logo

порлумон

ҚОНУНИ НАВ ДУРНАМОИ РУШДИ СОҲАИ САНОАТРО ТАЪМИН ХОҲАД КАРД

Вакилони Маҷлиси намояндагони Маҷлиси Олии Ҷумҳурии Тоҷикистон дар ҷаласаи охири худ лоиҳаи Қонуни Ҷумҳурии Тоҷикистон «Дар бораи сиёсати давлатӣ дар соҳаи саноат» - ро баррасӣ ва қабул намуданд, ки аввалин қонуни мукаммал дар соҳаи саноат мебошад.
- Мақсад аз пешниҳоди лоиҳаи Қонуни Ҷумҳурии Тоҷикистон «Дар бораи сиёсати давлатӣ дар соҳаи саноат», пеш аз ҳама, аз лиҳози ҳуқуқӣ танзим намудани муносибатҳои ҷамъиятӣ вобаста ба ташаккул ва амалисозии сиёсати давлатӣ дар соҳаи саноат, рушди босуботи инноватсионии он, афзунгардонӣ ва таъмини рақобатпазирии иқтисодиёти миллӣ мебошад, - иброз дошт Дилрабо Мансурӣ, узви Кумитаи Маҷлиси намояндагони Маҷлиси Олӣ оид ба энергетика, саноат, сохтмон ва коммуникатсия. Бино ба гуфтаи ӯ, ҷавҳари қонун муқаррар намудани шаклҳои дастгирии молиявии субъектҳои фаъолият дар соҳаи саноат ба ҳисоб меравад, ки он аз маблағгузорӣ дар шакли грантҳо, ёрии молиявӣ барои таъсис, рушди истеҳсолоти саноатӣ ва инфрасохтори он, ҷорӣ намудану азхудкунии техникаҳои инноватсионӣ, пешниҳоди қарзҳо, мусоидат барои татбиқи лоиҳаҳои сармоягузорӣ иборат мебошад.
Зимни шарҳи лоиҳаи қонун иттилоъ дода шуд, ки дар моддаҳои 13 - 16 механизмҳои алоҳидаи дастгирии фаъолият дар соҳаи саноат пешбинӣ гардидааст. Чунончи, тибқи талаботи моддаи 15 - и қонун ҳангоми хариди давлатии мол, кор ва хизматрасонӣ барои эҳтиёҷоти давлатӣ афзалият ба маҳсулоти ватанӣ, маҳсулотсупорандагон ва пудратчиён дода мешавад, ки ин иқдоми саривақтист. Дар моддаи 16 мусоидат ба тайёр кардани кадрҳои баландихтисос ва ҳамкории бевоситаи муассисаҳои таълимӣ бо корхонаҳои саноатӣ, аз ҷумла гузарондани таҷрибаомӯзии  истеҳсолии донишҷӯён пешбинӣ  шудааст. Навоварии дигари лоиҳаи қонун  ин таъсиси мақоми маслиҳатию машваратӣ, яъне Шӯрои миллӣ оид ба рушди саноат дар назди Ҳукумати Ҷумҳурии Тоҷикистон мебошад. Ҳамчунин, бо мақсади дастгирии субъектҳои фаъолият дар соҳаи саноат, минбаъд ташкили Фонди рушди саноати Ҷумҳурии Тоҷикистон дар назар аст, ки он аз ҷониби Ҳукумати мамлакат таъсис ва низомномааш тасдиқ карда мешавад.
Шукурҷон Зуҳуров, Раиси Маҷлиси намояндагон, зимни таҳлили фаъолияти Вазорати саноат ва технологияҳои нави Тоҷикистон  аз теъдоди ками корхонаҳои саноатии хурду миёна нигаронӣ карда, изҳор дошт, ки маҳсулоти ватанӣ рақобатпазир нест, то онро ба хориҷи мамлакат содир намоянд. Корхонаҳоро дар он минтақаҳое сохтан лозим аст, ки дар он ҷо ашёи хом мавҷуд бошад. Вазорат бояд ба соҳибкорон мусоидат намуда, воридоти  технологияҳои навро таҳти назорат гирад.
Мунаввари САФАР, «Ҷумҳурият»


Баёни ақида (0)    Санаи нашр: 07.02.2017    №: 29    Мутолиа карданд: 4382

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед