logo

сиёсат

ОБ. РУШДИ УСТУВОР ВА АМНИЯТИ САЙЁРА

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон - Ҷаноби Олӣ муҳтарам Эмомалӣ Раҳмон дар Саммити ҷаҳонӣ бахшида ба Ҷашни 70 - солагии Маҷмаи умумии Созмони Милали Муттаҳид, ки моҳи октябри  соли 2015 дар шаҳри  Ню - Йорки  ИМА  баргузор гардид, диққати аҳли сайёраро ба ҳалли масъалаҳои  глобалии умумибашарӣ ҷалб намуда, пешниҳод карданд, ки Даҳсолаи нави байналмилалии амал «Об барои рушди устувор» барои солҳои 2018 - 2028 мавриди баррасӣ ва дастгирии кишварҳои  аъзои  Созмони Милали Муттаҳид қарор дода шавад.
Хушбахтона, пешниҳоди мазкур аз ҷониби аксари кулли кишварҳои узви СММ дастгирӣ ёфт ва 21 декабри соли 2016 Маҷмаи умумии СММ  Қатъномаи Даҳсолаи байналмилалии амал «Об барои рушди устувор» - ро  қабул намуд ва боиси хушнудист, ки Дабири кулли СММ  ва Раиси Маҷмаи умумии СММ Президенти кишварамон муҳтарам Эмомалӣ Раҳмонро ба  муносибати қабул гардидани  қатъномаи мазкур табрик сохта, саҳми  Ҷаноби Олиро дар ҳалли масъалаҳои  глобалии умумибашарӣ, аз ҷумла, масоили марбут ба об, махсус қайд намуданд. Ин мақому манзалати Тоҷикистон ва обрӯю шуҳрати мардуми сарбаланди моро дар арсаи байналмилалӣ бештар гардонд.
Дар конфронсҳо ва ҳамоишҳои сатҳи баланд, аз ҷумла, дар Конфронси байналмилалӣ оид ба Даҳсолаи байналмилалии «Об барои ҳаёт» барои солҳои 2005 - 2015, ки моҳи июни  соли 2015 дар шаҳри Душанбе баргузор шуд, масъалаҳои марбут ба об баррасӣ гардида, саҳми гурӯҳҳои кории асосӣ, хусусан, Ҷумҳурии Тоҷикистон, дар амалӣ намудани ташаббусҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба масъалаҳои марбут ба об махсус таъкид ёфт. Даҳсолаи байналмилалии  амал «Об барои рушди устувор» бо назардошти аҳамияти ҳалкунанда доштани манбаъҳои об барои рушди устувор ва аз байн бурдани камбизоативу гуруснагӣ, рушди захираҳои инсонӣ, расидан ба Ҳадафҳои  Рушди Устувор ва дигар ҳадафҳои марбут ба соҳаҳои иқтисодӣ, иҷтимоӣ ва экологии сатҳи байналмилалӣ эълон гардид.
Моҳи августи соли 2016 дар пойтахти мамлакат - шаҳри Душанбе бо дастгирии Сарвари давлат муҳтарам Эмомалӣ Раҳмон  таҳти унвони «Таъмини дастрасии умум ба об ва беҳдошт» Симпозиуми байналмилалии сатҳи баланд оид ба ҳадафи шашуми Ҳадафҳои Рушди Устувор баргузор гардид, ки дар он зиёда аз 700 намоянда аз 90 кишвари ҷаҳон,  47 созмони байналмилалӣ ва минтақавӣ, аз ҷумлаи Созмони Милали Муттаҳид, Созмони Ҳамкории Шанхай, Иттиҳоди Давлатҳои Мустақил, Созмони ҳамкориҳои иқтисодӣ, Бонки ҷаҳонӣ, Салиби Сурх, иштирок намуданд.
Чунин ҳамоиш моҳи ноябри  соли 2016 дар шаҳри Будапешти Ҷумҳурии  Венгрия баргузор  гардид. Сарвари давлат муҳтарам Эмомалӣ Раҳмон бо нутқи пурмуҳтаво таваҷҷуҳи ҷомеаи ҷаҳониро бори дигар ба масоили доғи рӯз, яъне, ҳалли саривақтии мушкилоти марбут ба об дар сайёра ҷалб сохта, аз нақш ва мақоми Ҷумҳурии Тоҷикистон дар ҳалли масоили марбут ба об  дар минтақа ва ҷаҳон ёдовар шуд. Пешвои миллат  қайд намуданд, ки Тоҷикистон тайи  даҳсолаи охир масъалаҳои вобаста ба обро фаъолона пеш бурда истодааст.
Ташаббуси нави Сарвари давлат оид ба Даҳсолаи байналмилалии амал «Об барои рушди устувор» заминаи мусоиди таҳкими нақши об дар раванди ноил гаштан ба дигар ҳадафу мақсадҳои  дар сатҳи байналмилалӣ мувофиқашударо фароҳам оварда,  ба ҳамкории бештару зичтари давлатҳо дар соҳаи об мусоидат менамояд.
Боиси ифтихор аст, ки Маҷмаи умумии СММ ва ҷомеаи ҷаҳонӣ саҳми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар масъалаҳои сатҳи ҷаҳонии об қадрдонӣ карда, аз байни роҳбарони 193 кишвари аъзои Созмони Милали Муттаҳид ӯро узви Панели сатҳи баланди об интихоб намуданд, ки ин боз як далели обрӯи давлат ва Пешвои миллати мо дар ҳаллу фасли масоили об ва таҳкими эътибори байналмилалии Тоҷикистон мебошад.
Мардуми шарифи Тоҷикистон, аз ҷумла, кормандони Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон, иқдомҳои Ҷаноби Олиро бо эҳсоси ифтихор истиқбол намуда, ҷиҳати дар амал татбиқ намудани онҳо,  аз маҳорату кордонӣ ва тамоми имкониятҳо истифода хоҳанд бурд.

Сафаралӣ НАҶМУДДИНОВ,

директори Агентии суғуртаи иҷтимоӣ ва нафақаи  назди Ҳукумати Ҷумҳурии Тоҷикистон


Баёни ақида (0)    Санаи нашр: 18.01.2017    №: 13    Мутолиа карданд: 2310

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед