logo

туризм

ДУШАНБЕ ШАҲРИ САЙРУ САЁҲАТ

Душанбеи муосир бо биноҳои хуштарҳу баландошёна марказҳои савдо, хизматрасонӣ, фароғатию варзишӣ ва корхонаю иншооти бешумор маркази бузурги фарҳангӣ, иқтисодӣ, сиёсӣ ва саноатии Тоҷикистони азизи мост.
Душанбе барои рушди туризм дар Тоҷикистон нақши ҳалкунанда ва муассир дорад. Меҳмоннавозии суннатии халқи тоҷик ва махсусан амнияту осоиштагии шаҳри Душанбе, ба раванди инкишофи соҳаи туризм дар кишварамон, воқеан мусоидат намудааст.
Фурудгоҳи байналмилалии Душанбе ва вокзали Роҳи оҳан ҳамарӯза фаъолият дошта, имрӯзҳо ба садҳо сайёҳону меҳмонони ба шаҳр воридшаванда хизмат мерасонанд. 3 сентябри соли 2014 терминали нави Фурудгоҳи байналмилалии Душанбе ба истифода дода шуд. Терминали нав тибқи меъёрҳои ҷаҳонӣ бунёд гардида, бо саҳми муштараки давлатҳои Фаронса ва Тоҷикистон эъмор шудааст ва дар як соат метавонад ба 500 нафар мусофир хизмат расонад. Он аз лиҳози ҳандасаву меъморӣ хуштарҳ буда, намудҳои хизматрасонӣ дар самти бақайдгирии мусофирон ва ҳамлу нақли борҳо бо усулҳои муосир ба роҳ монда шудаанд. Дар баробари ин, иншооти мазкур бо таҷҳизоти пешрафтатарини тафтишу муоина, дастрас намудани бору амвол ва низоми сабти таъҷилӣ ҷиҳозонда шуда, метавонад дар як вақт ба чаҳор ҳавопаймо хизмат расонад. Толорҳо бо шабакаи интернет пайваст буда, ба мусофирону меҳмонони пойтахт хизматрасонии иттилоотӣ дар сатҳи баланд муҳайё мебошад. Шароити терминал имкон медиҳад, ки дар як сол ба як миллиону 200 ҳазор нафар мусофирон дар сатҳи меъёрҳои ҷаҳонӣ хизмат расонда шавад.
Тибқи иттилои раёсати ҷавонон, варзиш ва сайёҳии шаҳри Душанбе, соли 2016 ба пойтахт 1868 сайёҳ тавассути ширкатҳои сайёҳӣ ворид шудааст (соли 2015 – 1652 нафар). Барои фароғати сайёҳону меҳмонон дар пойтахт 61 ширкати сайёҳӣ, 40 меҳмонхона, марказҳои муосири хизматрасонию маишӣ, 66 тарабхона, 69 маркази савдо хизмат мерасонанд. Инчунин, дар пойтахт 26 бозор барои қонеъ гардондани талаботи сокинон ва сайёҳон фаъолият дорад, ки дар онҳо ҳамеша меваҳои лазиз ва сабзавоти тару тозаи Тоҷикистони офтобрӯяро фаровон дастрас намудан мумкин аст.
Душанбе шаҳри ҷавону дорои таърихи куҳан ва ғаниву рангин буда, дар  ҳудуди он ёдгориҳои меъмориву таърихӣ ва ҳайкалу муҷассамаҳо зиёданд. Сайёҳон зимни боздид аз осорхонаҳои шаҳр, аз қабили Осорхонаи миллӣ, Осорхонаи миллии бостонии Тоҷикистон, осорхонаҳои устодон Айнӣ, Лоҳутӣ, Муҳаммадҷон Раҳимӣ, Мирзо Турсунзода ва Осорхонаи асбобҳои мусиқии Гурминҷ Завқибеков бо таърихи пурғановат ва зиндагиномаи рангини мардуми тоҷик шинос мешаванд.
Душанберо шаҳри сарсабз мехонанд, зеро дар он  боғҳои фароғатӣ бо тарҳҳои замонавӣ бунёд шудаанд. Боғи «Ирам»-и шаҳр бо зебоӣ ва намунаҳои беҳтарину нодиртарини рустаниҳо ва намои миллӣ яке аз иншооти асосии сайёҳии шаҳр ба ҳисоб меравад. Ғайр аз ин, боғҳо ва гулгаштҳои ба номи устод Рӯдакӣ, «Пойтахт», Садриддин Айнӣ, «Дӯстии халқҳо», «Ғалаба» барои сайру истироҳати сокинону меҳмонони шаҳр хеле мувофиқанд. Намои меъмории Душанбе пайваста мавриди таҷдид буда, барои сармоягузории ширкатҳои ватанию хориҷӣ имкониятҳои васеъ фароҳам оварда шудаанд. Дар робита ба ин, ҳунарҳои дастӣ, аз қабили кандакорӣ дар чӯб, заргариву мисгарӣ, коркарди сангҳои қимматбаҳо, зиннатбахшии маводи гуногун бахши муҳими истеҳсолоти пойтахт ва муаррификунандаи санъати миллии ҳунари тоҷикон мебошанд. Аз ин рӯ, имрӯз дар шаҳри Душанбе мағозаҳои махсуси армуғонфурӯшӣ барои меҳмонону сайёҳони хориҷӣ фаъолият дошта, дар қонеъгардонии талаботи сайёҳон мусоидат менамоянд.
Ш. ҚУРБОН, “Ҷумҳурият»


Баёни ақида (0)    Санаи нашр: 07.02.2017    №: 29    Мутолиа карданд: 4594
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед