logo

фарҳанг

2020 - 700 - СОЛАГИИ КАМОЛИ ХУҶАНДӢ

Қадршиносии фарзандони фарзонаи миллат дар саргаҳи сиёсати фарҳангофари Пешвои миллат муҳтарам Эмомалӣ Раҳмон қарор дорад. Аз ҷониби эшон пешниҳод гардид, ки соли 2020 дар сатҳи ҷаҳонӣ аз 700 - солагии Камоли Хуҷандӣ таҷлил ба амал оварда шавад. Сарвари давлат дастур доданд, ки оид ба пешниҳоди санадҳои зарурӣ ба Кумитаи оид ба илм, маориф ва фарҳанги Созмони Милали Муттаҳид – ЮНЕСКО тадбирҳои зарурӣ андешида шавад.
- Мақомоти иҷроияи ҳокимияти давлатии вилояти Суғд ҷиҳати таъмини иҷрои дастури Сарвари давлат корҳои муҳимро ба нақша гирифтааст, ки марҳила ба марҳила амалӣ карда мешаванд. Яке аз чунин иқдомҳои созанда ба фаъолият шурӯъ кардани Маркази илмии Камоли Хуҷандӣ мебошад, - иттилоъ дод Баҳром Раҳматов, муовини директори марказ.
Ба гуфтаи ӯ, ҳадаф ва самтҳои асосии фаъолияти Маркази илмии Камоли Хуҷандӣ анҷом додани таҳқиқоти бунёдӣ оид ба масоили мубрами адабиёт, таърихи халқи тоҷик, ҳаёт ва эҷодиёти Хоҷа Камоли Хуҷандӣ, ҳамзамонони шоир ва бузургони илму адаби даврони ӯ, омода намудани асарҳои бунёдӣ ба муносибати 700 - солагии шоир, иштирок дар коркарди муҳимтарин масъалаҳои пешрафт ва такмилу тавсеаи илми адабиётшиносӣ ва таърихнигорӣ дар Тоҷикистон, татбиқи робитаи қавии таҳқиқотӣ бо раванди ҳаёти сиёсиву иҷтимоӣ мебошад.
Пас аз дидани марказ, ки дар Боғи фарҳангӣ - фароғатии ба номи Камоли Хуҷандӣ ҷойгир аст, бовар ҳосил кардем, ки ин боргоҳи маърифат ҷиҳати тайёр кардани кадрҳои илмӣ, аз ҷумла муҳаққиқони соҳаҳои адабиётшиносӣ, таърихнигорӣ ва ҷомеашиносӣ низ ҳиммат гумоштааст. Аксари кормандонро ҷавонон ташкил дода, бештарашон аз забонҳои англисӣ, русӣ, арабӣ ва туркӣ бархӯрдоранд ва дар таҳияву баргардони матнҳои қадимӣ таҷрибаву малакаи кофӣ доранд.
Марказ моҳи октябри соли сипаришуда конференсияи байналмилалии «Камоли Хуҷандӣ: ташаккули адабиётшиносӣ ва равобити адабӣ» - ро бо иштироки муҳаққиқони кишвар ва 18 донишманди номвари хориҷӣ аз Олмон, Туркия, ИМА, Ҳиндустон, Покистон, Миср, Эрону Афғонистон ва Ӯзбекистон баргузор намуд. Меҳмонони хориҷӣ аз хона -музейи тозабунёди Камоли Хуҷандӣ ва хокҷои он дидан намуданд.
- Ба мо маълум аст, ки бо амри тақдир Камоли Хуҷандӣ дар Табрез аз олам гузашт ва он ҷо ба хок супурда шуд. Зиёрати оромгоҳи ӯ барои аксари ҳамватанонаш муяссар намешуд. Аз ин сабаб, муште аз хоки Камол ба Хуҷанд оварда шуд. Ин иқдоми нек намоёнгари бозгашти маънавии ӯ ба Ватани хеш мебошад. Барои ин хок оромгоҳи намодин ба сурати хеле муҳташам бино ёфт ва он дар Наврӯзи байналмилалии соли 2015 аз ҷониби Сарвари кишвар муҳтарам Эмомалӣ Раҳмон гузошта шуд, - афзуд Баҳром Раҳматов.
Воқеан ҳам, оромгоҳи шоир зиёратгоҳи аҳли дилу назар аст. Дар паҳлуи он пайкараи барқади Хоҷа Камол, ки баёнгари симои ҷавонӣ ва давраи зиндагии ӯ дар зодгоҳаш аст, қомат афрохтааст. Хонаи шоир дар зодгоҳаш холӣ буд. Имрӯз хонаи ин шоиру орифи номвар бо услуби меъмории қадимаи тоҷикон - бо ҳавлии дарун ва берун, чорбоғ ва сарҳавз хеле устодона эҳё гардида, ба диданитарин гӯшаи меҳмонон ва сайёҳон табдил ёфтааст.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 06.02.2017    №: 28    Мутолиа карданд: 2298

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд

Тоҷикистон. Барои табобати Осия Зулфонова аз Олмон табиб оварданд

То соли 2020 маҳсулоти муштараки ширии Тоҷикистону Беларус ба бозор мебарояд


Дар сомонаҳои дигари Тоҷикистон хонед