logo

маориф

НАСЛИ НАВ - НАСЛИ ПЕШРАВУ КОМЁБ

Мо, омӯзгорон, ифтихор аз пешаи пуршарафи худ дорем, зеро ҷомеа ба зиммаи мо вазифаи пурмасъулият – таълиму тарбияи насли ояндасози Ватану миллати азизамонро вогузоштааст.

Насли наврасе, ки имрӯз дар паси мизи мактабӣ нишастааст, бо гузашти айём дар натиҷаи омӯзиши босамар тақдири кишварро ба даст мегирад ва баҳри идомаи корҳои созандагию бунёдкорӣ дар диёри арҷмандамон ҷидду ҷаҳд менамояд. Ин насл то кадом дараҷа ба муваффақият ноил мегардад, ба он вобаста аст, ки мо имрӯз бо онҳо дар кадом сатҳ машғулиятҳои дарсӣ баргузор менамоем.
Мо, ҳамчунин, аз он ифтихормандем, ки дар Паёми навбатии Президенти ҷумҳурӣ ба Маҷлиси Олӣ ба омӯзгорону меҳнати пурмасъулияти онҳо бори дигар эҳтиром гузошта шуд. Сарвари кишвар иброз доштанд, ки омӯзгорон парваришгарони мумтози ҷавононанд ва маҳз бо талошҳои пайгиронаи онҳо ҷавонон ба камолоти маънавию ҷисмонӣ мерасанд, дар ҷомеа мавқеи шоиста пайдо мекунанд.
Умуман, дар Паём масъалаи тарбияи ҷавонон ва нақши созандаи онҳо дар ҷомеа аз масъалаҳои  меҳварист. Президенти муҳтарам иброз доштанд, ки «аксарияти аҳолии Тоҷикистонро ҷавонон ташкил медиҳанд, ки онҳо давомдиҳандаи кору фаъолияти насли калонсол, неруи созанда ва иқтидори воқеии пешрафти ҷомеа, хулоса, ояндаи миллат ва давлат мебошанд». Воқеан, фаъолияти ҷавонони кишвари мо солҳои охир боз ҳам афзудаву вусъати тоза касб кардааст. Онҳо дар самтҳои гуногуни ҳаёти мамлакат, дар пешрафти  фарҳангу иқтисодиёт, дар ҳалли мушкилоти мухталифи ҳаёт фаъолона ширкат меварзанд ва махсусан, дар корбасти технологияҳои муосир, рушди коммуникатсия, омӯзиши забонҳои хориҷӣ ва густариши муносибатҳои дипломатӣ пешраву комёбанд.
Дар Паёми Пешвои миллат бо дарназардошти саҳми ҷавонон дар рушди ҷомеа ва иштироки  фаъолонаи онҳо дар ҳаёти сиёсиву иқтисодии мамлакат соли 2017 дар Ҷумҳурии Тоҷикистон Соли ҷавонон эълон карда шуд. Сарвари кишвар дар заминаи ин ибтикори худ иброз доштанд: «Ҷавонони мо дар ҳар куҷое, ки бошанд, бояд ҳисси баланди миллӣ дошта бошанд, бо Ватан, миллат, давлати соҳибисттиқлоли худ ва забону фарҳанги миллии хеш ифтихор намоянд ва барои ҳимояи онҳо ҳамеша омода ва ҳушёру зирак бошанд».
Соли ҷавонон оғоз ёфт ва барои пурсамару ҳадафгир ва бавусъат ҷараён ёфтани он ҳамагон, пеш аз ҳама, омӯзгорон  масъуланд. Ин соли фархунда бояд ба ҷараёни тоза ёфтани корҳои илмиву эҷодии ҷавонони кишвари арҷманди мо ва пешрафти бобарори он мусоидат намояд.
Дилором САЪДУЛЛОЕВА,
директори муассисаи таҳсилоти миёнаи умумии № 65 - и шаҳри Душанбе


Баёни ақида (0)    Санаи нашр: 25.01.2017    №: 19    Мутолиа карданд: 3499

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед