logo

иқтисод

КУМИТАИ АНДОЗ. ТАҲЛИЛҲО НИШОН ДОДАНД, КИ...

Соли сипаригардида Кумитаи андози назди Ҳукумати Ҷумҳурии Тоҷикистон ҷиҳати дар сатҳи замонавӣ ба роҳ мондани хизматрасонӣ ба андозсупорандагон тибқи “Равзанаи ягона”,  самараноктар анҷом додани корҳои назоратӣ, истифода аз технологияи иттилоотӣ ва роҳандозии барномаҳои компютерӣ оид ба ҳисоб ва пардохти андозҳо, пурра ба ҳисоб гирифтани объектҳои андозбандию ташкили шабакаи додугирифт, фаъолияташро хуб ташкил кард.
Дар суҳбат раиси кумита Нусратулло Давлатзода ба хабарнигори рӯзнома дар ин хусус чунин гуфт:
- Дар соли гузашта нақшаи андозҳо ва пардохтҳои ҳатмӣ, бе дарназардошти андози иҷтимоии ғайрибуҷетӣ ба андозаи 101 дарсад иҷро шуда, ба ҷойи 6 миллиарду 985,4 миллион сомонӣ, ба буҷет 7 миллиарду 53 миллион сомонӣ ворид карда шуд, ки аз нақша 67,6 миллион сомонӣ зиёд мебошад. Вале, нақшаи андози иҷтимоӣ аз ҳисоби корхонаҳои ғайрибуҷетӣ ба андозаи  89,1 дарсад таъмин карда шуд ва дар натиҷа ба ҷойи 1 миллиарду 550 миллион сомонии пешбинишуда, 1 миллиарду 381 миллион сомонӣ ворид гаштааст, ки аз дурнамо 169 миллион сомонӣ кам мебошад. Таҳлилҳо нишон доданд, ки таъмин нагардидани иҷрои нақшаи андози иҷтимоӣ аз ҳисоби корхонаҳои ғайрибуҷетӣ буда, аз таъсири буҳрони молиявии ҷаҳонӣ,  ногувории шароити иқтисодии андозсупорандагон,  нисбатан коҳиш ёфтани музди меҳнат дар баъзе корхонаҳо ва ихтисори шумори коргарон ба миён омадааст.
Соли 2016 мақомоти андоз ҷавобан ба нуктаҳои Паёми Сарвари давлат шумори санҷишҳои фаъолияти соҳибкоронро то 100 адад коҳиш дода буд. Бо вуҷуди ин, фаъолияти 1883 шахси ҳуқуқӣ ва соҳибкори инфиродӣ мавриди санҷиши риояи қонунгузории андоз қарор дода шуда, дар рафти онҳо ба маблағи 1 миллиарду 75 миллион сомонӣ кам ҳисоб кардан ва пинҳонсозии андозҳо ошкор гардид.
Нисбат ба андозсупорандагоне, ки ба қонунвайронкунӣ ва пинҳонсозии андозҳо ба маблағи калон роҳ додаанд, чораҷӯӣ карда,  барои қабули қарорҳои дахлдор 363 мавод ба мақомоти ҳифзи ҳуқуқ ирсол шуд, ки  маблағи он 734 миллион сомониро ташкил медиҳад.
Дар рафти санҷишҳои амалиётӣ 6200 ҳолати бидуни қайд ба фаъолияти соҳибкории ғайриқонунӣ машғул шудани шахсони воқеӣ ошкор гардид  ва тавассути андешидани тадбирҳои фаврӣ, онҳо ба қайд гирифта, бо патент ва шаҳодатномаи соҳибкорӣ таъмин шуданд. Дар рафти санҷишҳои назоратӣ аз тарафи мақомот зиёда аз 24600 ҳолати ҳуқуқвайронкунӣ ошкор ва шахсони дахлдор ба ҷавобгарии маъмурӣ кашида, ба онҳо ба маблағи умумии  307 миллион сомонӣ ҷарима татбиқ гардид. Аз ин ҳисоб ба буҷети ҷумҳуриявӣ 170 миллион сомонӣ ворид шуд.
Ҷорӣ  намудани технологияи ҳозиразамони иттилоотӣ яке аз самтҳои афзалиятноки фаъолияти имрӯзаи мақомоти андоз ба шумор рафта, ҳоло 23 барномаи компютерӣ  таҳия ва мавриди амал қарор дорад. Аз  ҷумла, бо мақсади дар сатҳи замонавӣ ба роҳ мондани хизматрасонӣ ба андозсупорандагон барномаи компютерии ба тариқи электронӣ пешниҳод намудани эъломияҳо ба роҳ монда шудааст, ки аз он 40300 андозсупоранда истифода бурдааст.
Дар доираи ислоҳоти андоз, ки тибқи «Барномаи рушди маъмурикунонии андоз» амалӣ шуда истодааст,  дар дастгоҳи марказии кумита ва биноҳои раёсатҳои андози вилояти Суғду минтақаи Кӯлоби вилояти Хатлон толорҳои видеоконференсия фаъол гаштанд. Айни замон, бо истифода аз  толорҳои видеоконференсия бо якчанд мақомоти ҳудудии андози маҳалҳои дурдаст ва андозсупорандагон дар реҷаи мустақим ҷаласаҳо, машваратҳо ва муҳокимаҳои корӣ, корҳои тавзеҳотию фаҳмондадиҳӣ доир карданд.
Беҳтар гардидани базаи моддӣ-техникии  мақомоти андоз имкон дод, ки ба мақсади таъмини иҷрои  «Барномаи давлатии рушд ва татбиқи технологияҳои иттилоотию коммуникатсионӣ дар  Ҷумҳурии Тоҷикистон барои солҳои 2014 - 2017» дар Кумитаи андоз маркази коркарди маълумотҳо ташкил карда шавад.
Дар соли рафта бо ширкатҳои мобилии «Билайн», «Тселл», «Мегафон» ва ғайра корҳои тавзеҳотию фаҳмондадиҳӣ анҷом дода, баҳсҳои ба миён омадаро бартараф намудем ва алҳол ин ширкатҳо  андозсупорандагони беҳтарин ба шумор мераванд.
Пешвои миллат, Ҷаноби Олӣ муҳтарам Эмомалӣ Раҳмон дар хусуси сабукӣ додан ба соҳибкорон ва фароҳам овардани шароити мусоид ба фаъолияти онҳо, ки ободкорон ва созандагони кишвари моанд, доимо таъкид менамоянд. Мо, кормандони мақомоти андоз, дар ҷавоби ҳидоятҳо лоиҳаи қарорро таҳия намуда, ба Ҳукумати Ҷумҳурии Тоҷикистон пешниҳод кардем, ки баъди қабули он соҳибкорону андозсупорандагон фаъолияташонро боз ҳам беҳтар ва самарабахштар  карда метавонем.
Мирзои ФИРӮЗ, «Ҷумҳурият» 


Баёни ақида (0)    Санаи нашр: 01.02.2017    №: 25    Мутолиа карданд: 2021

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед