ аз бунбасти коммуникатсионӣ, таъмини амнияти озуқаворӣ қадам ба қадам наздик мешаванд ва солҳои наздик зиндагии шоистаи халқи тоҷик таъмин мегардад. Ҳадафи дигари наздиктарини Ҳукумати Ҷумҳурии Тоҷикистон аз кишвари аграрӣ - саноатӣ ба кишвари саноатӣ - аграрӣ табдил додани Тоҷикистон аст. Ҳамаи мо шоҳиди он ҳастем, ки бо ба истифода додани корхонаҳои азими саноатӣ, неругоҳҳои барқи обӣ нақшаи стратегии Пешвои миллат зина ба зина амалӣ шуда истодааст ва он рӯз дур нест, ки Тоҷикистони азизи мо пурра ба мамлакати саноатӣ - аграрӣ табдил ёбад.
Дар Паёми навбатӣ мисли солҳои қаблӣ ба масъалаҳои рушди маориф, ҳамчун  соҳаи афзалиятнок диққати махсус дода шуд. Мо шоҳиди бунёд ва навсозии биноҳои муассисаҳои нави таълимӣ, аз ҷумла, дар ноҳияи Тоҷикобод мебошем. Маблағгузорӣ дар соҳаи маориф меафзояд. Чунончи, 56 дарсади буҷети ноҳияи Тоҷикобод дар соли 2017 ба соҳаи маориф равона мегардад. Дар баробари ин, Президенти мамлакат таъкид намуданд, ки кадрҳои навовар ва ихтироъкор ҳанӯз дар ҷумҳурӣ кам буда, бозёфтҳо дар илмҳои дақиқ ва техникиву технологӣ назаррас нестанд. Вобаста ба ин, Сарвари давлат баланд бардоштани сифати таълиму тарбияро дар тамоми зинаҳои таҳсилот яке аз вазифаҳои аввалиндараҷаи устодону омӯзгорон ва падару модарон арзёбӣ намуданд.
- Масъалаи муҳими дигаре, ки боиси таваҷҷуҳи ҷомеаи Тоҷикистон гардид, ин Соли ҷавонон эълон шудани соли 2017 мебошад, - гуфт Шукурҷон Зуҳуров.  Зикр кард, ки таваҷҷуҳи Пешвои миллат ба ҷавонони мамлакат аз сиёсати давлатии Ҳукумати ҷумҳурӣ сарчашма мегирад. Ин амал дар ислоҳоти конститутсионӣ, яъне, тағйиру иловаҳое, ки ба Конститутсияи Ҷумҳурии Тоҷикистон 22 майи соли 2016 тавассути раъйпурсии умумихалқӣ ворид гардидаанд, дастгирии бевоситаи худро ёфт. Минбаъд ҷавонони аз сисола боло тавассути фаъолияти самараноки худ метавонанд мансабҳои олии ҳокимияти давлатиро дар мақомоти қонунгузор, иҷроия ва судӣ ишғол намоянд.
Ҳамчунин, дар Паёми худ Президенти кишвар иброз доштанд, ки: «Афзоиши ҷиноятҳои хусусияти экстремистӣ ва террористидошта бо ҷалби ҷавонон нигаронкунанда аст». Дар ҳақиқат террористон баҳри пиёда кардани ҳадафҳои нопоки худ аз таълимоти дини мубини ислом муғризона истифода бурда, исломро ба сиёсат омезиш медиҳанд. Афсӯс, ки бархе аз ҷавонони тоҷик, аз ҷумла, чанд нафар аз ноҳияи Тоҷикобод низ бар асари гумроҳӣ шомили гурӯҳҳои террористӣ гардида, Ватану диёри хешро бадном месозанд.
Ҳамин тавр, дар Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҳифзи дастовардҳои Истиқлолияти давлатӣ, ваҳдати миллӣ, дарки манфиатҳои давлатию миллӣ, худшиносиву худогоҳӣ, ватандӯстию меҳанпарастӣ  махсус таъкид гардидааст, ки шарти асосии расидан ба некуаҳволии мардуми Тоҷикистон арзёбӣ мегардад.
Б. АБДУСАТТОРОВ,
Дилшод АМИРОВ,
ноҳияи  Тоҷикобод


Баёни ақида (0)    Санаи нашр: 17.01.2017    №: 11-12    Мутолиа карданд: 1637

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед