logo

иҷтимоиёт

БОХТАР. РӮЗИ ҚАБУЛИ САЙЁР

Рӯзи қабули сайёри шаҳрвандон дар ноҳияи Бохтар бо иштироки раиси вилояти Хатлон Давлатшоҳ Гулмаҳмадзода, ки дар назар буд тӯлонӣ баргузор гардад, пас аз шунидану баррасӣ гаштани мушкилоти ҳамагӣ ҳафт нафар зуд ба итмом расид.
Давлатшоҳ Гулмаҳмадзода дар рӯзи қабули сайёри шаҳрвандон нахуст арзу шикояти сокинони ноҳияро шунид. Аз ҷумла,Тоҳир Исоқов, сарвари хоҷагии деҳқонии “Парвиз. Бахтиёр” - и деҳоти Заргар ба раиси вилоят арз кард, ки мехоҳад дар заминҳои ҳудуди хоҷагиаш гармхонаи лимӯпарварӣ созад. Хоҳиш намуд, ки барои анҷоми ин кор иҷозат диҳанд.  “Мақсад дорем, ки дар масофаи ду километр роҳи дохили деҳаро мумфарш кунем. Барои ин ба мо техникаю механизмҳои роҳсозӣ заруранд”, -  иброз дошт сокини деҳаи Малик Гиёеви деҳоти Ориён Абдулхалил Мунавваров. Сокини деҳоти Меҳнатобод Суннатулло Ҳабибов  гуфт, ки ниёз ба қитъаи замин дорад. Рустам Мирзохонов, сокини деҳаи Меҳрободи деҳоти “Сарвати Истиқлол” ба ин мазмун муроҷиат намуд, ки мехоҳад саҳми заминашро аз ҳисоби хоҷагии деҳқонии “Фирӯз” ҷудо карда, хоҷагии алоҳида ташкил диҳад. Шаҳрванд Назар Исмоилов тазаккур дод, ки дар деҳаи Саричашмаи деҳоти Навбаҳор бо тарзи ҳашар бунгоҳи тиббии чорҳуҷрадор сохтаанду барои таҷҳизонданаш маблағ надоранд.
Раиси вилоят пас аз суҳбат бо ин ва дигар корафтодагон муайян кард, ки онҳо барои ҳалли мушкилоти худ ба мақомоти иҷроияи маҳаллии ҳокимияти давлатии ноҳия як ҳафта ё 12 - 15 рӯз пеш муроҷиат кардаанд.
- Шумо, пеш аз ҳама, бояд ҳалли мушкилатонро аз ниҳодҳои ноҳиявӣ тақозо карда, ҳадди ақал як моҳ интизори посухи онҳо мешудед. Пас аз ин, агар мушкилатон осон намешуд, ба мо муроҷиат менамудед, - изҳор дошт раиси вилоят.
Давлатшоҳ Гулмаҳмадзода ба идораҳои ноҳиявию вилоятӣ баҳри ҳалли саривақтии мушкилоти мардум дастуру супоришҳои мушаххас дод. Зикр сохт, ки аз дафъаи қаблии рӯзи қабули сайёри шаҳрвандон ду сол гузашта бошад ҳам, шумораи муроҷиаткунандагон ба ҷойи зиёд шудан, ниҳоят кам аст. “Соли гузашта аз ноҳияи Бохтар ба Дастгоҳи иҷроияи Президенти Ҷумҳурии Тоҷикистон 180 ва ба мақомоти иҷроияи ҳокимияти давлатии вилоят 300 мактуби шикоятӣ ворид гардида буд. Ҳамон одамон дар куҷоянд, ки арзашонро шунавем?”, - суол гузошт ба аҳли 300 - нафараи толор раиси вилоят. Вале, ба ин пурсиш касе посух надод.
Дар ҷамъбаст раиси вилоят аз сатҳи пасти корбарию коргузорӣ дар мақомоти иҷроияи маҳаллии ҳокимияти давлатии ноҳияи Бохтар изҳори нигаронӣ карда, инро ба мавҷуд набудани тартибу низом ва эҳтирому масъулият марбут донист. Дар ин росто, роҳбарон муваззаф шуданд, ки дар соли ҷорӣ фаъолияти худро ба таври пурсамар ба роҳ монда, дар рушди устувори мамлакат саҳми арзанда гузоранд.
Зокир ҲАСАН,  “Ҷумҳурият”


Баёни ақида (0)    Санаи нашр: 24.01.2017    №: 18    Мутолиа карданд: 1991

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд


Дар сомонаҳои дигари Тоҷикистон хонед