logo

иқтисод

НИҲОЛШИНОНӢ БА МАЪРАКАИ ОММАВӢ ТАБДИЛ МЕЁБАД

Ниҳолшинонӣ торафт вусъат ёфта, ба маъракаи оммавии умумиҷумҳуриявӣ мубаддал мегардад. Ин иқдомро аввали соли равон Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо шинондани чанд ниҳол бо дасти худ ҳусни оғоз бахшиданд. 14 январ кормандони мақомоти иҷроияи ҳокимияти давлатии шаҳри Душанбе бо чор ноҳияи он ва ҷавонони пойтахт дар доираи иқдоми «75 рӯзи ниҳолшинонии ҷавонон» таҳти унвони «Дарахти дӯстӣ биншон, ки коми дил ба бор орад» дар паҳлуи пиёдароҳҳои  хиёбонҳо ва боғҳои фарҳангию истироҳатӣ ниҳоли дарахтони сояафкану ороишӣ шинонданд. Ин ташаббуси ободгароёнаи ҷавонон ба истиқболи  20 – солагии Ваҳдати миллӣ ва «Соли ҷавонон» роҳандозӣ гардида, то 15 март  идома меёбад.
Тавре Давлатшоҳ Гулмаҳмадзода, раиси вилояти Хатлон, зимни ифтитоҳи ярмаркаи ниҳолу гулбуттаҳо дар шаҳри Қӯрғонтеппа зикр кард, имсол 26 хоҷагии ниҳолпарвари вилоят зиёда аз 2 миллион бех ниҳол парвариш карда, беш аз 1 миллион бехи онро, ки дорои сертификати сифат мебошанд, ба фурӯш мебароранд. Дар шаҳри Кӯлоби вилояти Хатлон низ ярмаркаи фурӯши ниҳолу буттаҳо ва маъракаи ниҳолшинонию сабзкорӣ оғоз ёфт.
Раиси вилояти Суғд Абдураҳмон Қодирӣ ва раиси шаҳри Хуҷанд Шариф Шарифзода якҷо бо кормандони мақомоти  иҷроияи маҳаллии ҳокимияти давлатӣ ба ҳашари  мардумӣ баромада, дар боғи нави фарҳангию истироҳатӣ, ки дар шаҳри Хуҷанд бунёд меёбад, аввалин ниҳолу буттаҳои ороиширо  шинонданд.
Ҳамчунин, дар  нахустин рӯзҳои  офтобии моҳи январ ҳазорҳо сокинони вилоят, ки аксарашон ҷавонон буданд, ба маъракаи мардумии сабзкорӣ баромаданд. Соли равон, тибқи нақша, дар гулгашту хиёбон ва боғҳои шаҳри Хуҷанд беш аз 800 ҳазор дона гулҳои садбаргу лолаи навъҳои беҳтарини  ватанию ҳолландӣ ва беш аз 3 ҳазор бех ниҳоли дарахтони ороишию ҳамешасабз шинонданианд. Обдиҳии гулу ниҳолҳо, тавре аз хадамоти матбуоти раиси вилоят хабар доданд, бо усули қатрагӣ ҷараён мегирад, ки ин ба сарфаи об ва сабзиши хуби гулу ниҳолҳо мусоидат менамояд. Дар ноҳияи Бобоҷон Ғафуров ба истиқболи Ҷашни 20 – солагии Ваҳдати миллӣ ва «Соли ҷавонон» маъракаи «120 рӯзи ободонӣ ва сабзкорӣ» роҳандозӣ гардидааст. Ҳадаф аз он боз ҳам ободу зебо намудани  диёр аст. Дар ҳашарҳои  то ин дам баргузоршуда дар шафати шоҳроҳи Хуҷанд – Бобоҷон Ғафуров ва мавзеъҳои дигари ноҳия  беш аз 2000 бех ниҳоли ҳамешасабз ва гулу буттаҳои ороишӣ шинонда шуд.
Дар шаҳри Ваҳдат маъракаи «75 рӯзи ниҳолшинони ҷавонон» - ро нахуст ҷавонони шаҳр оғоз намуда, шоҳроҳи Ваҳдат – Файзобод – ро бо шинондани 280 бех ниҳоли ороишӣ дар шафати он ҳусну оро доданд.
Маърака дар шаҳру навоҳии дигари кишвар низ рӯз то рӯз вусъат меёбад. Тибқи иттилои директори КВД «Ниҳолпарвар» Ю. Қурбонов, хоҷагиҳои ниҳолпарвари ин корхона тирамоҳи соли гузашта 1389152 бех, аз ҷумла 836582 бех ниҳоли дарахтони мевадиҳанда, ҳамчунин, 2974, 3 кг донаку тухми  дарахтони себ, нок, биҳӣ, зардолу, шафтолу, бодом, олуча, чормағз, хурмо ва 70, 5 кг тухми дарахтони ҳамешасабзу сояафканро барои фурӯш омода намудаанд.
А. САЙВАЛӢ,  «Ҷумҳурият»


Баёни ақида (0)    Санаи нашр: 23.01.2017    №: 17    Мутолиа карданд: 1840

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед