logo

фарҳанг

РӮЗГОРЕ БАРОИ ИБРАТ. БАРДОШТЕ АЗ ЗИНДАГИНОМАИ ПАРТОВ БӮЙДОҚОВ

Аз 8 июли соли 1992 коллеҷи фарҳанги ҷумҳуриявӣ ба номи Бӯйдоқов Партов Ҷалилович гузошта шуд.  Ӯ 26 сол, аз соли 1959 то соли 1985 сарвари ин муассисаи таълимӣ буд. Авҷи шукӯҳу шуҳрати  таълимгоҳ ба ин давра рост меояд. Мутахассисони зиёде, ки баъдҳо номбардори  илму фарҳанги миллат гардидаанд, дар ҳамин давра, дар ҳамин боргоҳи таълимӣ таҳсил  кардаанд.
Худи ӯ низ шуъбаи китобдории ҳамин коллеҷро соли 1949 бо баҳои аъло хатм менамояд ва таҳсилро дар Институти давлатии маданияти шаҳри  Москва идома медиҳад.
 Солҳои 1953 – 1955 дар ин муассиса муовини директор оид ба корҳои таълиму тарбия буд. То соли 1987, то охири рӯзҳои зиндагияш ба сифати омӯзгор фаъолият дошт.
 Дар хурдсолӣ аз падару модар ятим мемонад. Ду бародари саробонаш дар Ҷанги Бузурги Ватанӣ ҳалок мешаванд. Моҳи майи соли 1943 ба ҳимояи Ватан меравад, бар зидди фашизми гитлерӣ меҷангад. Се маротиба дар ин ҷанг ҷароҳат мебардорад. Аммо баъди табобат боз ба корзор меравад ва барои нобуд кардани душман меҷангад. Моҳи июни соли 1945 ба Ватан бармегардад.
Ба ҳангоми сарварии таълимгоҳ талошҳо, кӯшишҳои зиёд барои пешрафт, ободӣ, шуҳратманд гардидани он кардааст. Ба ин макони илму ҳунар, ҳар ки дар даврони ӯ хатм кардааст, ифтихор менамояд. То ба ҳанӯз бисёр аз шахсони маъруфу бузурги илму маърифату ҳунар ин даргоҳро Академияи санъат ном мебаранд.
 Ҳамсараш, шодравон апаи Фотима ёдовар  мешуд: «Як рӯзи сарди зимистон аз хона ба таълимгоҳ бо кулоҳи нав, ки онро бо умедҳои зиёд барои худ дӯзонда буд, рафт. Гуфтам, ки бисёр хуб дӯхтаанду зебат медиҳад. Рафт ва бегоҳ бе кулоҳ омад. Аз нигоҳи ман дарёфт, ки чӣ мегӯям, аз ин рӯ, пешдастӣ кард ва гуфт: «Дилам нашуд, дилам сӯхт. Оре, ятим буд, ҳеҷ кас надошт, дидам, ки хунук мехӯрад. Хайр, ҳамин як кулоҳ чӣ арзиш дорад?
Пас аз даргузашташ қуттии оҳанинашро кушоданд. Аз он ҷо  шумораи зиёди квитансияҳоро пайдо  карданд. Ба шаҳрҳои гуногуни хориҷи кишвар, ба ятимон, собиқ хатмкунандагони коллеҷ  пул фиристодааст. Мегуфтанд, ба дигар ятимон, хатмкунандагони ин муассиса, ки дар донишкадаву донишгоҳҳои ҷумҳурӣ таҳсил менамуданд, аз ҳисоби  маоши худ ёрии пулӣ мерасонд.
Абдулваҳҳоб Оқилзода, собиқ  сарвари ин таълимгоҳ, бо ифтихор изҳор медорад: «Ман дар мактаби бузурги Партов Ҷалилович таълиму тарбия гирифтаам. Ӯро падари маънавии худ мешуморам. Ҳеҷ гоҳ намегӯяму намепиндорам, ки дар миёни мо нест.»
Аҳли коллеҷ ба хотири гиромидошти устоди худ ҳамасола дар қасри фарҳанги ноҳияи Рӯдакӣ ҷамъ меоянду аз рӯзгори ибратомӯзаш ба хотири тарбияи насли наврас, донишҷӯён, ёд меоранд. Чунин чорабинӣ чанде пеш дар ин ҷо доир гардид. Сарвари таълимгоҳ Идрис Оқилзода аз саҳми ин фидоии фарҳанги миллат сухан кард ва афзуд, ки минбаъд низ ин анъанаи нек ба хотири гиромидошти Партов Бӯйдоқов идома меёбад.
Абдулқодири РАҲИМ, «Ҷумҳурият»  


Баёни ақида (0)    Санаи нашр: 18.01.2017    №: 13    Мутолиа карданд: 2992

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал

ХАТЛОН. Таъсиси 31 корхона дар 6 моҳ

МАРКАЗИ ТАДҚИҚОТИ СТРАТЕГӢ. Ҳамкориҳо самар медиҳанд

"ТОҶИК ЭЙР". Парвозҳо аз нав шурӯъ гаштанд

Таъсиси 26 ширкати сайёҳӣ дар ним сол

ДДК. Шумораи омӯзгорони унвондор меафзояд

Ҷаҳон дар як сатр

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. Музди миёнаи меҳнат – 1350 сомонӣ

ТИББИ ОИЛАВӢ МУҲИМТАРИН РУКНИ ТАНДУРУСТӢ


Дар сомонаҳои дигари Тоҷикистон хонед