logo

фарҳанг

"ГАРДИШИ ДЕВБОД" - ЯК ҶУЗЪИ ТАЪРИХИ МИЛЛАТ

Пешвои миллат, Президенти мамлакат Эмомалӣ Раҳмон дар Паёми навбатӣ ба Маҷлиси олии кишвар таъкид доштанд, ки «Озодиву истиқлолият бароямон дастоварди бузургтарин ва ғояи муқаддаси миллӣ буда, мо бо вуҷуди мушкилоти ҷойдошта барои ҳимоя ва пойдору устувор мондани он минбаъд низ тамоми саъю талоши худро равона месозем ва ин неъмати бузурги миллатамонро чун гавҳараки чашм эҳтиёту ҳифз мекунем».
Муҳокима ва баррасии романи Абдулҳамид Самад, Нависандаи халқии Тоҷикистон, бо номи «Гардиши девбод» дар Иттифоқи нависандагон аз ҷумлаи ин тадбирандешиҳо буд, ки аз  Паём бармеояд.  Асари мазкур дар се шумораи маҷаллаи адабии «Садои Шарқ» (2015, №№  11, 12; 2016, № 1)  нашр гардид ва низ аз тариқи нашриёти «Адиб» дар шакли китоб ба дасти хонандагон расид.
Зикр шуд, ки «Гардиши девбод» дар қатори беҳтарин асарҳои насрии адабиёти мо аст. Доираи фарогирии замон, макон ва ҳодисаҳо дар роман васеъ мебошад. Рӯҳи халқ ва миллат бо ҳамаи анъанаҳо ва расму оинҳои некаш бисёр хуб таҷассум ёфтааст. Тӯфонҳо ва гардишҳои девбод агарчи муддате то ҷое таъсири манфии худро гузошта метавонанд, аммо оқибат хомӯш мешаванд, маҳв мегарданд. Нур бар зулмат, хирад бар ҷаҳолат, некӣ бар бадӣ ҳатман пирӯз мешаванд.
Муаллиф маросими мардуми кӯҳистон ва шаҳрро хуб медонад. Гуфтугӯҳо дар асар табиӣ ва ҷолибанд. Дар офаридани характер ва  қаҳрамонҳову персонажҳои мусбату манфӣ муваффақ мебошад. Воқеаҳоро дар муқоиса ва тазоди ҳамдигар инъикос менамояд. Аз ривоятҳо, панду андарзҳо, масалу мақолҳо дар мавридаш устодона истифода мекунад. Тавонистааст, ки гузашта ва имрӯзаи мардуму миллатро нек бипайвандад. Ҳамчунин, рӯҳи ҷанг ва таъсири онро барои хонанда боварибахш нишон бидиҳад.
Нависанда ба сифати ровӣ ҳодисаҳоро ба ҳам мепайвандад ва низ аз ҷангу даҳшату оқибатҳои он мегӯяд, аммо дар ин маврид ӯ танҳо нест. Бо ӯ ҳамаи онҳое, ки барояшон ин сарзамини аҷдодӣ, Ватан, сулҳ қимат доранд ва ҳастияшонро барои ҳифзу пойдории он бахшидаанд, шариканд.
Ҳамчунин, таъкид шуд, ки насли наврас бояд ба ин таърих, ҳодисаи нангин, яъне ҷанги шаҳрвандӣ ба хотири расидан ба қадри сулҳ, ваҳдати миллӣ, дастовардҳои замони истиқлол ошно бошад. Мутолиаи «Гардиши девбод» дар ин маврид ҳам беҳтарин асар маҳсуб мешавад, ки барои расидан ба  ҳадаф хуб мусоидат мекунад.
Роман, махсусан, дар ин шабу рӯз арзандаи он аст, ки ба забонҳои гуногун тарҷума бишавад, дар шакли китоб бо теъдоди бештар нашр ва дастраси хонандагони сершумор бигардад. Он, воқеан, як ҷузъи таърихи миллати мо дар шакли бадеист ва дар боло бурдани ҳисси ифтихори миллӣ, ҳифзи сарзамини аҷдодӣ ва беҳтарин анъанаҳову расму оинҳоямон ба маротиб таъсири нек гузошта метавонад. Ба ҷуз ин, дар мустаҳкам кардани пояҳои ахлоқии ҷомеа, ки Сарвари давлат мавқеи асосии онро дар сиёсати давлат зимни ироаи Паём таъкид доштанд, мусоидат менамояд.
Абдулқодири РАҲИМ, «Ҷумҳурият»


Баёни ақида (0)    Санаи нашр: 26.01.2017    №: 20    Мутолиа карданд: 2620

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед