logo

иҷтимоиёт

ТАРБИЯ. ДАР ОН ВОЛИДОНРО ҲАМ ТАВОН АСТУ ҲАМ ФАРМОН

Тарбияи фарзанд дар тамоми давру замон барои падару модар вазифаи асосӣ ба шумор меравад. Фарзанди неку ба камол расондан машаққатҳои зиёде дорад.

Табиист, ки рафтору гуфтори некро кӯдак аз хона омӯхта ба берун мебарояд ва он чи ки аз берун меорад, бояд таҳлил карда шавад. Мо аксар вақт мешунавем, ки фарзанд ба таърифу тавсифи ҷӯраҳояш дода мешавад, вале ба сухани ӯ кам аҳамият медиҳем. Аз ҷумла, мегӯяд, ки ким - кадом ҷӯрааш ба бозии компютерӣ рафтааст, ё падараш телефон харидааст. Ин аввалин чизе мебошад, ки кӯдак ба воситаи ақлу фаҳмиши худ ба хона меорад. Бояд падару модар ба кӯдак фаҳмонда диҳанд, ки  кадом рафтор хуб асту кадомаш бад. Мутаассифона, мо вақти зиёд ӯро паси телевизор мешинонему худ машғули кор мегардем. Дар натиҷаи тамошои филму бозиҳои мухталиф майнаи сари ӯ ба ангезиш медарояд ва тез хашмгин мегардаду падидаҳои зӯроварӣ дар хулқи ӯ пайдо мешаванд.
Набояд фаромӯш кард, ки воситаи хубтарини тарбия ин сухани хуш аст, кӯдак низ онро хуб қабул мекунад. Бо дӯғу пӯписа, баръакс андешаи ӯ дигар мешавад. Аз рӯи мушоҳидаҳо медонем, ки калимаҳои модар истифода мекардаро кӯдак ҳам айнан истифода мебарад. Падару модар ба ӯ «ҷон – ҷон» гӯянд, кӯдак низ «ҷон – ҷон» гуфта ҷавоб медиҳад. Вақте алфози қабеҳу дағал истифода бурда мешавад, кӯдак ҳам айнан лафзи нохушро истифода мебарад. Ҳамон лаҳну овоз, ҳамон захираи луғавӣ, ҳамааш айнан, калима ба калима такрор мешавад.
Роҳи дигари тарбия ин сайру саёҳати якҷоя ба ҷойҳои дилхушӣ, боғу гулгаштҳо мебошад. Ӯ аз чунин лаҳзаҳо ғизои маънавӣ мегирад, ҷаҳонбиниаш васеъ мегардад.
Инчунин, бояд дар хона баъди дарс ҳатман бо фарзанд дарс тайёр намуд. Ӯро на маҷбур, балки ҳавасманд бояд кард, ки ба ин роҳ дода шавад. Дарстайёркунӣ бояд ҳар рӯз дар вақти муайян сурат гирад. Ин як одати муқаррарӣ шуда мемонад. Ягона роҳи хонандаи фаъол шудани кӯдак ин ба дониш дода шудани худи ӯ мебошад. Бояд ба  инкишофи зеҳнии кӯдак мунтазам аҳамият диҳем. Пайваста ӯро ҳидоят намудан барои мутолиаи китобҳои шавқовар аз қабили ин роҳҳо аст. Дар ин вақт истеъдод сайқал меёбад ва қобилияти фитрии кӯдак зиёд шудан мегирад.
Инчунин, ба берун баромадани кӯдак ва бозӣ дар кӯча низ воситаи хуби тарбияи ӯ мебошад. Кӯча дар тамоми давру замон барои кӯдак як мактаб ба ҳисоб меравад, ки қонуну қоида ва талаботи худро  дорад. Он кӯдакро метавонад ба ҳар роҳ барад. Дар кӯча ӯ, пеш аз ҳама, мустақил аст ва тамоми диду шунидро ба худ мегирад. Мавзӯъҳои суҳбати кӯча низ беҳисобанд. Дӯстони кӯчагӣ  ҳар хел мешаванд. Мегӯянд, ки қисми зиёди кӯдакон аз кӯча одоб меомӯзанду дар он ҷо калон мешаванд. Вале он ба кадом роҳ мебарад аз падару модар вобаста аст. Яъне, бояд онҳо фарзандро дар кӯча танҳо нагузоранд ва ҳар он чи диду гирифт, бетафовут набошанд.
Дар ин масъала Унсурулмаолии Кайковус низ мефармояд: «Ва падару модарро ҳам тавон аст ва ҳам фармон. Аммо тавон аст ба парвардани ту ва фармон аст ба хубӣ омӯхтан». Дар ин таъкид ҳам дуруст тарбия кардан ва ҳам дуруст таълим додани фарзанд қарзи аввалиндараҷаи падару модар дониста мешавад, ки ин арзишҳо бояд дар замони мо боз ҳам амиқтар амалӣ гарданд.
Муқаддас КОМИЛОВА,
омӯзгори МТМУ № 56 – и
ноҳияи Синои шаҳри Душанбе


Баёни ақида (0)    Санаи нашр: 30.01.2017    №: 22-23    Мутолиа карданд: 1827

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед