logo

иқтисод

СУҒД. ДАР МУТТАҲИДӢ ВА БА ХОТИРИ ВАҲДАТ

Дар Паёми Сарвари давлат муҳтарам Эмомалӣ Раҳмон ба Маҷлиси Олии ҷумҳурӣ зикр гардид, ки  таҳкими иқтидори иқтисодии мамлакат ва дар ин замина таъмин намудани шароит барои зиндагии шоистаи сокинони кишвар ҳадафи олии давлат ва Ҳукумати ҷумҳурӣ  ба ҳисоб меравад ва барои расидан ба ин  мақсад тамоми захираву имкониятҳо сафарбар карда мешаванд. Маҳз барои таъмини шароити мусоид ва арзандаи зиндагии шаҳрвандон имрӯзҳо дар вилояти Суғд ободониву созандагӣ авҷ гирифтааст. Бунёди шаҳраку маҳаллаҳои нави замонавӣ ва биноҳои истиқоматии баландошёна аз иқдомҳои мақомоти иҷроияи ҳокимияти давлатии вилояти Суғд ба ҳисоб рафта, аз ҷониби соҳибкорони маҳаллӣ ҳамовозии гарм пайдо намуд.
Дар ноҳияи Бобоҷон Ғафуров бо дастгирии Ҳукумати Ҷумҳурӣ ва ҳиммати соҳибкорон бунёди иншооти гуногун бо суръат идома дорад. Зарифҷон Назирӣ, раиси ноҳия, зимни ҷаласаи ҷамъбасти натиҷаҳои соли гузашта гуфт, ки  дар ҳамаи ҷамоатҳо дар доираи супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  корҳои созандагиву ободкорӣ вусъати тоза пайдо кардаанд. Дар деҳоти Ҳайдар Усмон бунёди муассисаи таълимӣ  ба нақша гирифта шудааст. Бинои мазкур барои таҳсили  430 хонанда дар як баст пешбинӣ шуда, аз ду ошёна ва 16 синфхона иборат мебошад. Боз чунин як мактаби нави замонавии боҳашамат  соли равон дар деҳоти Унҷии ноҳия қомат хоҳад афрохт. Ин таълимгоҳ сеошёна  буда, барои таълими 540 хонанда дар як баст муқаррар гардидааст. Соли равон бахшида ба 20 - солагии Рӯзи Ваҳдати миллӣ ва 25 - солагии Иҷлосияи таърихии 16 – уми Шӯрои Олии Тоҷикистон даҳҳо иншоот мавриди баҳрабардорӣ қарор хоҳанд гирифт.
Ба роҳ мондани сохтмони маҷмааи биноҳои истиқоматӣ ва гузари нав дар маҳаллаи 19 - уми шаҳри Хуҷанд яке аз қисматҳои муҳими корҳои созандагист. Маҷмаа аз биноҳои 6 - 7 – ошёнагӣ  ва 16 даромадгоҳ иборат буда,  дар масоҳати қариб 14000 метри мураббаъ сохта мешавад. Ҳамчунин, дар он  иншооти хизматрасонӣ, аз қабили маркази савдо, тӯйхона, хизматрасонии тиббӣ ва кӯдакистони сеошёна барои 100 кӯдак бунёд меёбад. Дар   саҳни маҷмаа сохтмони таваққуфгоҳи воситаҳои нақлиёт, майдончаҳои варзишӣ ва ҷойи парвариши гулу ниҳолони сояафкану ороишӣ дар назар аст.
Дар маҳаллаи 20 - уми шаҳр бунёди маркази миллии Оши палов пешбинӣ шудааст. Маркази хӯрокҳои миллӣ  дуошёна буда, бунёди он пурра бо усули меъмории анъанавӣ роҳандозӣ мегардад. Таъсиси ин марказ  пеш аз ҳама барои эҳё ва рушду нигаҳдории фарҳанги миллии  тоҷикон муфид мебошад. Ташкили марказ дар арафаи ба феҳрасти фарҳанги умумибашарии ғайримоддӣ дохил шудани Оши палави тоҷикон аз ҷониби идораи  илму фарҳанги Созмони Милали Муттаҳид - “ЮНЕСКО” хеле рамзист. Дар маркази навбунёд беш аз 10 намуди Оши палав ва навъҳои гуногуни таомҳои мардуми тоҷик пешкаши меҳмонон мегарданд.
Ҷовиди АШТӢ, «Ҷумҳурият»


Баёни ақида (0)    Санаи нашр: 01.02.2017    №: 25    Мутолиа карданд: 1994

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал

ХАТЛОН. Таъсиси 31 корхона дар 6 моҳ

МАРКАЗИ ТАДҚИҚОТИ СТРАТЕГӢ. Ҳамкориҳо самар медиҳанд

"ТОҶИК ЭЙР". Парвозҳо аз нав шурӯъ гаштанд

Таъсиси 26 ширкати сайёҳӣ дар ним сол

ДДК. Шумораи омӯзгорони унвондор меафзояд

Ҷаҳон дар як сатр


Дар сомонаҳои дигари Тоҷикистон хонед