logo

иҷтимоиёт

М. ДАВЛАТОВ: «200 НАМУДИ ДОРУВОРӢ БА ТАЛАБОТ ҶАВОБГӮЙ НЕСТ»

- Ҷиҳати амалӣ намудани нуқтаҳои дар Паёми Пешвои миллат баёнгардида хадамот иҷрои як қатор корҳоро ба нақша гирифтааст. Аз ҷумла, бо дастгоҳҳои муосир таҷҳизондани озмоишгоҳҳои марказӣ ва минтақавии хадамот, баланд бардоштани сатҳи дониши мутахассисон, ташкили вохӯриҳо бо роҳбарони ширкатҳои фармасевтӣ дар бораи пешгирии қочоқи маводи доруворӣ, амалӣ намудани чорабиниҳои муштарак бо кормандони Хадамоти гумрук аз ин қабил мебошанд.
Яке аз самтҳои афзалиятноки сиёсати давлатии доруворӣ ин рушди истеҳсоли дохилии он мебошад. То солҳои наздик 99,9 дарсади маводи доруворӣ ва молҳои тиббӣ аз хориҷи кишвар ворид мегардиданд. Бо мақсади кам кардани мизони воридоти он аз хориҷи кишвар ва ба роҳ мондани истеҳсоли маводи дорувории ватанӣ бо дастгирии Ҳукумати Ҷумҳурии Тоҷикистон тайи 5 соли охир зиёда аз 27 ширкати истеҳсолӣ 200 номгӯй маводи доруворӣ ва молҳои тиббиро дар ҷумҳурӣ ба роҳ монданд. Дар ин корхонаҳо зиёда аз 300 нафар мутахассис бо ҷойи кор таъмин гашта, дар вақти корҳои мавсимӣ то 3000 нафар коргарон ҷалб карда мешаванд. Ҷамъиятҳои масъулияташон маҳдуди «Тиб барои шумо», «Шаҳром - 2010», «Ясмина мед», «Кӯҳҳои Тоҷикистон» дар Душанбе, ҷамъиятҳои саҳомии «Аввалин», «Фароз», «Амон - Ш» дар вилояти Хатлон, заводи «Вежа фармасевтикал» дар шаҳри Турсунзода ва ғайра аз ин ҷумлаанд, ки дар онҳо то 80 номгӯйи маводи доруворӣ истеҳсол карда мешавад. Аксари доруҳои истеҳсолнамудаи онҳо аз гиёҳҳои шифобахши ватанӣ ташкил ёфтаанд.
Имрӯз дар Тоҷикистон бештар аз 90 ширкат ба воридоти доруворӣ ва молҳои тиббӣ машғуланд ва тибқи қонунҳои амалкунандаи марбути соҳаи фаъолияти фармасевтӣ намунаи маводи вориднамудаи худро пеш аз роҳ ёфтан ба муомилот барои ташхис ба озмоишгоҳҳои махсус месупоранд.
Соли гузашта дар озмоишгоҳҳои хадамот ба миқдори 43831 адад маводи доруворӣ аз санҷиш гузаронда шуд, ки аз ин миқдор 209 намуна ба талабот ҷавобгӯй набуд. Аз он 33 намунааш дар вақти воридот ва 176 - тояш дар вақти муомилот ошкор ва нисбат ба қонунвайронкунандагон чораҳои маъмурӣ андешида шуд. Инчунин, ҳангоми санҷишҳо аз муассисаҳои фармасевтии ҷумҳурӣ (дорухонаҳо) 3734 номгӯй маводи доруворӣ ва молҳои тиббӣ аз муомилот бароварда шуданд, ки аз ин миқдор 949 номгӯй дорувории муҳлаташ гузашта ва 7 номгӯйи дигар ба таври қочоқ ворид шудааст. Аз муассисаҳои табобатӣ - профилактикӣ бошад, 1831 номгӯй доруворӣ ва молҳои тиббӣ бо санад гирифта шудаанд, ки аз инҳо 962 номгӯй дорувории муҳлаташон гузашта мебошанд. Ҳамаи ин маводи доруворӣ ва молҳои тиббӣ дар ҳайати комиссияи босалоҳият тибқи қоидаҳои мавҷуда нобуд карда шуданд.
Умуман, дар соли 2016 - 11556 килограмм доруворӣ, молҳои тиббӣ, маводи ороишӣ - гигиенӣ ва ғизои кӯдаконаи муҳлаташ  гузашта ва ба талабот номувофиқ боздошт ва несту нобуд карда шуд. Нисбат ба қонуншиканон 643 парвандаи ҳуқуқвайронкунии маъмурӣ ва нисбат ба муассисаҳои тандурустиву фармасевтӣ, нуқтаҳои фурӯши маводи ороишӣ – гигиенӣ санад тартиб дода шуда, ҷамъ ба маблағи 1 178 000 сомонӣ ҷарима ситонда шуд.
Мусоҳиб Шаҳбоз АБРОР, «Ҷумҳурият»


Баёни ақида (0)    Санаи нашр: 26.01.2017    №: 20    Мутолиа карданд: 1805

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед