logo

ҳуқуқ

ҶАЛАСАИ СЕЛЕКТОРӢ. НИГАРОНӢ АЗ ҲАРАКАТҲОИ КОРРУПСИОНӢ ВА ТАЪКИД БА АХЛОҚИ ҲАМИДА

Кормандони мақомоти корҳои дохилӣ ва ҷузъу томҳои он бояд бо ахлоқи ҳамида, рафтору кирдор, ватандӯстиву ватанпарастӣ намунаи ибрати дигарон бошанд ва дар пешгириву мубориза бо ҷиноятҳои хусусияти коррупсионидошта тамоми кӯшишу ғайрати худро равона созанд. Зеро Вазорати корҳои дохилӣ низ яке аз субъектҳои муборизабаранда бо коррупсия мебошад.

Ин матлабро Рамазон Раҳимзода зимни ҷаласаи селекторӣ (видео - конфронс), ки 31 январ доир гардид, баён намуд. Тибқи гузориши сомонаи вазорат, дар ҷаласа масъалаҳои мубориза бо ҷиноятҳои хусусияти коррупсионидошта, пешгирии ҳаракатҳои коррупсионӣ дар байни кормандони мақомоти корҳои дохилӣ ва хизматчиёни ҳарбӣ, риояи қонуният ва интизоми хизматӣ, пурзӯр намудани корҳои профилактикӣ - фаҳмондадиҳӣ дар ин самт мавриди баррасӣ қарор гирифтанд.
Дар ҷараёни ҷаласа Рамазон Раҳимзода содир гардидани ҷиноятҳои коррупсионӣ миёни кормандони мақомоти корҳои дохилӣ ва хизматчиёни ҳарбиро ташвишовар арзёбӣ намуда, ба баъзе роҳбарони ҷузъу томҳои мақомоти корҳои дохилӣ, ки кормандонашон даст ба ҷиноятҳои хусусияти коррупсионӣ задаанд, ҷазои интизомӣ татбиқ намуд.
Гул Маҳбуба, масъули сомонаи вазорат, дар суҳбати телефонӣ бо хабарнигори «Ҷумҳурият» гуфт, ки ҷаласаи мазкур тариқи камераҳои видеоӣ ва пахши мустақими овозӣ сурат гирифта, роҳбарият ва кормандони тамоми сохторҳои вазорат дар ҷараёни он қарор доштанд. Вазири корҳои дохилӣ дар рафти ҷаласа оид ба татбиқи «Стратегияи муқовимат бо коррупсия дар Ҷумҳурии Тоҷикистон барои солҳои 2013-2020» ҳарф зада, ҷиҳати иҷрои босамари ин барнома ба масъулини ниҳодҳои дахлдори вазорат супоришҳои мушаххас дод. Бо назардошти таъсири манфии коррупсия ба рушди ҷомеа таъкид шудааст, ки бояд дар мубориза алайҳи ин зуҳурот дастаҷамъона иқдом кард.
Нигаронии вазири корҳои дохилӣ аз ҷиноятҳои коррупсионӣ дар байни кормандони мақомоти корҳои дохилӣ дар ҳолест, ки Сулаймон Султонзода, директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, низ аз содиршавии ҷиноятҳои коррупсионӣ аз сӯи кормандони мақомоти ҳифзи ҳуқуқ изҳори таассуф намуд. Номбурда дар суҳбат бо хабирнигорон гуфт, ки “Мутаассифона, баъзе кормандони мақомоти ҳифзи ҳуқуқ, ки худ масъули мубориза бо коррупсия мебошанд, ба содир намудани 145 ҷинояти коррупсионӣ даст задаанд”. Тибқи омори пешниҳодшуда, дар ин миён кормандони мақомоти корҳои дохилӣ низ истисно нестанд.
Фирӯзи РАҲМОНИЁН, “Ҷумҳурият”


Баёни ақида (0)    Санаи нашр: 02.02.2017    №: 26    Мутолиа карданд: 2169

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед