logo

иқтисод

ИСТЕҲСОЛОТИ ВАТАНӢ. ЧӢ БОЯД КАРД?

Рушди истеҳсолоти ватанӣ, хусусан молҳои воридотивазкунанда,  дар меҳвари нақшаю  стратегияҳои иқтисодии мамлакат  ҷой гирифтааст. Дар натиҷаи тадбирҳои роҳандозинамудаи Ҳукумати ҷумҳурӣ дар самти афзоиши истеҳсоли  молҳои ватанӣ ҳаҷми воридоти онҳо солҳои охир кам гардид.

Аз  маълумоти Агентии омори назди Президенти ҷумҳурӣ бармеояд, ки  бо тараққӣ ёфтани истеҳсолоти дохилӣ, барқарор гардидани иқтидори истеҳсолии корхонаҳо ва афзудани шумораи коргоҳҳои нав  маҳсулот фаровон шуда, дар баробари муътадил боқӣ мондани нархҳо, арзиши бархе  молҳо коҳиш ёфтааст.  Хуршед Каримзода, муовини якуми сардори Хадамоти гумруки назди Ҳукумати кишвар, изҳор дошт,  ки  тайи соли гузашта ҳаҷми воридоти маҳсулот ба ҷумҳурӣ беш аз 11 дарсад коҳиш ёфта, содироти он ба хориҷ 0,9 дарсад афзудааст. 
Ба андешаи коршиносон, ҳарчанд  бахши истеҳсолоти ватанӣ рӯ ба беҳбудӣ дорад, барои  боз ҳам таҳким бахшидани пояҳои иқтисоди кишвар, хусусан ташаккули бозори истеъмолӣ, коҳиш додани  воридоти баъзе аз маҳсулот нақши муҳим дорад. Вобастагӣ  аз   молҳои  воридотӣ ба истеҳсолгари  ватанӣ  таъсири манфӣ расонда, ба пастравии сатҳи афзоиши   маҳсулоти худӣ  оварда мерасонад. Бинобар ин, бо назардошти шароити иқлимию табиӣ ва  захираҳои истеҳсолии ҷумҳурӣ воридоти маҳсулоте, ки истеҳсолашон дар дохили мамлакат имконпазир мебошад, бояд марҳила ба марҳила коҳиш дода шавад. Бо кам гардидани  ҳаҷми маҳсулоти  беруна, хусусан озуқаворӣ  дар бозорҳои кишвар,  суръати  рушди  истеҳсолоти ватанӣ афзуда,  вобастагӣ   аз  ширкату соҳибкорони хориҷӣ ҷиҳати воридоти номгӯйи бисёри маҳсулот  аз байн хоҳад рафт. Барои  коҳиши воридоти бархе маҳсулот ба мамлакат  фишангҳои иқтисодӣ заруранд. Баланд бардоштани пардохтҳои гумрукии қисме аз молҳои  воридотии дар мамлакат истеҳсолшаванда, аз роҳҳои босамари кам сохтани миқдори онҳо дар бозорҳои дохилӣ буда, ба  тақвияти тавлидоти ватанӣ  мусоидат хоҳад намуд. 
Ба гуфтаи Хуршед Каримзода,  ҳоло  бо мақсади афзоиши истеҳсоли ватанӣ баланд бардоштани  боҷи гумрукии маҳсулоти воридотии дар кишвар истеҳсолшаванда аз ҷониби Хадамоти гумруки мамлакат  дар назар аст. Соли гузашта   боҷи гумрукии воридоти қолин 15 дарсад баланд бардошта шуд, ки дар натиҷа,  нисбат ба соли 2015 воридоти он  ба таври назаррас коҳиш ёфт. Дар оянда пардохти гумрукии номгӯйи  бисёри маҳсулоти воридотие, ки дар ҷумҳурӣ имконияти васеи истеҳсоли онҳо аз ҷониби Ҳукумати ҷумҳурӣ  фароҳам оварда шудааст,  зиёд мегардад. 
Дар  Паёми навбатии Сарвари давлат ба Маҷлиси Олӣ низ зиёд кардани истеҳсоли  маҳсулоти хушсифат  ва  воридотивазкунанда яке аз масъалаҳои марказӣ ва афзалиятнок арзёбӣ гардидааст. Фишангҳои иқтисодӣ, бавижа баланд бардоштани пардохтҳои гумрукӣ ва андоз барои воридоти маҳсулоти хориҷӣ, яке аз роҳҳои мусоидат ба афзоиши молҳои ватанӣ мебошад. Яъне, дар самти афзоиши маҳсулоти воридотивазкунанда баробари шароити мусоиди истеҳсол маҳдудияти воридоти он зарур аст. Аз ин лиҳоз,  ҷиҳати кам намудани миқдори маҳсулоти воридотие, ки истеҳсоли онҳо дар дохили кишвар дар ҳоли афзоиш аст, роҳандозии чораҳо аз ҷониби Хадамоти гумрук нақши муҳим дорад.     
Ташрифулло САЪДУЛЛОЕВ, «Ҷумҳурият»


Баёни ақида (0)    Санаи нашр: 25.01.2017    №: 19    Мутолиа карданд: 1960

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед