logo

иҷтимоиёт

ВМКБ. ОҚИБАТҲОИ ОФАТИ ТАБИАТ БАРТАРАФ МЕШАВАНД

Боришоти зиёди барф  рӯзҳои 28 - 29  январ  дар минтақаҳои гуногуни Вилояти  Мухтори  Кӯҳистони  Бадахшон  вазъи фавқулодаро ба миён овард. Баландии барф дар баъзе деҳаҳои  ноҳияҳои Рӯшон, Шуғнон, Ишкошим, Роштқалъа  ва  Ванҷ беш   аз як метрро ташкил медиҳад. Тибқи маълумоти мақомоти обуҳавосанҷӣ  тайи  40 соли охир дар қаламрави вилоят чунин бориши барф ба мушоҳида нарасида буд.

Дар роҳҳои мошингарди Душанбе – Хоруғ – Мурғоб, Хоруғ – Ишкошим, Хоруғ – Роштқалъа  бештар аз 100 тарма фуромада, ҳаракати  нақлиётро  банд  кард. Барои рафъи ин мушкилот ва таъмини муназзами фаъолияти тамоми соҳаҳои хоҷагӣ дар назди мақомоти иҷроияи ҳокимияти давлатии вилоят  таъҷилан ситоди доимоамалкунанда таъсис ёфта, ба он роҳбарони тамоми сохторҳои марбутаи вилоятӣ шомил гардиданд.
Дар ҷаласаи ситод, ки таҳти раёсати раиси ВМКБ Шодихон Ҷамшед доир гашт, роҳбарони гурӯҳҳои корӣ аз корҳои анҷомдода ҳисобот доданд. Мувофиқи маълумоти муовини аввали раиси вилоят Нуралӣ Риоев ва муовини раиси вилоят Тоҷиддин Назришоев, бо заҳмати шабонарӯзии роҳсозон 30  январ ҳаракати  мошинҳои сабукрав   дар шоҳроҳи Душанбе – Кулма (минтақаҳои Рӯшон - Хоруғ ва Хоруғ – Мурғоб) барқарор карда шуд.
Шодихон Ҷамшед зимни баррасии масъала изҳор намуд, ки тибқи дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ  Раҳмон ин марҳилаи ниҳоят вазнин паси сар шуд. Роҳҳо  дар  баъзе  минтақаҳо  кушода  шуда, низоми кор дар тамоми соҳаҳо таъмин гашт, аммо корҳои  зиёд ҳанӯз дар  пешанд. Дар  баробари  ин,   Шодихон Ҷамшед ба намояндаи Агентии захираҳои моддии давлатӣ дар вилоят супориш дод, ки барои таъмини техникаҳои роҳсозӣ бо сӯзишворӣ  тадбирҳои зарурӣ андешанд. Зеро,  тавре  мушоҳида  мегардад, сӯзишвории  дизелии  механизмҳои  роҳсозӣ   дар  баъзе  минтақаҳо  аз сардӣ  ях  карда, боиси  кашол  ёфтани  корҳо  мегардад.
Дар ҷаласа гузориши роҳбарони идораву муассисаҳои вилоятӣ, аз ҷумла раёсатҳои маориф, тандурустӣ, идораи хоҷагии манзилию коммуналӣ, ҷамъияти матлубот, шуъбаи Хадамоти зиддиинҳисории назди Ҳукумати ҷумҳурӣ дар вилоят, шунида шуд. Мувофиқи иттилои сардори раёсати тандурустии вилоят Насрингул Некӯшоева муассисаҳои табобатии вилоят тибқи реҷаи муқаррарӣ фаъолият доранд.
Инчунин, кайд гардид, ки боришоти  зиёди  барф фаъолияти  мактабҳои баъзе  деҳотро  зери  хатар  мегузорад. Бинобар  ин,   супориш дода шуд, ки дар мувофиқа бо Вазорати маориф ва илми ҷумҳурӣ  дар деҳоте, ки хатари тармафуроӣ вуҷуд дорад, муҳлати оғози таҳсил  тамдид карда  шавад.
Раҳмони ГУЛЗОР, “Ҷумҳурият”


Баёни ақида (0)    Санаи нашр: 03.02.2017    №: 27    Мутолиа карданд: 2097

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед