logo

иҷтимоиёт

ДУШАНБЕ ШАҲРИ БЕҲТАРИНИ ОЯНДАДОРИ САЙЁҲӢ ДАР ҶАҲОН ЭЪТИРОФ ГАРДИД. ОРОМӢ, ОЗОДАГӢ ВА ЗЕБОИИ ОН ВИРДИ ЗАБОНҲОСТ

Душанбе -   пойтахти Ҷумҳурии Тоҷикистон дар раддабандии (рейтинги) шаҳрҳои аз нигоҳи туризм ояндадор мувофиқи таҳқиқоти ширкати маъруфи «Mastercard» ҷойи аввалро соҳиб гашт. 

Дар асоси ин пажӯҳиш маҷаллаи сайёҳии  «34travel»   5 шаҳри  аз лиҳози имконоти рушди  соҳаи сайёҳӣ ояндадор  – Душанбе, София, Бухарест, Касабланка ё Дор-ул-Байдо ва Бостони Иёлоти Муттаҳидаи Амрикоро  беҳтарин донист, ки дар байни онҳо  пойтахти Тоҷикистон дар мақоми аввал меистад. Маҷалла дар бораи шаҳри Душанбе чунин навиштааст:
«Табиати кӯҳистонаш поку ором аст. Соли  2015 шумораи сайёҳон дар  Тоҷикистон нисбат ба як соли пеш ду маротиба афзуд. Барои  онҳое, ки орзуи дидани табиати зебоманзари ин мамлакат, аз ҷумла қуллаҳои осмонбӯси  кӯҳҳои Бадахшон ё ошноӣ бо ганҷинаи ёдгориҳои оини даврони Зардуштро дар дил мепарваранд, дар Душанбе – пойтахти Тоҷикистон имконияти васеи хизматрасонӣ  мавҷуд аст. Номи Душанбе  маънои рӯзи нахустини ҳафта буда,  ишора ба он мекунад, ки сафари худро аз ҳамин макон бояд оғоз кард.  Хӯрдани  оши палов - яке аз хӯрокҳои машҳури миллӣ ва шириниҳои тоҷикӣ басо ҳаловатбахш аст».
Муаллифони таҳқиқот  дар Душанбе ҳатман тамошо кардани осорхонаҳои бостонӣ, археологӣ ва этнографиро ба туристон машварат дода,  навиштаанд:   «Ҷиҳати баҳравар гардидан аз мероси гаронбаҳои таърихӣ дар ин мамлакат шароити мусоид мавҷуд аст.  Бузургтарин ҳайкали Буддои хобида дар Осиёи Марказӣ  дар Душанбе ба маърази тамошо  гузошта шудааст».
Мақоми аввалро соҳиб гаштани шаҳри Душанбе аз рӯйи таҳқиқоти ширкати маъруфи ҷаҳонӣ, пеш аз ҳама, аз сиёсати хирадмандонаи Роҳбари давлат дар самти рушди сайёҳии кишвар маншаъ мегирад.
Дарёи хурӯшони Душанбе аз қуллаҳои барфпӯши қаторкӯҳҳои Ҳисор сарчашма гирифта, аз миёни шаҳр  ба сӯйи водии Вахш равон аст. Аз самти ҷанубии он  дарёи шодоби Кофарниҳон тӯл кашидааст. Дар болотари шаҳр дараи хушманзару фараҳбахши  Варзоб ҷойгир буда, дар он мавзеи лижаронии «Сафед – дара», маконҳои кӯҳнавардӣ ва оббозӣ мавҷуданд.  Аз  тарафи шарқии пойтахт дар масофаи хеле наздик дараи зебоманзар ва барои шикор мувофиқи Ромит  ҷойгир аст.  Дар  мавзеъҳои хеле салқини  наздики шаҳри Душанбе  – дараҳои Варзобу Ромит ва водии Қалъаи Дашти ноҳияи Файзобод барои сайёҳон маконҳои хуби тамошо ва  истироҳату фароғатанд.  
Душанберо имрӯзҳо шаҳри гулҳо, сулҳ,  диёри дӯстию  бародарӣ ва макони орому осудаи зиндагии одамон ном мебаранд. Пойтахти Тоҷикистон ба маконе мубаддал гашта истодааст, ки ба ҳар нафари аз гӯшаҳои ҷаҳон омада ҳаловати аҷибу рӯҳи тоза мебахшад. Ҳоло оромӣ, озодагӣ ва зебоии Душанбе дар ҷаҳон вирди забонҳост.
Сайёҳони хориҷӣ ҳангоми тамошо аз гӯшаю канори Тоҷикистон бо фараҳмандӣ аз озодию оромӣ ва зебоии табиати биҳиштосо дар ин диёр тавсиф менамоянд. 
Елена Прус, хабарнигори Агентии миллии иттилоотии Беларус “БелТА”, дар бораи  сафараш ба  Тоҷикистон чунин мегӯяд:
- Ростӣ, мафтуни зебоии шаҳри Душанбе гардидам. Ҳангоми сайругашти шомгоҳӣ дар хиёбонҳо аввал аз фаввораҳои зебо ҳаловат бурдам. Баъдан аҳромҳои бузурги  аз харбузаю  тарбуз сохташударо тамошо намуда, дар ҳайрат мондам.  Чор рӯзе,  ки дар  Тоҷикистон будам, аз лаззати меваҳои шаҳдбор ва хӯрокҳои хуштаъм  бо табъи дил истеъмол  кардам.  Шаҳди меваҳо,  мазаи нону ош,  самбӯсаҳо ва  қурутоби мардуми тоҷик то дер боз дар  хотирам маҳфуз хоҳад монд. Тоҷикистон барои қабули сайёҳони бешумор   омода буда, шароиту имконияти ба стандарти ҷаҳонӣ ҷавобгӯ дорад.  Майдони  "Дӯстӣ,"  Китобхонаи миллӣ, Осорхонаи миллӣ, майдони "Нишони давлатӣ," парчами баландтарини ҷаҳон ва Кохи Наврӯз дар шаҳри Душанбе аз ҷойҳои  тамошобобу дидании дунёанд.
Ташрифулло САЪДУЛЛОЕВ, «Ҷумҳурият»


Баёни ақида (0)    Санаи нашр: 02.02.2017    №: 26    Мутолиа карданд: 2206

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед