logo

суханрониҳо

Суханронии Президенти Ҷумҳурии Тоҷикистон Эмомалӣ Раҳмон дар маросими ба истифода додани НБО-и «Сангтӯда - 1»

Ҳамдиёрони азиз,
Дмитрий Анатолевичи мӯҳтарам!
Бинокорон ва энергетикҳои гиромиқадр, тавре ки Шумо шоҳид гаштед, чанд лаҳза пеш бо иштироки сарони давлатҳои бародари Тоҷикистону Русия иншооти азим - Нерӯгоҳи барқи обии «Сангтӯда - 1» ба истифода дода шуд. Ин натиҷа ва самараи ҳамкории бародаронаи мамлакатҳои мо дар соҳаи энергетика мебошад. НБО-и «Сантӯда - 1» бо назардошти душвориҳои энергетикии мамлакати мо дар муддати кӯтоҳ сохта ба истифода дода шуд. Бинобар ин бо эҳсосоти олӣ ва қаноатмандии бузург аз натиҷаҳои ҳамкории самарабахши Ҷумҳурии Тоҷикистон ва Федератсияи Русия ҳамаи Шумо, тамоми сокинони Тоҷикистон ва меҳмонони азизро ба муносибати ин рӯйдоди ҳақиқатан муҳим ва фараҳбахш самимона табрик менамоям.
Ба Президенти Русия, мӯҳтарам Дмитрий Анатолевич Медведев, Ҳукумати Федератсияи Русия, инчунин бинокорону лоиҳакашон ва муҳандисону кормандони техникӣ, ҳамаи онҳое, ки бо талаби иродаи қатъии худ ва меҳнати самарабахш воқеаи имрӯзаро имконпазир гардонда, ба истифода додани Нерӯгоҳи барқи обии «Сангтӯда - 1» - ро ба амри воқеӣ табдил доданд, аз таҳти дил изҳори сипос менамоям.
Имрӯзҳо ҳар иқдоме, ки ба манфиати рушду нумӯи соҳаи энергетика ва беҳтар сохтани таъминоти мамлакат бо қувваи барқ андешида мешавад, барои Тоҷикистон аҳамияти бузург дорад. Бинобар ин ба истифода додани НБО-и «Сангтӯда - 1», бешубҳа, барои тамоми мардуми мо рӯйдоди хурсандибахш мебошад. Зеро баъди ба истифода додани он ҳар шабонарӯз дар Тоҷикистон 8 миллион киловатт - соат қувваи барқ бештар истеҳсол карда мешавад ва ин моро умедвор месозад, ки дар давраи тирамоҳу зимистони оянда мушкилоти камбуди қувваи барқ қисман ҳал хоҳад шуд.
Аз рӯзи ба кор даромадани агрегати якуми нерӯгоҳ то имрӯз дар ин ҷо бештар аз 1,5 миллиард киловатт - соат қувваи барқ истеҳсол карда шуд, ки то ҳадди имкон барои таъмини босуботи қувваи барқ ва истифодаи самарабахши захираҳои об шароит муҳайё сохт.
Энергетика дар Тоҷикистон, мисли ҳар мамлакати дигар барои пешрафти иқтисоди миллӣ заминаи муҳим ва асосӣ ба шумор меравад. Бе пешрафти ин соҳа иҷрои нақшаҳо ва барномаҳои дигари калонҳаҷми иҷтимоию иқтисодӣ имконнопазир мебошад.
Бинобар ин мавриди истифода қарор додани нерӯю имкониятҳои гидроэнергетикии мамлакат аҳамияти аввалиндараҷаи умумимиллӣ дорад ва беҳтар гардидани шароити зиндагии ҳар кадоми мо ба ҳамин вобаста мебошад. Тоҷикистон дар ин маврид эҳсосоти худпарастии миллиро қотеона сарфи назар менамояд. Мамлакати мо ҳеҷ гоҳ ба ҳеҷ ваҷҳ ҳадафҳоеро амалӣ нахоҳад сохт, ки бар зарари мамлакатҳои ҳамсоя бошанд. Ман инро бори дигар бо камоли масъулият изҳор менамоям. Мо зимни иҷрои нақшаҳои беҳтар сохтани таъминоти қувваи барқ пеш аз ҳама манфиатҳои умумии минтақаро ба назар мегирем, зеро барои бо қувваи арзону аз ҷиҳати экологӣ безарари  барқ таъмин кардани мамлакатҳои минтақа омили муҳим ба шумор меравад.
