logo

ҳуқуқ

ҶАЗО. ТАРҒИБГАРОНИ ИДЕЯҲОИ ТЕРРОРИСТӢ МАҲКУМ ШУДАНД

Суди ноҳияи Исмоили Сомонии шаҳри Душанбе ду нафар шаҳрванди Тоҷикистонро, ки ба таблиғи идеяҳои гурӯҳи террористии «Давлати исломӣ» машғул буданд, бар асоси қонунгузории ҷиноятӣ маҳкум кард.

Дар ин бора, Маркази матбуоти Прокуратураи генералии Ҷумҳурии Тоҷикистон хабар дод. Бино ба иттилои манбаъ, баррасии парвандаи ҷиноятӣ нисбат ба шаҳрванд М. Асроров, бо моддаҳои 4011 ва 32 қисми 3 - 4011 - и Кодекси ҷиноятӣ нишон додааст, ки номбурда  моҳи декабри соли 2015 ҳангоми дар муҳоҷирати меҳнатӣ дар шаҳри Маскави Федератсияи Русия қарор доштанаш, тавассути шабакаҳои  интернетии «Вотсап», «Вайбер» ва «Телеграмм» бо шаҳрвандони Ҷумҳурии Тоҷикистон - аъзои фаъоли гурӯҳи террористии «Давлати  исломӣ» робита барқарор намудааст.
Ҳарчанд бо ҳалномаи Суди Олии Ҷумҳурии Тоҷикистон,  аз 14 апрели соли 2015, гурӯҳи «Давлати исломӣ» ташкилоти экстремистӣ (ифротгароӣ) - террористӣ эътироф гардида, фаъолияташ дар қаламрави кишвар манъ шуда бошад ҳам, мутаассифона, баъзе аз ҷавонони ноогоҳ, гумроҳ ва зудбовар ба доми фиреби таблиғгарони ин гурӯҳ меафтанд. Бо роҳандозии  корҳои таблиғотию ташвиқотӣ,  ҷалб намудани шаҳрвандон ба ҳизбу ҳаракатҳои экстремистӣ - террористӣ, иштирок дар амалиёти мусаллаҳона, даъват ба қатлу куштор ва шомил гардидан ба узвияти ин гурӯҳҳо ба Ватан ва Миллат хиёнат мекунанд. Боиси таассуф аст, ки М. Асророви гумроҳ идеяҳои ин ташкилотро қабул ва ҷонибдорӣ намуда, мақсади ба Сурия рафтан ва дар амалиёти ҷангӣ иштирок намуданро карда, ҳамзамон ду нафар шаҳрванди дигарро  барои шомил шудан ба ин гурӯҳи террористӣ ҷалб намудааст.
Бо ҳукми суди ноҳияи Исмоили Сомонии шаҳри Душанбе аз 6 январи соли 2017 М. Асроров бо моддаҳои 4011 ва 32 қисми 3 - 4011 - и Кодекси ҷиноятии Ҷумҳурии Тоҷикистон гунаҳгор дониста шуда, ҷазои сазовор гирифт.
Парвандаи ҷиноятии дигаре, ки дар суди ноҳияи Исмоили Сомонии шаҳри Душанбе  бо моддаҳои 187 қисми 2 ва 1792 қисми 3 банди «а» - и Кодекси ҷиноятӣ баррасӣ шуд, ба шаҳрванд А. Мирзоев рабт дорад. Мавсуф 6 декабри соли 2015 бо мақсади муҳоҷирати меҳнатӣ ба шаҳри Маскави Федератсияи Русия рафта, чанд муддат ҷойи кори мувофиқ пайдо карда наметавонад. Бо маслиҳати «дӯстон» бо бародараш, ки дар сафи  ташкилоти экстремистӣ - террористии  «Давлати исломӣ» муқобили қувваҳои ҳукуматии Сурия меҷангид, тавассути шабакаҳои иҷтимоии «Одноклассники» ва «Вайбер» дар тамос мешавад. Бо ҳамин васила А. Мирзоев бо ғоя ва мақсадҳои ин ташкилоти экстремистӣ - террористӣ шинос гашта, онҳоро қабул ва ҷонибдорӣ намуда, ба он шомил шудааст. Бо хоҳиши номбурда бародараш ба ӯ барои анҷом додани амалҳои экстремистию террористӣ 800 доллар тавассути бонк интиқол додааст.
Бо ҳукми суди ноҳияи Исмоили Сомонӣ, аз 10 январи соли 2017 А. Мирзоев бо моддаҳои 187 қисми 2 ва 1792 қисми 3 банди «а» - и Кодекси ҷиноятии Ҷумҳурии Тоҷикистон  гунаҳгор дониста шуда, маҳкум гардид.
Ҳадаф аз манзури хонанда гардондани ин матлаб дар он аст, ки  сокинони мамлакат, бавижа, ҷавонон аз оқибатҳои амали бар зарари худ, наздикону пайвандон, атрофиён, дар маҷмӯъ ҷомеа  анҷомдодаашон  биандешанд. Даст ба корҳои созандагию  бунёдкорӣ зананд, Ватани маҳбубамон  - Тоҷикистонро ба кишвари пешрафта ва шукуфон табдил диҳанд. Сатҳи маърифати ҳуқуқию динии худро баланд бардоранд ва ба ҳамин васила дар гирифтани пеши роҳи фаъолшавии унсурҳои тундраву ифротгаро, ҷалби ҷавонон ба сафи созмонҳои экстремистиву террористӣ ва иштироки онҳо дар низоъҳои мусаллаҳонаи давлатҳои хориҷӣ саҳм гузоранд.
Сафаргул АЛИМОВА, «Ҷумҳурият»


Баёни ақида (0)    Санаи нашр: 23.01.2017    №: 17    Мутолиа карданд: 2541

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед