logo

иқтисод

ТАДҚИҚОТ НИШОН ДОД, КИ …

Азбаски манбаи асосии захираи обҳои мусаффои Тоҷикистон - кӯҳҳои баланди барфпӯш ва пиряхҳои азим мебошанд, ҳифз ва нигоҳдории онҳо тавассути назорат ва санҷиши мунтазами вазъи обу ҳаво, вазъи кӯлу дарёҳо, гузарондани мониторинги ифлосшавии муҳити зист, пешгӯӣ ва муайян кардани ҳолати захираҳои обӣ аз ҷониби Агентии обуҳавошиносӣ бомаром ҷараён дорад.
Барои пешниҳоди маълумоти саҳеҳ ва саривақтӣ оид ба манбаъҳои захираи об марказҳои агентӣ бо таҷҳизоти муосир таъмин шуда истодаанд. Маркази яхшиносии агентӣ низ дар доираи лоиҳаи мукаммалсозии хизматрасонии обуҳавошиносӣ дар Осиёи Марказӣ бо таҷҳизоти навъи «С» қабили либоси корӣ, асбобҳои барфсанҷӣ ва тармасанҷӣ, ҳамчунин, дигар таҷҳизоти корӣ таъмин гардид. Марказ дар давоми шаш сол бо 14 корманд ва дигар сохторҳои агентӣ ба омӯзиши ҳамаҷонибаи пиряхҳо, кӯлҳо, кӯлҳои баландкӯҳ, пешгӯии омадани сел ва фаромадани тарма, ҳамчунин, ба омӯзиши ҳолати барф ва қонунияти тақсимоти боришот машғул мебошад. Масалан, баъди танаффуси тӯлонӣ, яъне, 10 сол соли 2016 пиряхи Федченко (ҳавзаи дарёи Муксу) бо суратгирии ҳудудҳои поёнӣ ва мушоҳидаҳои аэровизуалӣ тавассути чархбол, ҳамчунин, тадқиқотҳо оид ба ҳолати умумии пиряхҳо бо дастгирии ташкилоти байналмилалӣ (ФОКУС) оид ба ёрии башардӯстона дар Тоҷикистон мавриди тадқиқоти мутахассисони агентӣ қарор гирифт.
Абдурашид Тағойбеков, сардори Маркази яхшиносии агентӣ, ки дар экспидитсияи омӯзишӣ ширкат варзид, дар хусуси натиҷаҳои тадқиқот гуфт, ки айни ҳол дар қисмати поёнии пирях дар масофаи 6 - 8 километр таркишҳо, нишонаҳои селовардҳо ба назар мерасанд. Яке аз шохаҳои асосии пиряхи Федченко пиряхи Бивачний дарозии зиёда аз 20 километр дорад. Ҳоло қисми поёнии пирях дар дарозии 4 - 5 километр ба таркишҳо ҷудо шуда, бо кӯлҳои бисёри яхин пӯшонда шудааст. Ин аз он шаҳодат медиҳад, ки пиряхи бузурги кишварамон дар ҳаракати фаъол қарор дорад, аммо нисбат ба дигар пиряхҳои назоратӣ камтар тағйир ёфтааст.
Феълан барои муайян кардани захираи барф дар соли 2017 аз ҷониби кормандони соҳа корҳои омӯзишӣ оғоз гардида, то моҳи март идома меёбанд. Бо вуҷуди ин, фаъолияти соҳа бо назардошти таъминот бо техника ва технология ҳанӯз қонеъкунанда нест.
Рушди системаи мушоҳидаҳои комплексӣ, ташкили шабакаҳои худкори нуқтаҳои назоратии қабати барф ва миқдори боришот дар минтақаҳои дурдаст, ҳамчунин, такмили низоми мониторинги кайҳонӣ барои идоракунии ҷараёни селу тарма тавассути тақсимоти боришоту қабати барф ҷиҳати пешгирии сар задани офатҳои табиӣ нақши пешбаранда доранд. Барои амалисозии нақшаҳои пешбарандаи соҳа феълан дар ҷумҳурӣ “Барномаи давлатӣ оид ба омӯзиш ва нигоҳдории пиряхҳои Тоҷикистон барои солҳои 2010 - 2030” амал мекунад.
Итминони комил аст, ки дар давоми 13 соли минбаъда, яъне, дар раванди татбиқи пурраи барнома то соли 2030 ҳамаи соҳаҳои марбут ба ҳифзи табиат бо техникаю технологияи муосир ва мутахассисони тавонманди кор бо ин навгониҳо таъмин гардида, рушди соҳа такони ҷиддӣ меёбад.
О. ВАФОБЕКЗОДА, «Ҷумҳурият»


Баёни ақида (0)    Санаи нашр: 23.01.2017    №: 17    Мутолиа карданд: 1564

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон


Дар сомонаҳои дигари Тоҷикистон хонед