Нерӯгоҳҳои барқи обии Тоҷикистон ва обанборҳои он оби дарёҳоро талаф надода, дар давоми қариб ним аср ба тараққиёти саноат ва кишоварзии тамоми минтақа мусоидат менамоянд, ба туфайли онҳо дар минтақа даҳҳо шаҳрҳои бузург ва маҳалҳои дигари аҳолинишин бунёд карда, заминҳои дар давоми ҳазорсолаҳо ташналаб қобили кишт гардонда шуданд. Инро набояд аз хотирҳо фаромӯш кард. Бо назардошти мулоҳизаҳои мазкур, воқеаи имрӯза на танҳо нишондиҳандаи мусбати муносибатҳои Тоҷикистону Русия мебошад, балки, бешубҳа, барои тамоми минтақаи Осиёи Марказӣ аҳамияти калон дорад. Зеро «Сангтӯда - 1» минбаъд ҳамчун ҷузъи таркибии силсилаГЭС-ҳои дарёи Вахш дар ободии минтақа саҳми калон хоҳад гузошт.
Хурсандиовар аст, ки Русия оғозгар ва ташаббускори ҳамкорӣ дар ин соҳаи муҳимтарин мебошад ва Тоҷикистонро бо ин мамлакат муносибатҳои анъанавии неки дӯстона ва эҳтироми мутақобила мепайванданд. Мо, ҳамеша, хусусан солҳои аввали душвори мустақилияти мамлакатамон кӯмаку дастгирии ҳамаҷониба ва ҳамдилии самимонаи дӯстони русиягии худро ҳис кардаем.
Бояд гуфт, ки НБО-и «Сангтӯда - 1» дар қаламрави ИДМ иншооти бузургтарини энергетикӣ мебошад, ки бо иштироки давлат ва ширкатҳои Русия сохта шуд. Дар сохтмони он бештар аз 50 корхонаю муассисаи соҳаи сохтмони Тоҷикистон ва Русия ширкат варзиданд. Таҷҳизот ва асбобу анҷоми зарурии нерӯгоҳро теъдоди хеле зиёди корхонаҳои саноатии Русия сохта, дастрас намуданд. Дар сохтмони нерӯгоҳ тақрибан 5 ҳазор нафар кор кард, ки бештар аз 80 фоизи онҳо мутахассисони тоҷик мебошанд.   
Тибқи нақша, НБО-и «Сангтӯда - 1» бо таҷҳизоти навтарини имрӯзаи сохти Русия муҷаҳҳаз гардонда шудааст ва иқтидори умумии он 670 мегаватт мебошад. Ҳамин тариқ сохтмони нерӯгоҳ боз як шаҳодати ҳамкории мамлакатҳои мо буда, ба барқарор гардидани муносибатҳои бародаронаи Тоҷикистону Русия дар соҳаи энергетика имконият фароҳам сохт. Чунин муносибати бародарона дар давраи шӯравӣ вуҷуд дошт ва анъанаҳои пурғановати эҳтиром, дастгирӣ ва расондани кӯмак ба ҳамдигарро ифода менамуд.
Умедворем, ки баъди ин ташаббусҳои нав ба нави ҳамкории самарабахши ҳар ду мамлакат ба миён гузошта мешаванд. Онҳо заминаи шарокати стратегии Тоҷикистону Русия буда, ба оянда нигаронида шудаанд ва роҳбарияти ҳар ду мамлакат азми қавӣ дорад, ки барои пурра мавриди баҳрабардорӣ қарор додани нерӯю имкониятҳои бузурги муносибатҳои дуҷонибаи Тоҷикистону Русия ҳамаи тадбирҳои заруриро амалӣ созад.
Дар ин бобат, меҳнати самарабахшу фидокоронаи якҷояи Шумо, дӯстони азиз, сазовори баҳои баландтарин буда, саҳми арзандаи ҳар кадоми Шумо барои ғанитар гардондани анъанаҳои дӯстона ва мустаҳкамтар сохтани муносибатҳои давлатҳо ва халқҳоямон хоҳад гашт.
Дар хотима бори дигар ҳамаи бинокорон, муҳандисон, лоиҳакашон ва ҳамаи онҳоеро, ки дар бунёди ин иншооти бузурги саноатии дӯстӣ - НБО-и «Сангтӯда - 1» саҳм гузоштаанд, самимона муборакбод мегӯям. Ба истифода дода шудани ин нерӯгоҳ, бемуҳобот, дар таърихи муносибатҳои мутақобилан муфиди мамлакатҳоямон саҳифаи нав боз хоҳад кард.
Ба ҳамаи шумо барори кору саломатӣ, хушбахтӣ ва рӯзгори фараҳмандонаи оилавӣ таманно дорам.
Ба ҳамаатон ташаккур!

Сешанбе, 4 августи  соли  2009. № 97 (21 604). Соли 85-уми нашр.


Баёни ақида (0)    Санаи нашр:    №:    Мутолиа карданд: 612

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед