logo

суханрониҳо

Суханронии Эмомалӣ Раҳмон, Сардори давлати Тоҷикистон, дар маросими гузоштани санги аввал ба пойдевори бинои Сафорати Ҷумҳурии Исломии Афғонистон, ш. Душанбе, 29 июли соли 2009

Ҷалолатмаоб,
Дӯстони арҷманд,
Воқеан, ҳамоиши имрӯза рӯйдоди назаррас дар таърихи навини сиёсии муносибатҳои Тоҷикистон ва Афғонистони ҳамҷавор, дӯст, ҳамзабон, ҳамдину ҳамкеш мебошад. Ба пойдевори бинои наву ояндаи Сафорати Ҷумҳурии Исломии Афғонистон дар Душанбе санги аввал гузошта мешавад.
Дар тӯли 17 соли охир мо, чун давлатҳои соҳибистиқлол, ба пайвандҳои амиқи таърихӣ, фарҳангӣ  ва маънавӣ, суннатҳои таърихии дӯстӣ , ҳамёрӣ  ва ҳамсоягии нек такя намуда, муносибатҳои байнидавлатии худро дар асоси нав ба роҳ  мондаем. Ва ин раванд мунтазам густариш ёфта, зинаҳои нав ба навро фатҳ  менамояд.
Мусаллам аст, ки кишварҳои мо дар сатҳи минтақа низ манфиатҳои зиёди муштарак доранд. Маҳз ҳамин омил ва пайвандҳои ногусастании таърихию фарҳангӣ  моро ҳарчи  бештар водор месозанд, ки ҳамкории воқеан судманду фарохро дар асоси дуҷониба ва сеҷониба рушду густариш бахшем. Ин, аз ҷумла, имкон медиҳад, ки нақши геополитикӣ  ва транзитию иқтисодии Тоҷикистону Афғонистон ҷиддан боло бардошта шавад.
Тоҷикистон ва Афғонистон дар қалби қитъаи бузурги Осиё ҷой гирифта, чорроҳаи пайванди минтақаҳои бузурги дунё мебошанд. Ин амр тақозо менамояд, ки мо муассисоти бузург ва сатҳи муосири инфрасохторӣ, қабл аз ҳама, роҳҳо, пулҳо, нақбҳо созем.
Нақши роҳҳои бузурги байниминтақавӣ  ва байналмилалӣ  дар шароити хоси оғози асри XXI, ки равобити ҳамаҷонибаи минтақаҳои бузурги дунё амиқан густариш меёбад, босуръат боло меравад.
Ин амр барои кишварҳои мо имкони бузург ва матлуби таърихӣ  фароҳам намудааст.
Тавре  ки Шумо огоҳед, мо дар диёри худ навсозии тамоми роҳҳои миллӣ  ва дорои аҳамияти байналмилалиро муваффақона идома медиҳем. Василаҳои дигари инфрасохторӣ  сохта мешаванд.
Дар чунин шароит шоҳпули амалкунандаи Дӯстӣ  кишварҳои моро пайванди ниҳоят матлуб бахшид. Зиёда аз ин, ҳамроҳ  бо пулҳои дигари марзи ду давлат омили рушди босуръати ду мамлакат  гардида истодааст.
Аллакай имрӯз ҳар ду кишвар молҳои зарурии худро хеле осон ва бо масрафи ниҳоят кам дастрас менамоянд. Ин амр бахусус барои минтақаҳои наздисарҳадии  Афғонистон аҳамияти ҳаётӣ  дорад.
Фаротар аз он пули Дӯстӣ  пайвандгари арзишманди мамлакатҳои мо бо минтақаи бузурги таърихии Осиёи Марказӣ  ва минтақаҳои дигари бузурги ҷаҳон – Осиёи Шарқӣ , Шимоли Осиё, Осиёи Ғарбӣ  – гардид.
Тавассути ин ва дигар пулҳо ва шоҳроҳҳои навини мо кишвари Афғонистон ба бозорҳо ва захираҳои азими Осиёи Миёна, Чин, Русия ва ҳатто Аврупо дастрасӣ  пайдо намуда истодааст ва сатҳи нави  ҳамкориҳои судмандро таъмин карда метавонад.
Ҳамкории ниҳодҳои гуногуни иқтисодӣ, иҷтимоӣ  ва фарҳангӣ  густариш меёбанд.
Дар ин ҷодаҳо саҳми сафорату дипломатҳо хеле назаррас буда, рӯз ба  рӯз ҳаҷму шиддати кори касбиашон зиёд мегардад.
Аз ин ҷост, ки мо барои сохтмони бинои ояндаи Сафорати Афғонистон макони хубу муносиб интихоб карда, хоҳони бунёди иморати муосир ва зебою бошукӯҳи намояндагии дипломатии кишвари дӯсту бародар ҳастем. Умедворам, ки ин сохтмон бо сифати баланд дар муддати нисбатан кӯтоҳ  анҷом мегирад.
Ба кормандони сафорат, ки василаи дипломатии пайванди ду давлати дӯст ва ду мардуми бародар мебошанд, комёбиҳо ва ба ҳамаи ҳозирин саломатии бардавом, саодати зиндагӣ  ва хушрӯзиҳо орзумандам.
Ташаккур.

Шанбе, 1 августи  соли  2009.  № 96 (21 603). Соли 85-уми нашр.


Баёни ақида (0)    Санаи нашр:    №:    Мутолиа карданд: 518

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед