logo

сиёсат

ТОҶИКИСТОНУ РОССИЯ ДАР МАСИРИ ТАҚВИЯТИ ҲАМКОРИҲО

Робитаҳои тиҷоратию иқтисодии мардуми ду кишвар решаҳои хеле қадимӣ доранд. Дар марҳилаи кунунӣ ин робитаҳо дар асоси меъёрҳои байналмилалӣ ва манфиатҳои судманди  мутақобила роҳандозӣ гардида, қабл аз ҳама аз дӯстӣ ва муносибатҳои  наздику эътимодбахши  сарони ду  давлат маншаъ мегиранд ва ҳамгироиҳо бо рушд ёфтани истеҳсолот, тиҷорат, соҳибкорӣ мувофиқ ба тақозои ҷаҳонишавӣ ва интегратсияи минтақавӣ барои вусъату суботи ҳамкориҳои нави гуногунҷониба роҳ мекушоянд, зичтару мустаҳкамтар  мешаванд.
Масоили тақвияти ҳамкориҳои судманди дуҷониба дар бахшҳои иқтисоду савдо, энергетика, нақлиёт, бонкдорӣ, гумрук, бунёди инфрасохтори логистикию сайёҳӣ, фарҳангу маориф, тандурустӣ, варзиш, фаъолгардонии робитаҳои мустақим байни минтақаҳо, доираҳои соҳибкорӣ ва соҳибкорони алоҳида, ҷустуҷӯю дарёфти роҳҳои ҳалли мушкилоте, ки  барои рушди минбаъдаи робитаҳо монеа эҷод менамоянд, аз ҷумла дар бахшҳои алоқаи ҳавоӣ, масъалаҳои норавшани ветеринарӣ, санитарию фитосанитарӣ ва расмиёти аснодӣ ҳангоми интиқоли мол, дар ҷаласаи 14 – уми Комиссияи байниҳукуматии Ҷумҳурии Тоҷикистон ва Федератсияи Россия, ки чанд рӯз пеш таҳти раёсати ҳамраисони комиссия - Қоҳир Расулзода, Сарвазири Тоҷикистон ва Игор Шувалов, муовини аввали Сарвазири Россия, дар Душанбе баргузор гардид, дар меҳвари таваҷҷуҳ ва баррасӣ қарор гирифтанд. Игор Шувалов зимни нишасти матбуотӣ,  аз натиҷаҳои кори комиссия изҳори қаноатмандӣ намуд ва ҳавасмандии кишварашро ба тақвияти ҳамкориҳои дуҷониба, хусусан хариди маҳсулоти кишоварзии Тоҷикистон, роҳандозии хатсайрҳои нави ҳавоӣ, баррасии масъалаҳои беҳтар намудани вазъи муҳоҷирони меҳнатӣ ва тақвияти шарокати  стратегӣ баён дошт.
Яке аз мушкилоте, ки тавассути гуфтугузори дуҷониба ҳалли мусбати худро ёфт, роҳандозии алоқаи ҳавоӣ аз фурудгоҳи Жуковскийи Москва ба Тоҷикистон буд. Ҷонибҳо ҷиҳати парвози ҳавопаймоҳои ширкатҳои ҳавоии «Уралские авиалинии» - и Россия ва «Тоҷик Эйр» - и Тоҷикистон аз ин фурудгоҳ ба манфиати  баробари тарафайн ба мувофиқа расиданд. Бо расидани фасли баҳор шумораи парвозҳо аз ин фурудгоҳ зиёдтар мешавад. Ширкати ҳавоии «Ямал» - и Россия аз охири баҳор ба сайрхати ҳавоии Тоҷикистон бо назардошти талабот парвозҳо анҷом медиҳад. Ҳавопаймоҳои «Тоҷик Эйр», ки айни замон ҳафтае ҳафт бор ба фурудгоҳи байналмилалии «Домодедово» - и Москва парвоз мекунанд, ҳамчунин, минбаъд ҳафтае  ду маротиба ба фурудгоҳи Жуковский мусофир мекашонанд. Ширкати «Сомон Эйр» аз 3 феврал мусофиркашониро ба шаҳрҳои Красноярск, Краснодар, Уфа ва Оренбург идома медиҳад.
Айни ҳол Тоҷикистон на танҳо бо Федератсияи Россия дар умум, балки бо минтақаҳои калони саноатии зиёд, назири Москва, Санкт – Петербург, Екатеринбург, Красноярск, Новосибирск, Волгоград, Саратов, Краснодар, Перм, Пенза, Челябинск, Омск, Томск, Олтой, ҷумҳуриҳои Тотористон, Бошқирдистон ва шаҳру вилоятҳои дигари ин мамлакат робитаҳои мустақими ҳамкорӣ барқарор намудааст.
Бо анҷоми сафари қарибулвуқуи Президенти Федератсияи Россия Владимир Путин ба Душанбе, чунонки муовини аввали Сарвазири Россия дар ин бора иброз дошт,  ҳамкориҳои мустақими шаҳру вилоятҳои Тоҷикистон, хусусан Суғду Хатлон, минтақаҳои озоди иқтисодии «Данғара», «Суғд», «Панҷ» бо шаҳру минтақаҳои ин кишвар ба марҳилаи нави рушд ворид мешаванд. Ёдрас месозем, ки Владимир Путин бори охир моҳи сентябри соли 2015 ба Тоҷикистон ташриф оварда буд.
Санад оид ба барқарор кардани муносибатҳои дипломатӣ байни ду кишвари соҳибистиқлол соли 1992 ба имзо расид. Тоҷикистон ва Россия шарикони баробарҳуқуқ дар Иттиҳоди  Давлатҳои Мустақил, Созмони ҳамкории Шанхай, Созмони Аҳдномаи амнияти дастаҷамъӣ ва созмонҳои  дигари ҷаҳонию минтақавианд.   
Тайи беш аз 25 соли истиқлолият байни Ҷумҳурии Тоҷикистон ва Федератсияи Россия, хусусан барои густариши робитаҳои иқтисодию тиҷоратӣ, пойгоҳи мустаҳками ҳуқуқӣ бунёд ва такомул ёфт. Ҳоло Тоҷикистону Россияро ҳамкориҳои иқтисодию иҷтимоӣ, мудофиавӣ, амниятӣ, марзию техникӣ, робитаҳои мустақими ниҳодҳои соҳавӣ,  манфиатҳои зиёди муштарак дар муборизаи дастаҷамъона муқобили терроризм, экстремизм ва таҳдидҳои дигари ҷаҳони муосир, ва садҳо риштаҳои дигар ба ҳам мепайванданд.
С. АЗИЗӢ, «Ҷумҳурият»


Баёни ақида (0)    Санаи нашр: 08.02.2017    №: 30    Мутолиа карданд: 2310
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед