logo

иҷтимоиёт

ҲАМКОРӢ ОМИЛИ АСОСИИ КАМОЛОТИ НАСЛИ НАВРАС

Таълиму тарбия раванди хеле тӯлонист, вале низом ва пайвастагии хоси худро дорад. Муддате аз ин раванд дур мондан, бахусус, дар марҳилаи ташаккулёбии ҷисмонӣ, маънавӣ, ахлоқӣ ва иҷтимоии кӯдак то расидан ба ҳафтсолагӣ натиҷаи дилхоҳ намедиҳад. Бо пеш овардани мушкилоти ночиз ва сабабҳои нокифоя кӯдакон набояд аз таълиму тарбия дур монанд. Яке аз принсипҳои асосии таълиму тарбияи томактабӣ ҳамкории муассисаи таълимии томактабӣ бо оила маҳсуб меёбад.

Пас, аз рӯйи принсипи ҳамкории муассисаи томактабӣ бо оила масъалаҳои ҳалталаби марбут ба имрӯзу ояндаи кӯдакону наврасон бояд дар якҷоягӣ баррасӣ ва матраҳ гарданд. Мутаассифона, камтаваҷҷуҳии иддае аз падарон бараъло эҳсос мегардад. Ҳатто дар баррасии масъалаҳои воқеан мубрам дар маҷлису ҷамъомадҳо танҳо модарон ё бародару хоҳари таълимгиранда ширкат менамоянд. Ҳамкории самарабахши таблиғотӣ барои тақвияти маърифати ҳуқуқии шаҳрвандон духтарону занон бо мақсади бунёди оила ва тарзи ҳаёти солим, роҳҳои муосири пешгирии касалиҳои венерикӣ, нашъамандӣ ва ҷинояткорӣ, дастрасии бештари ҷавонон ва наврасон ба марказҳои маърифатӣ-фарҳангӣ, варзишӣ ва ҷалби кӯдакону наврасон ба варзиш аз омилҳои мусбати раванди ҳамкориҳо маҳсуб меёбанд.
Раванди ҷаҳонишавӣ ва рушди босуръати навъҳои муосири технологияи иттилоотӣ-мухобиротӣ барои дастрасӣ ба иттилоъ ва донишомӯзӣ, бахусус, ба воситаи шабакаи ҷаҳонии интернет, ки сомонаҳои бешумори омӯзишӣ, таълимӣ, маърифатӣ ва донишандӯзӣ дорад, хеле муфид, мувофиқ ва дастрас аст. Аммо бар замми паҳлуҳои мусбат, ҳамчунин ҷанбаҳои манфии он барои шахсони ноогоҳ, бахусус, кӯдакон, ҷавонону наврасон хатар дорад, зеро маҳз тавассути сомонаҳо ва бозиҳои дилхушкунанда ҷалби ҷавонону наврасони аз назорати волидайн дурмонда ба ҳизбу ҳаракатҳои иртиҷоиву террористӣ сурат мегирад. Пас суоле ба миён меояд, ки асосан кадом омилҳо сабаби ноогоҳӣ ва ё бесаводиву бедонишӣ мегардад?   Маҳз як муддат аз таълиму тарбияи дуруст дур мондан ва  мавҷуд набудани фазои солими оила яке аз омилҳои асосии гароиш ва тақлиди ҷавонон ба ҳизбу ҳаракатҳои ифротгаро ва пайравии ҷавондухтарон аз либоспӯшии фарҳанги бегона мебошад.
Мусаллам аст, ки инкишофи маънавии кӯдак бо омӯзиши таҷрибаи маънавӣ ба воситаи намудҳои гуногуни фаъолият, ба мисли бозӣ, меҳнат, муошират бо калонсолон ба даст меояд. Вале бекорӣ ва бешуғлии падару модарон ба раванди ташаккулёбии ҷаҳонбинӣ ва ояндабинии фарзандон бетаъсир намемонад. Тавре аз дастуру супоришҳои Президенти Ҷумҳурии Тоҷикистон, Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон зимни ироаи Паёми навбатӣ таъкид кардаанд, тавассути фарогирии калонсолон ва занону ҷавонон бо шуғли пурсамар, ба таври ҷиддӣ ба роҳ мондани касбҳои мардумӣ, ҳунарҳои дастӣ ва кори хонагӣ дар байни аҳолӣ, ҳам манбаи даромади рӯзгор ва ҳам воситаи тарбияи меҳнатдӯстии фарзандон мегардад. Ҳар як фарзанд аз падар ё модари соҳибҳунари худ ифтихор менамояд, заҳмати волидайнро қадр намуда, ҳатман касб ё ҳунареро азхуд мекунад.
Гулҷаҳон ШЕРАЛИЕВА,
мудири ширхоргоҳ - кӯдакистони
навъи санатории № 76 - и ноҳияи Фирдавсӣ


Баёни ақида (0)    Санаи нашр: 02.02.2017    №: 26    Мутолиа карданд: 2037

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед