logo

фарҳанг

РӮЗГОРЕ БАРОИ ИБРАТ. БАРДОШТЕ АЗ ЗИНДАГИНОМАИ ХОЛМУРОД ШАРИФОВ

Сиришти Холмурод Шарифов бо хоки поки Тоҷикистон  решапайванд аст. Ӯ дар майдонҳои бекарони  водии зархези Вахш дарси меҳнат омӯхта, аз талабаи фаъоли мактаб то ҳисобдори хоҷагии деҳқонӣ ва сипас, то мақоми корманди иттиҳодияи ҷавонон ё комсомолии вақт расидааст.

Роҳбарияти онвақтаи кишвар маърифати баланд ва маҳорати роҳбарии  ӯро дарк намуда, Холмурод Шарифовро ба шаҳри Душанбе даъват намуд, то хидмати давлату миллатро дар сатҳи боз ҳам баландтар ба ҷой оварад. Дар пойтахт ӯ солҳои дароз ҳамчун муовини аввали вазири фарҳанг, мудири шуъбаи фарҳанги Кумитаи марказии Ҳизби коммунисти Тоҷикистон ва вазири матбуот ва ахбори кишвар фаъолият намуд.
Тамоми Тоҷикистон Ватани ӯ ва тамоми тоҷикистониён ҳамватанони ӯст. Ин буд, ки дар замони вазирии ӯ вазорати матбуоту ахбор ба як ниҳоди қавӣ  табдил ёфт, ба идорае, ки он ҷо меъёри муносибат ба инсон фақат касбият ва истеъдод буд. Барои маълумоти насли имрӯз ёдовар шудан ҷоиз аст, ки дар он замон вазорати матбуоту ахбор як муассисаи бисёр калидӣ ба ҳисоб мерафт. Зеро он вақт чопи адабиёти бадеӣ, сиёсӣ, илмию методӣ, техникӣ, бачагона ва нашри матбуоти даврӣ дар ихтиёри ин вазорат буданд. Бо тавсияи Холмурод Шарифов осори илмию адабии намояндагони ҳар гӯшаи Тоҷикистон ба чоп расида, дар кишвар як ҳаракати умумимиллии адабӣ ва эҷодӣ оғоз гашт.
Устод бо талошҳои пайваста бо вазорату идораҳои давлатӣ ва мақомоти ҳокимияти маҳаллӣ шабакаи васеи тақсиму дастрасии китобро ба вуҷуд овард. Ҳамон солҳо ҳар як вазорату идора, ташкилоту минтақа соҳиби китобхонаи худ шуда, рафи ҳар хонаи тоҷик пур аз китоб гашт.
Маҳз дар замони фаъолияти Х. Шарифов дар маҳаллаи «Гардиши фурудгоҳ» чор бинои нави нуҳошёна сохта шуда, оилаҳои шахсони фарҳангиву эҷодӣ соҳиби хона гаштанд. Дар шаҳри Душанбе Хонаи матбуот таъсис ёфта, чопхонаи нави муҷаҳҳаз бо мошинаҳои чопии истеҳсоли Олмон ва Ҳиндустон ба фаъолият пардохтанд.
Бо мақсади боз ҳам болотар бурдани фарҳангу маърифати аҳолӣ Холмурод Шарифов талош кард, ки осори беҳтарини адабиёти ҷаҳониро ба забонҳои тоҷикӣ ва русӣ таҳия намуда, хонандагони тоҷикро бо онҳо ошно намоянд. Дар доираи ин нақша садҳо номгӯй аз дурдонаҳои назму насри ҷаҳонӣ ба нашр расиданд.
Самти дигари фаъолияти вазорат дар ин давра муаррифии адабиёти классикӣ ва муосири тоҷик ба халқҳои Иттиҳоди Шӯравӣ ва ба ҷаҳониён буд. Беҳтарин осори адабиёти мо ба забонҳои русӣ, англисӣ, арабӣ, олмонӣ ва фаронсавӣ тарҷума шуда, дар Москваю Ленинград, кишварҳои дигари Иттиҳоди Шӯравӣ ва хориҷи кишвар ба чоп расиданд.
Навиштаҳои илмию бадеии ӯ чун «Меҳнати ҷамъиятӣ ва инкишофи шахсият», «Ташаккули одами нав», «Гард дар миҷгон», «Нақши хотир», «Оламафрӯзон», «Рози дил», «Сарнавишт», «Толеи баланд», «Ахтарони фарҳанг», «Ҷаҳони Марям», «Меҳрнома» аз тарафи аҳли адабу фарҳанг ва хонандагони огоҳ баҳои сазовори худро ёфтаанд. Мақсади асосии тамоми эҷодиёти ӯ дар симои қаҳрамонони худ ташаккул додани арзишҳои миллӣ мебошад.
Бо фарорасии Истиқлолияти давлатии Тоҷикистон ӯ ҳамчун яке аз пешсафони фарҳанги ҷомеа фаъолияти худро барои таҳкими пояҳои давлати соҳибистиқлоли тоҷикон равона намуд.
Дар  корномаи тӯлонии Холмурод Шарифов фаъолияти ӯ ба ҳайси раиси Комиссияи марказии интихобот ва раъйпурсии Ҷумҳурии Тоҷикистон бахши дурахшонеро ташкил медиҳад.
Имрӯз низ ин марди шариф ҳамчун узви фаъоли Шӯрои собиқадорони ҷангу меҳнати Тоҷикистон дар саросари кишвар бо ҷавонон вохӯрда, онҳоро ба ваҳдату ҳамдилӣ, миллатдӯстию ватандорӣ ва омӯхтани илму адаб даъват мекунад.
Бобохон МАҲМАДОВ, ходими давлатӣ ва ҷамъиятӣ


Баёни ақида (0)    Санаи нашр: 09.02.2017    №: 31    Мутолиа карданд: 2321
14.07.2020


ТОҶИКИСТОН. 5228 ГИРИФТОРИ БЕМОРИИ COVID – 19 ШИФО ЁФТ

ҚОҲИР РАСУЛЗОДА ДАР НОҲИЯИ ШАМСИДДИН ШОҲИН ВА ШАҲРИ КӮЛОБ

ЁРӢ БА МУАССИСАҲОИ ТАНДУРУСТИИ ВМКБ

ТОҶИКОБОД. ҶАМЪОВАРИИ КАРТОШКАИ БАРВАҚТӢ

ВМКБ. ВУСЪАТИ КОРҲОИ СОХТМОНӢ

ЧЕМПИОНАТИ ТОҶИКИСТОН – 2020. "ИСТИҚЛОЛ" МАРҲИЛАИ АВВАЛРО ДАР САДРИ ҶАДВАЛ ХАТМ КАРД

РОССИЯ ДАР ҶАҲОН НАХУСТИН ШУДА ОЗМОИШИ ВАКСИНАИ COVID - 19-РО АНҶОМ ДОД

ҶАҲОН ДАР ЯК САТР

10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН


Дар сомонаҳои дигари Тоҷикистон хонед