logo

сиёсат

ШУКУРҶОН ЗУҲУРОВ ДАР АРАБИСТОНИ САУДӢ

22 январ Салмон ибни Абдулазиз оли Сауд, Шоҳи  Арабистони Саудӣ, Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров ва ҳайати ҳамроҳонашро, ки бо сафари расмӣ дар ин кишвар қарор доранд, ба ҳузур пазируфт.

Котиби матбуоти Маҷлиси намояндагони Маҷлиси Олӣ Муҳаммадато Султонов аз шаҳри Ар - Риёз ба мо иттилоъ дод, ки зимни мулоқоти судманду самимӣ Шукурҷон Зуҳуров паёми гарму бародаронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба Салмон ибни Абдулазиз оли Сауд расонд. Аз Ҳукумати Шоҳигарии Арабистони Саудӣ барои  таъмини шароити хуб барои ҳоҷиёни тоҷик, ки ҳамасола барои адои маносики ҳаҷ ба ин кишвар меоянд, арзи сипос намуд. Раиси Маҷлиси намояндагон аз ҳамкории мутақобилан судманди Ҷумҳурии Тоҷикистон бо созмонҳои молиявии минтақа, аз қабили Созмони ҳамкории исломӣ, Бонки исломии рушд, ки дар онҳо Шоҳигарии Арабистони Саудӣ нақши муҳим дорад, инчунин Хазинаи саудии рушд ва Маркази Шоҳ Салмон оид ба кумакҳои башардӯстона  изҳори қаноатмандӣ кард.
Шукурҷон Зуҳуров тазаккур дод, ки муносибатҳои Ҷумҳурии Тоҷикистон бо Шоҳигарии Арабистони Саудӣ сол ба сол таҳкиму густариш меёбанд. Як сол пеш дар чунин рӯз сафари расмии пурсамари Президенти Ҷумҳурии Тоҷикистон муҳтарам Эмомалӣ Раҳмон ба Шоҳигарии Арабистони Саудӣ ва мулоқоту музокироти сатҳи олии миёни Тоҷикистону Арабистони Саудӣ доир гардида буд, ки зимни он панҷ санади нави ҳамкорӣ миёни ду кишвари дӯст ба имзо расид. Ин санадҳои ҳамкорӣ дар таҳкиму густариши муносибатҳои байни ду кишвар пояҳои устувор гузоштанд. Мо омодагии худро барои баланд бардоштани сатҳи муносибатҳо ва ҳамкории мутақобилан судманд дар соҳаҳои гуногун бо Арабистони Саудӣ бори дигар изҳор менамоем. Ба ифтихори 25 - солагии истиқрори муносибатҳои дипломатӣ миёни Ҷумҳурии Тоҷикистон ва Шоҳигарии Арабистони Саудӣ баргузор намудани ҷаласаи дувуми Комиссияи муштараки байниҳукуматӣ оид ба ҳамкории иқтисодӣ, тиҷоратӣ ва илмию техникӣ дар шаҳри Ар - Риёз, инчунин доир намудани рӯзҳои фарҳанги Ҷумҳурии Тоҷикистон дар Шоҳигарии Арабистони Саудӣ ва ҳамоишу вохӯриҳои соҳибкорону сармоягузорон ва тоҷирони ду кишвар ба нақша гирифта шудааст, ки дар таҳкими муносибатҳои миёни ду кишвар такони ҷиддӣ хоҳанд бахшид. Раиси Маҷлиси намояндагон аз густариши робитаҳои байнипарлумонӣ ёдовар шуда, сафари расмии Раиси Маҷлиси Шӯрои Шоҳигарии Арабистони Саудӣ ба Ҷумҳурии Тоҷикистонро, ки моҳи майи соли гузашта сурат гирифта буд, дар густариши робитаҳои минбаъдаи байнипарлумонӣ ва рушду тавсеаи ҳамкории дуҷониба ба ҳайси як унсури таркибии маҷмӯи муносибатҳои дӯстӣ ва ҳамкории созандаи байни ду кишвар муҳим арзёбӣ намуд. 
Салмон ибни Абдулазиз оли Сауд ташрифи ҳайати парлумонии Ҷумҳурии Тоҷикистонро ба Арабистони Саудӣ фоли нек хонда, таъкид кард, ки он ба таҳкими ҳамкории байнипарлумонии кишварҳо мусоидат  менамояд. Ҷониби Арабистони Саудӣ хостори тақвияти ҳамкориҳо бо кишвари дӯсти Тоҷикистон буда, аз ҷониби худ талош менамояд, ки ин равобит дар сатҳи барои ҳарду кишвар манфиатовар ба роҳ монда шавад. Шоҳи Арабистони Саудӣ тазаккур дод, ки ташрифи Президенти Ҷумҳурии Тоҷикистон муҳтарам Эмомалӣ Раҳмон ба Арабистони Саудӣ ва мулоқоту вохӯриҳои сатҳи олӣ дар тақвияти муносиботи гуногунҷанбаи ду давлат такони ҷиддӣ бахшиданд ва мо умедворем, ки созишномаҳои ҳамкории дар ҷараёни ин сафар байни вазорату идораҳои марбута имзошуда босамар мавриди иҷро қарор мегиранд.
Ходими Ҳарамайни Шарифайн Салмон ибни Абдулазиз оли Сауд ба масъулони девони шоҳигарӣ, Раиси Маҷлиси шӯро ва роҳбарони вазорату идораҳои дахлдор дастур дод, ки барои рушду тавсеаи ҳамаҷонибаи робитаҳо бо Тоҷикистон дар бахшҳои иқтисодию тиҷоратӣ, фарҳангӣ, сармоягузорӣ ва ҳавасманду сафарбар намудани доираҳои соҳибкории мамлакат тадбирҳои саривақтӣ ва муассир андешанд. Мавсуф дар фароварди суҳбат ба миллати тоҷик беҳрӯзию хушбахтӣ ва ба Тоҷикистони соҳибистиқлол сулҳу суботи пойдор,  пешрафту шукуфоӣ таманно намуд.
Додоҷон РӮЗИЕВ, “Ҷумҳурият”


Баёни ақида (0)    Санаи нашр: 25.01.2017    №: 19    Мутолиа карданд: 1644

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед