logo

иқтисод

БОЛОРАВИИ НАРХИ ТУХМ. МАСЪУЛОНИ ВАЗОРАТ ВА НОҲИЯ КАЙ ТАДБИР МЕАНДЕШАНД?

Чанд моҳ мешавад, ки нархи тухм дар бозорҳои пойтахт боло рафта, ба 1 сомонӣ расидааст. Қабл аз ин нархи як дона тухм аз 70 то 80 дирамро ташкил медод. Бештар аз як моҳ аст, ки дар бозори истеъмолии ҷумҳурӣ бо 80 дирам танҳо тухмҳои ҳаҷман хело хурдро харидорӣ намудан мумкин асту халос.

Тибқи маълумоти Вазорати кишоварзӣ, соли 2016 дар фабрикаҳои парандапарварии ҷумҳурӣ 337,2 миллион дона тухм истеҳсол шудааст, ки нисбат ба ҳамин давраи соли гузашта кам аст.
Аз рӯи иттилои Нусратулло Нозанинзода, муовини якуми вазири кишоварзӣ, аз кор мондани ҶДММ «Мурғи ҳилол» - и ноҳияи Файзобод сабаби кам шудани саршумори паранда ва истеҳсоли тухм гардида, ба нишондиҳандаи истеҳсоли тухм дар ҷумҳурӣ таъсири манфӣ расондааст.
 Зафар Ҳокимов, раиси ҶДММ «Мурғи ҳилол» - и ноҳияи Файзобод, гуфт, ки фабрикаи онҳо пурра аз фаъолият намонда, балки саршумори паранда ва истеҳсоли тухм дар он коҳиш ёфтааст. Сабаби асосии он  вазъи молиявӣ мебошад.
Саршумори паранда дар ин фабрика то солҳои 2013-2014 ба 780 ҳазор сар мерасид. Аз охири соли 2015 инҷониб он то 105 ҳазор кам шуда, истеҳсоли тухм низ коҳиш ёфт.
Ба андешаи парандапарварон, омили дигаре, ки метавонад сабаби баланд шудани нархи тухм дар бозорҳои кишвар гардад, гаронии нархи хӯроки паранда мебошад, ки бештар аз Ҷумҳурии Қазоқистон ворид мешавад.
Бино ба иттилои Фахриддин Собиров, сухангӯи дафтари матбуоти Хадамоти гумруки назди Ҳукумати Ҷумҳурии Тоҷикистон,  соли 2016 аз кишварҳои Эрон, Покистон, Афғонистон, Қирғизистон, Қазоқистон ва Русия ба қаламрави ҷумҳурӣ 55,5 миллион дона тухм ворид шудаст, ки нисбат ба ҳамин давраи соли пешӣ 9,4 миллион дона зиёд аст.
Танҳо зиёд намудани истеҳсоли маҳсулоти воридотивазкунанда метавонад боиси пастравии нарх дар бозорҳои кишвар гардад. Зеро зиёдшавии воридоти тухм нархи онро арзон накард, аммо пойин рафтани ҳаҷми истеҳсолот дар «Мурғи ҳилол» ба болоравии нархи тухм оварда расонд.
Тибқи иттилои Вазорати кишоварзӣ, ҶДММ “Мурғи ҳилол” - и ноҳияи Файзобод дар ҷумҳурӣ яке аз корхонаҳои калонтарини парандапарварӣ ба шумор рафта, феълан дар корхона 106667 сар паранда парвариш меёбад ва истеҳсоли тухм ба 25231 ҳазор дона  расонда шудааст. Саршумори мурғ нисбат ба ҳамин давраи соли гузашта 237234 сар ва истеҳсоли тухм 43741 ҳазор дона коҳиш ёфтааст. Ба мақсади саҳмгузорӣ дар таъмини амнияти озуқавории мамлакат ва рушди минбаъдаи соҳаи парандапарварӣ, аз ҷумла дар ин корхона,  роҳбарияти ҶДММ “Мурғи ҳилол” лоиҳаи “Рушди соҳаи парандапарварӣ дар Тоҷикистон”- ро таҳия намудааст, ки барои амалисозии он  ҷалби 63,2 миллион доллари ИМА дар назар аст. Лоиҳа мавриди омӯзиши Бонки рушди АвруОсиё қарор дорад. Дар сурати амалӣ шудани лоиҳаи мазкур истеҳсоли тухм ба 200 миллион дона, гӯшти мурғ ба 12 ҳазор тонна расида, зиёда аз 4 ҳазор ҷойи нави кор таъсис дода мешавад.
Проблема дар ин аст, ки агар ҶДММ «Мурғи ҳилол» барои рушди дубора маблағи заруриро дастрас накунад, пас арзон шудани нархи тухм дар бозорҳои ҷумҳурӣ мушкил аст. Суоли матраҳ ин аст, ки аз тарафи Вазорати кишоварзии мамлакат ва мақомоти иҷроияи маҳаллии ҳокимияти давлатии ноҳияи Файзобод ҷиҳати дастгирии ҶДММ “Мурғи ҳилол» бо мақсади афзун намудани истеҳсолот ва поён бурдани нархи тухм дар бозорҳои ҷумҳурӣ андешидани тадбирҳо дар назар дошта шудааст ё не?
Лашкар ШАРИФЗОДА, «Ҷумҳурият»


Баёни ақида (0)    Санаи нашр: 26.01.2017    №: 20    Мутолиа карданд: 2008

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед