logo

ҳуқуқ

2016 СОЛИ МУБОРИЗАИ БЕАМОН АЛАЙҲИ ЗУҲУРОТИ КОРРУПСИОНӢ БУД

Соли гузашта, новобаста аз таъсири буҳрони молиявии ҷаҳонӣ, дар маҷмӯъ соли пешравиҳои иқтисодӣ, дигаргуниҳои куллӣ дар ҳаёти сиёсиву иҷтимоии мамлакат, муборизаи беамон алайҳи зуҳуроти коррупсионӣ ва дигар амалҳои номатлуб ба ҳисоб меравад. Ин дастовардҳо, пеш аз ҳама, дар натиҷаи сиёсати бунёдкорона ва созандаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва эътимоди комил доштани мардуми шарафманди кишвар ба ин сиёсат ба даст омадаанд.
Сулаймон  Султонзода, директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, ин матлабро зимни  ҷамъбасти натиҷаҳои фаъолияти мақомот дар соли 2016 баён намуд. Ба гуфтаи ӯ, Агентии назорати давлатии молиявӣ ва мубориза бо коррупсия бо амалӣ намудани дастуру ҳидоятҳои раҳнамунсози Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки аз паёмҳояшон ба Маҷлиси Олӣ, суханронӣ дар ҷаласаи васеи Шӯрои амният, вохӯрию мулоқотҳояшон бо аҳли зиё ва дигар қишрҳои ҷомеа бармеоянд, инчунин нақшаи чорабиниҳои агентӣ ва иҷрои талаботи ҷаласаҳои протоколӣ дар соли сипаришуда ба натиҷаҳои назаррас ноил гардидааст.

Санҷишҳои молиявӣ чӣ натиҷа доданд?
Дар ин давра, кормандони агентӣ дар вазорату идора ва ташкилоту муассисаҳо 1190 тафтишу санҷишҳои молиявӣ гузаронда, ба маблағи 385,6 миллион сомонӣ зарари молиявиро ошкор ва аз он 269 миллион сомониро ба давлат барқарор намуданд, ки 70 дарсади зарари ошкоршударо ташкил медиҳад. Аз маблағи умумии барқароршуда ба буҷет 161 миллион сомонӣ ва ба корхонаҳо 108 миллион сомонӣ рост меояд. Инчунин, дар муассиса ва корхонаҳои тафтишгардида ба маблағи 172 миллион сомонӣ истифодаи ғайримақсадноки маблағҳои буҷетӣ ошкор шудааст. Натиҷаи тафтишу санҷишҳои анҷомдодашуда собит сохт, ки камбудию норасоиҳои зиёди молиявӣ, хусусан аз ҳисоби изофанависӣ дар корҳои таъмиру сохтмонӣ 158 миллион сомонӣ, талафи воситаҳои пулию молӣ аз бесарусомонӣ 92 миллион, маблағҳои кам ҳисобишуда ва рӯйпӯшнамудаи андозҳо 68 миллион ва камомаду тасарруфи воситаҳои пулию молӣ 40 миллион сомонӣ ба амал омадааст. Дар давраи ҳисоботӣ кормандони агентӣ дар 42 вазорату кумита ва сохторҳои тобеи онҳо 387 тафтишу санҷишҳои молиявӣ гузаронда, ба маблағи 93 миллион сомонӣ зарари молиявиро ошкор намуданд, ки аз он 49  миллион сомонӣ ё 53 дарсад барқарор шудааст.                           
Тафтиш дар бист марказ ва гурӯҳҳои лоиҳаҳои инвеститсионии аз тарафи созмонҳои байналмилалӣ ва буҷети ҷумҳуриявӣ маблағгузоришаванда нишон дод, ки аз бемасъулиятии мутасаддиёни соҳа   ба давлат зиёда аз 38,4 миллион сомонӣ зарари молиявӣ расонда шудааст, ки маблағи нисбатан зиёди онро изофанависии корҳои сохтмонӣ 37 миллион сомонӣ ва маблағи кам ҳисобгардида ва  рӯйпӯшнамудаи андозҳо 943 ҳазор сомониро ташкил медиҳад. Ҳамзамон, дар 24 шаҳру навоҳӣ тафтиши маҷмӯи ташаккул ва иҷрои буҷетҳои маҳаллӣ анҷом дода шуд, ки дар ҷараёни санҷиши фаъолияти 645 идораву ташкилотҳои буҷетӣ зарари молиявӣ ба маблағи умумии 93 миллион сомонӣ ошкор гашт.
Ҷиҳати бартараф намудани камбудию норасоиҳои муайянгардида ба мақомоти иҷроияи маҳаллии ҳокимияти давлатии дахлдор 24 пешниҳод ирсол ва ба мақомоти ҳифзи ҳуқуқ 637 маводи тафтишӣ, ба маблағи умумии зарари молиявӣ - 241,4 миллион сомонӣ, барои чораҷӯӣ фиристода шудааст.

Ошкорсозии ҷиноятҳои вобаста ба андоз
Кормандони агентӣ бо мақсади иҷрои муқаррароти Протоколи ҷаласаи Комиссияи доимамалкунанда оид ба тақвияти истеҳсолоти воридотивазкунанда ва рушди содирот чорабиниҳои назоратиро мунтазам амалӣ намуда, дар рафти тафтишу санҷишҳои нақшавӣ муайян намуданд, ки 17 ширкати молтаъминкунанда талаботи протоколи мазкурро риоя накарда, ба маблағи 22,8 миллион сомонӣ молу ашёе, ки истеҳсолашон дар дохили кишвар ба роҳ монда шудааст, бо нархҳои гарон аз хориҷи кишвар ворид намудаанд.
Ба ғайр аз зарарҳои ошкорнамудаи самти назорати давлатии молиявӣ, саҳми кормандони Раёсати мубориза бо ҷиноятҳо дар соҳаи андози агентӣ дар ошкор намудани ҷиноятҳои андоз низ назаррас аст. Дар натиҷаи санҷишҳои муштарак бо мутахассисони Кумитаи андози назди Ҳукумати Ҷумҳурии Тоҷикистон дар давраи солҳои 2011-2015 ва 11 моҳи соли 2016, ҷамъ ба маблағи 1 миллиарду 112 миллион сомонӣ пинҳонкунии андозро ошкор намудаанд, ки аз ин 427 миллион сомонӣ ба 11 моҳи соли гузашта рост меояд. Сабаби асосии роҳ додан ба камбудию норасоиҳои зикргардида, пеш аз ҳама, аз назорат дур мондани ин субъектҳо ва маҳдудият дар тафтиши фаъолияти ташкилотҳои қарзӣ (бонкҳо) ва андозсупорандагон мебошад.
Дар давраи ҳисоботӣ аз ҷониби кормандони воҳидҳои ҳифзи ҳуқуқи агентӣ 1833 ҷинояти коррупсионӣ, иқтисодии хусусияти коррупсионидошта ва ҷиноятҳои ба андоз алоқаманд ошкор шудааст, ки 594 адади онро ҷиноятҳои вазнин ташкил медиҳанд. Аз ин шумора 437 адади онро ҷиноятҳои дуздӣ бо роҳи азонихудкунӣ ва исрофкорӣ ташкил медиҳад. Инчунин, 553 ҷинояти қаллобӣ, 31 адад саркашӣ аз пардохти андозҳо, 87 ҷинояти вобаста ба порахӯрӣ, ришвадиҳии тиҷоратӣ ва гирифтани мукофот бо роҳи тамаъҷӯӣ ошкор шудааст. Маблағи умумии зарари аз ин ҷиноятҳо расида 187,2 миллион сомониро ташкил дода, аз он 96,1 миллион сомонӣ барқарор ва барои рӯёндани маблағи боқимонда чораҳои зарурӣ андешида шуда истодааст.
Додоҷон РӮЗИЕВ, “Ҷумҳурият”


Баёни ақида (0)    Санаи нашр: 02.02.2017    №: 26    Мутолиа карданд: 2408

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед