logo

иқтисод

МАҲСУЛОТИ ТОҶИКИСТОН ДАР НАМОИШГОҲИ ИСТАНБУЛ

Дар намоишгоҳи байналмилалии нахи пахта, ришта, маҳсулот ва таҷҳизоти нассоҷӣ, ки 2 феврал дар шаҳри Истанбули Ҷумҳурии Туркия ифтитоҳ ёфт, корхонаҳои нассоҷии «Ваҳдат текстил», «Ноҳид», «Олим текстайл», «Ресандаи Тоҷикистон», «ХИМА текстил» ва «Файзи истиқлол 2011» - и  Тоҷикистон маҳсулоташонро ба маъраз гузоштанд. Ҳадаф аз намоиш дарёфти шарикони тиҷоратӣ, омӯзиши  таҷрибаи ҳамтоён, шиносоӣ бо таҷҳизот ва технологияҳои пешрафтаи нассоҷию дӯзандагӣ ва бастани шартномаҳои  тиҷоратии судманд арзёбӣ мешавад. Дар намоишгоҳи байналмилалии Истанбул, ки 3 рӯз идома меёбад, корхонаю ширкатҳои беш аз  80 кишвар ришта, нахи пахта, техникаю технологияи муосир ва маҳсулоти нассоҷию дӯзандагиро ба намоиш гузоштаанд. Сафари намояндагони корхонаҳои нассоҷии Тоҷикистон ба Истанбул - маркази сайёҳӣ ва саноати нассоҷии Осиёю Аврупо бо мусоидати Барномаи Маркази байналмилалии тиҷорат оид ба беҳсозии рақобатпазирии маҳсулоти содиротии муассисаҳои хурд ва миёна ва баланд бардоштани иқтидори тиҷоратӣ дар Ҷумҳурии Тоҷикистон, ки аз ҷониби Котиботи давлатӣ оид ба масъалаҳои иқтисодии Швейтсария маблағгузорӣ мешавад, ҷараён гирифт.
- Ширкат дар намоишгоҳҳои  байналмилалӣ имкон фароҳам  меорад, ки корхонаҳои нассоҷию дӯзандагии Тоҷикистон ҳамеша аз  дастовардҳо ва технологияҳои  насли нав огоҳ бошанд, то ба рақобати шадиди бозори  ҷаҳонӣ тоб оварда тавонанд. Ҳамчунин, воситаи хубанд барои омӯзиши амиқи соҳа, дарёфти шарикони корӣ, обрӯи байналмилалӣ ва ба фурӯш баровардани  маҳсулот, – гуфт Саймуъмин Камолов,  масъули дафтари Маркази байналмилалии  тиҷорат дар Тоҷикистон, ба хабарнигори «Ҷумҳурият».
Ба андешаи ӯ, пахтаи кишвари мо ва  наху риштаи аз он ҳосилшаванда имкон медиҳанд, ки  корхонаҳои нассоҷӣ маҳсулоти баландсифат истеҳсол намоянд. Фақат технологияи муосир  ва ноил шудан ба нуфузи байналмилалии мол (бренд) зарур аст, ки он бо роҳи  ширкат дар намоишгоҳҳои сатҳи ҷаҳонӣ ба даст меояд. Маъруфтарини онҳо  намоишгоҳҳои байналмилалии Текстиллегпроми шаҳри Москваи Русия (дар он маъмулан беш аз 2000 корхонаҳои нассоҷӣ ва истеҳсоли  дастгоҳҳои нассоҷӣ ширкат меварзанд) ва шаҳри Истанбули Туркия мебошанд.
Туркия яке аз шарикони муҳими тиҷоратии Тоҷикистон аст. Тибқи маълумоти Агентии  омори назди Президенти ҷумҳурӣ, 22,3  дарсади ҳаҷми умумии маҳсулоти  содиротии Тоҷикистон (асосан нахи пахта ва металлҳои ранга) ба Туркия рост меояд.
С. АЗИЗӢ, «Ҷумҳурият»


Баёни ақида (0)    Санаи нашр: 03.02.2017    №: 27    Мутолиа карданд: 2204

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд

Тоҷикистон. Барои табобати Осия Зулфонова аз Олмон табиб оварданд

То соли 2020 маҳсулоти муштараки ширии Тоҷикистону Беларус ба бозор мебарояд


Дар сомонаҳои дигари Тоҷикистон хонед