logo

иқтисод

ГАРМХОНАҲОИ РӮДАКӢ. АГАР ҲАВАСМАНДИИ БЕШТАРИ СОҲИБКОРОНРО МЕХОҲЕМ...

Соҳибкорони ноҳияи Рӯдакӣ  бо дастгирии Ҳукумати ҷумҳурӣ ва мақомоти иҷроияи маҳаллии ҳокимияти давлатӣ   ба бунёди гармхонаҳои замонавии парвариши меваю сабзавот рӯ оварда, тадриҷан   майдони онро васеъ месозанд.  Онҳо ба ин васила дар баробари таъмини  бозорҳои   сернуфузтарин ноҳияи кишвар  бо сабзавот,  ба шаҳру ноҳияҳои дигари ҷумҳурӣ, хусусан пойтахт низ маҳсулот  мебароранд.

Имсол дар ҳудуди ноҳия 12,5 гектар гармхона ва зиёда аз 40 гектар майдони кишти зери плёнка барои парвариши сабзавот бунёд гардидааст. Соли гузашта Асосгузори сулҳу ваҳдати миллӣ – Пешвои миллат, Президенти ҷумҳурӣ муҳтарам Эмомалӣ Раҳмон ҳангоми сафари корӣ ба ноҳия  аз гармхонаи парвариши помидору бодиринги деҳоти Чимтеппа  дидан намуда, ба кори кишоварзон баҳои баланд доданд. Сарвари давлат соҳибкоронро  барои вусъати фаъолият дар ин самт ҳидоят намуданд.
-  Мақомоти  иҷроияи маҳаллии ҳокимияти давлатии ноҳия барои кишоварзоне, ки ба парвариши меваю сабзавот дар гармхона ё зери плёнка машғуланд,  шароити заруриро муҳайё сохтааст.  Ҳоло дар ҳафт деҳоти ҳамшафати шаҳри Душанбе гармхона  ва  майдонҳои кишти зери плёнка мавҷуданд.  Аммо кишоварзон дар ин самт  баробари андози ягона   андози амвол аз гармхонаҳоро месупоранд, ки садди  рушди ин бахши даромаднок дар ноҳия хоҳад буд. Андоз аз  амвол дар фаъолияти  гармхонаҳо пардохти иловагиест, ки хароҷоти кишоварзро дар самти истеҳсоли маҳсулоти тару тозаи зимистона дучанд мекунад. Вақте аз соҳибкор барои  ташкили гармхона андози ягона ва ҳам андоз аз амвол гирифта мешавад, даромаднокии ӯ  аз соҳа хеле кам шуда, ҳавасмандиаш ҷиҳати  вусъат бахшидани  парвариши зироатҳо бо ин усул  аз байн меравад. Ҳамчунин,  барои истеҳсоли сабзавоти тару тозаи  ба талаботи бозор ҷавобгӯ  сифату навъҳои тухмӣ низ нақши муҳим доранд.  Муҳайё  намудани шароити хуби дастрасии деҳқонон ба тухмиҳои хушсифат яке аз ҳадафҳои асосии роҳбарияти ноҳия буда, дар ин самт бо олимону мутахассисони соҳа ҳамкориҳои судманд  роҳандозӣ гардидааст.  Агар идораҳои масъул дар  ҳамкорӣ бо хоҷагиҳо дар самти таъмини кишоварзон  бо навъҳои беҳтари  тухмӣ ва кӯчатҳо  шароити мусоид фароҳам созанд,  барои пешрафти соҳа қадами ҷиддие хоҳад буд. Имрӯзҳо сабзавоти тару тоза аз ҳисоби маҳсулоти гармхонаҳо дар бозорҳои ноҳия фаровон шудааст. Тавассути сари вақт таъмин гардидани фурӯшгоҳҳои ноҳия аз маҳсулоти гармхонаҳо нархи сабзавот муътадил аст. Айни замон  дар фурӯшгоҳҳои ноҳия нисбат ба минтақаҳои дигари кишвар сабзавот хеле арзон буда, инчунин, сифати беҳтар дорад, - мегӯяд Юсуфи Муҳаммадраҳим, раиси ноҳияи Рӯдакӣ.
Роҳандозии фаъолияти гармхонаҳо ва парвариши зироат дар зери плёнка дар фасли замистон барои таъмини амнияти ғизоии аҳолӣ, истифодаи  самараноку  оқилонаи замин дар мавриди гирифтани ду – се ҳосил аз як майдон ва рушди иқтидори  содиротии мамлакат нақши муҳим дорад. Барои   ҳавасмандии бештари соҳибкорону деҳқонон ба ин бахши самаровар коҳиш додани ҳаҷми андоз аз амвол, ки хароҷоти иловагиро ба бор меорад, аз ҷониби мақомоти андоз масъалаи ҳалталаб мебошад. Дар натиҷаи кам гардидани пардохтҳо барои ташкили гармхона, аз ҷумла дар ноҳияи Рӯдакӣ, ҳавасмандии кишоварзон ба ин соҳа афзуда,  воридоти даромад ба буҷет танҳо аз ҳисоби пардохти андози ягона даҳчанд мегардад ва фоидаи андоз аз амволро барзиёд мепӯшонад. Дар баробари ин, бозорҳои  ҷумҳурӣ  бо  меваю сабзавоти ватанӣ дар айёми сардӣ таъмин шуда, ҷойҳои нави кор таъсис меёбанд.
Ташрифулло САЪДУЛЛОЕВ, «Ҷумҳурият»


Баёни ақида (0)    Санаи нашр: 26.01.2017    №: 20    Мутолиа карданд: 2013

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед