logo

иқтисод

ЧАРО ИБРАТ НАГИРЕМ? ДАР БОРАИ СОҲАИ КИШОВАРЗИИ ШАҲРИ ТУРСУНЗОДА

Бино ба иттилои Ҳомидҷон Амирзода, сардори раёсати кишоварзии шаҳри Турсунзода, соли гузашта кишоварзон ҳосили фаровони сабзавоту полизӣ, картошка, меваю ангур ба даст оварданд, аз ҷумла  38980 тонна ғалла ҷамъоварӣ намуданд, ки нисбат ба соли пешӣ 1953 тонна зиёд аст.

Шаҳр дар рушди соҳаи боғу токпарварӣ ва истеҳсоли меваю ангур  дар Тоҷикистон ва берун аз он овозадор буда, сол ба сол ба натиҷаҳои беҳтар ноил мегардад. Соли 2016 дар майдони 111,9 гектар боғҳои содиротӣ бунёд ёфтанд, ки аз он 3 гектарро боғи интенсивӣ ташкил медиҳад.
Қобили зикр аст, ки боғу токпарварони хоҷагиҳои “Боғи Сомон” ва «Ҳоҷӣ Неъмат» воқеан, дар бобати парвариши ангур таҷрибаи ғанӣ пайдо кардаанд. Дар боғҳои бунёдкардаи онҳо “Ҳусайнии сиёҳ”, “Ҳусайнии сафед”, “Қарагузал”, “Кишмиши сиёҳ”, “Кишмиши сафед”, “Шоҳона”, “Ғалаба” ва навъҳои дигари хушлаззату бозоргири ангур парвариш мешаванд, ки дар дохил ва хориҷи кишвар харидорони зиёд доранд. Меваҳои шаҳдбор  солҳост, ки боғбононро  шуҳратёр гардондаанд.
Деҳқони асил Неъмат Усмонов соли гузашта аз ҷониби Донишгоҳи аграрии Ҷумҳурии Тоҷикистон ба номи Шириншоҳ Шоҳтемур унвони Профессори ифтихории донишгоҳро сазовор гардид.  Ҳамчунин, дар назди хоҷагии “Ватан” – и шаҳр кафедраи боғу токпарварӣ таъсис ёфт, ки роҳбарии онро низ ҳайати омӯзгорон ва профессорони донишгоҳ ба зиммаи Неъмат Усмонов вогузор намуданд. Айни ҳол дар кафедраи мазкур донишҷӯён аз мактаби деҳқонони асилу пуртаҷриба баҳравар гашта, нозукиҳои боғпарвариро меомӯзанд.
Кишоварзон ва сокинон дар боғ, шафати роҳу хиёбон ва мавзеъҳои дигари қаламрави шаҳр то имрӯз 53973 бех ниҳол, аз ҷумла  25520 бех ниҳоли дарахти мевадиҳанда ва 27533 бех ороишию сояафкан, шинонда, ҳолати сабзиши онҳоро таҳти назорат қарор додаанд.
Шаҳри Турсунзода мактаби таҷрибаи пешқадами кишоварзони ҷумҳурист. Давоми соли гузашта дар ҳудуди шаҳр чорабиниҳои зиёди ҷумҳуриявӣ баргузор гардиданд. Аз ҷумла бо иштироки олимони Академияи илмҳои кишоварзӣ,  Донишгоҳи аграрии ҷумҳурӣ ва кишварҳои дигар, роҳбарон ва мутахассисони шаҳру навоҳии кишвар конфронсу семинарҳои илмию амалӣ доир шуда, дар онҳо мавзӯъҳои муҳиму ҳалталаби соҳа мавриди баррасӣ қарор гирифтанд. 
Матлубаи АБДУҚАҲҲОР,  «Ҷумҳурият»


Баёни ақида (0)    Санаи нашр: 09.02.2017    №: 31    Мутолиа карданд: 2116

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед