logo

иҷтимоиёт

ҶАВОНОН. ИМРӮЗРО БАРОИ ФАРДО БИСОЗЕМ

Дар ин замина эълон гардидани соли 2017 ҳамчун соли ҷавонон  боиси рӯҳбаландии боз ҳам бештари аҳли ҷомеа гардида, ин ташаббусро ҷавонон бо хушнудӣ истиқбол намуданд. Зеро ҷавонон неруи пешбарандаи ҷомеа ва насли ояндасози миллат ба шумор рафта, бо азхуд намудани касбу ҳунар ва иқдому ташаббусҳои созандаи худ дар пешрафту тараққии ватани азизамон - Тоҷикистон, пешрафти илму техника, саноат, кишоварзӣ, фарҳанг ва дигар соҳаҳо саҳми чашмрас гузошта метавонанд. Барои онҳо бо таваҷҷуҳу ғамхориҳои доимии Сарвари давлат садҳо иншооти маданӣ, таълимӣ, фарҳангӣ - фароғатӣ, бахусус толору майдонҳои варзишӣ бунёд гардидаанд. Бо вуҷуди ин, мутаассифона, ҳоло ҳам бо ҷавононе вомехӯрем, ки ба ҷойи шукрона аз ин Ватану Сарвари муаззами кишвар кардану аз ин иншоот самаранок истифода бурдан, неруи худро ба корҳои беҳуда сарф намуда, ба роҳи хато мераванд, ки оқибаташ пушаймонист.
Маҳмадзоҳир Зарифзода, сардори Хадамоти пешгирии ҳуқуқвайронкунӣ дар байни ноболиғон ва ҷавонони Вазорати корҳои дохилӣ, дар робита ба мавзӯъ зикр сохт, ки роҳбарияти вазорат бо мақсади ҷалби ҷавонон ва истифодаи неруи тавонои онҳо дар таҳкими суботу оромӣ, ҳифзи тартиботи ҷамъиятӣ ва мубориза бо ҷинояткорӣ дружинаҳои ихтиёрӣ ва кормандони ғайриштатиро аз ҳисоби ҷавонон таъсис додааст. Тибқи маълумоти расмӣ дар давоми ду соли охир бо мусоидати кормандони ғайриштатии милитсия 834 ҷиноят ошкор, 3884 далели  ҳуқуқвайронкунии маъмурӣ муайян ва 12 нафари дар ҷустуҷӯ қарордошта дастгир шуд. Ҳамзамон, 117 нафар, ки аз муассисаҳои ислоҳии ҷумҳурӣ ва кишварҳои хориҷӣ озод гардидаанд, дар қайди махсуси мақомоти корҳои дохилӣ гузошта шуданд. Бо мусоидати дружиначиёни ихтиёрӣ 181 ҷиноят  ва 10 ҳазору 560 далели ҳуқуқвайронкунии маъмурӣ ошкор гардид.  
- Дар доираи талаботи Қонуни Ҷумҳурии Тоҷикистон «Дар бораи ҷавонон ва сиёсати давлатии ҷавонон» барои ҳифзи иҷтимоии ҷавонон шурӯъ аз соли 2014 гурӯҳи ҷавонони «Пешоҳанг» таъсис дода шуд, - иброз дошт Маҳмадзоҳир Зарифзода. Ба гуфтаи ӯ, давоми ду соли фаъолият ин гурӯҳ, ки аз ҷониби Вазорати корҳои дохилӣ ҳамаҷониба дастгирӣ меёбад, дар мавзӯъҳои пешгирии шомилшавии ҷавонон ба ҳизбу ҳаракатҳои экстремистию террористӣ, тарбияи насли наврас дар рӯҳияи ватандӯстию меҳанпарастӣ, эҳтироми арзишҳои миллӣ ва ҳифзи дастовардҳои Истиқлолияти давлатӣ дар вилоятҳои Суғду Хатлон, ВМКБ, минтақа ва ноҳияи Рашт, шаҳри Душанбе  семинару конфронс ва мизҳои мудаввар баргузор намуд.  Сафарҳои кории аъзои гурӯҳ ба шаҳрҳои Маскав, Твер, Краснодар ва Сочии Федератсияи Русия, дидору гуфтугӯҳояшон бо ҳамватанони бурунмарзӣ дорои аҳамияти вижа мебошад. Зикр гардид, ки кормандони Хадамоти пешгирии ҳуқуқвайронкунӣ дар байни ноболиғон ва ҷавонони Вазорати корҳои дохилӣ дар доираи баргузории корҳои фаҳмондадиҳӣ-маърифатӣ дар самти пешгирии зуҳуроти номатлуб ва таъмини иҷрои талаботи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» пайваста чора меандешанд. Аз ҷумла, дар чорабинии мақсадноке, ки аз тарафи кормандони ин бахши мақомоти корҳои дохилӣ ба наздикӣ дар ноҳияи Синои шаҳри Душанбе гузаронда шуд, ҳолатҳои зиёди шабона дур аз оила қарор доштани ноболиғону ҷавонон, дар интернет - кафеҳо ба ҳар гуна бозиҳои хусусияти зӯроваридошта машғул будани онҳо муайян ва ошкор гардиданд. Баргузории мунтазами чунин чорабиниҳо дар шаҳру навоҳии кишвар баҳри пешгирии қонуншикании ноболиғону ҷавонон мусоидат хоҳад кард.
Сафаргул  АЛИМОВА,  «Ҷумҳурият»


Баёни ақида (0)    Санаи нашр: 1.02.2017    №: 25    Мутолиа карданд: 1932

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед