logo

иқтисод

ДЕҲОТ. ПАРВАРИШИ ЧОРВОЮ ПАРАНДА РУШД МЕЁБАД

Муассисаи давлатии “Маркази идораи лоиҳаи “Рушди чорводорӣ ва чарогоҳҳо”, ки 5 сол пеш бо қарори Ҳукумати Ҷумҳурии Тоҷикистон таъсис ёфта буд, фаъолияташро бо татбиқи марҳилаи якум ва дуюми лоиҳаи «Рушди чорводорӣ ва чарогоҳҳо» оғоз намуд. Лоиҳаи “Беҳсозии сатҳи зиндагӣ дар Хатлон”, ки соли 2016 ба анҷом расид, як қатор деҳаҳои ноҳияҳои Муъминобод ва Шамсиддини Шоҳинро дар бар мегирифт.

Дар доираи татбиқи лоиҳа дар деҳоти фарогир 82 мақомоти худфаъолияти ҷамъиятӣ ташкил карда, барои эҳтиёҷоти онҳо 118 зерлоиҳа мавриди истифода қарор ёфт ва наздики 350 нафар соҳиби ҷойи кор гашт.
Барқарорсозии роҳҳои дохили деҳаҳо, хатҳои интиқоли барқ, таъминоти аҳолӣ ва чорво бо оби нӯшиданӣ, дастрасии чорвои аҳолӣ бо қучқору буқаҳои зотӣ, техникаю мошинолоти кишоварзӣ барои дастгирии кишоварзон самти асосии фаъолияти мақомоти худфаъолияти ҷамъиятӣ буданд. - Мақсад аз таҳияи лоиҳаи “Рушди чорводорӣ ва чарогоҳҳо” то як андоза саҳм гирифтан дар таъмини амнияти озуқавории кишвар ва баланд бардоштани даромади қариб 22400 хонаводаи камбизоати ноҳияҳои фарогир мебошад, - мегӯяд Саъдӣ Каримов, директори марказ. – Дар ин самт вазифаҳои лоиҳа аз мусоидат дар афзун намудани истеҳсолоти кишоварзӣ ва чорводорӣ, барқарорсозӣ ва идоракунии устувори чарогоҳҳо, дастгирии занони маҳаллӣ дар самти коркарду фурӯши маҳсулоти чорво ва татбиқи зерлоиҳаҳои афзалиятдошта буд. Аз аввали татбиқсозии лоиҳа дар 5 ноҳияи вилояти Хатлон 203 ҷамъияти истифодабарандагони чарогоҳ ташкил гардида, бо таҷҳизоти зарурии корбарӣ таъмин карда шуданд. Дар ноҳияи Темурмалик 40, Балҷувон 25 ва Ховалинг 35 деҳа интихоб гардида, аҳолии онҳо дастгирии молиявӣ, молӣ ва техникӣ ёфтанд.
Ҳамчунин, дар заминаи дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бобати таъмини хоҷагиҳои кишоварзӣ бо техника ва бартараф намудани норасоиҳо дар доираи татбиқи лоиҳаҳои “Беҳсозии сатҳи зиндагӣ дар Хатлон” ва “Рушди чорводорӣ ва чарогоҳҳо” 238 техника, аз он 21 адад трактор, 19 адад борбардор, 2 адад экскаватор ва 1184 мошинолот дастрас намуда, ба ноҳияҳои Муъминобод, Шамсиддини Шоҳин, Балҷувон, Ховалинг ва Темурмалик барои истифода дода шуданд. Барои барқарор намудани чарогоҳҳо, ки дар ноҳияҳои фарогири лоиҳа зиёда аз 80 ҳазор гектарро ташкил дода, як омили беҳсозии рӯзгори сокинони деҳаҳои роҳҳояш душворгузар мебошанд, 594 тонна нуриҳои минералӣ ва 109 тонна тухмии алафҳои хӯроки чорво дастрас карда шуд. Дар рафти роҳандозии лоиҳа ҳолати чарогоҳҳо беҳтар гаштааст.
Яке аз самтҳои афзалиятноки татбиқи лоиҳа дастгирии занони деҳоти интихобшуда ва бо ҷойи кор таъмин намудани онҳо мебошад. Дар ноҳияҳои номбаршуда 780 зан ба соҳаҳои чорводорӣ, занбӯриасалпарварӣ, коркарди шир ва пашм фаро гирифта шуданд. Ба оилаҳо 5 ҳазор сар мурғ ва 2250 сар бузу гӯсфандро бо захираи хӯроки семоҳа тақсим кардем. Занон ба коркарди пашм ва омода кардани маҳсулот аз шир машғул шуданд. 13 зан аз деҳоти Сарихосори ноҳияи Балҷувон парвариши 130 оила занбӯри асалро ихтиёр намуданд. Марказ онҳоро бо таҷҳизот барои парвариши занбӯри асал ва коркарди маҳсулот таъмин намуд.
Дар доираи татбиқи лоиҳаҳои давлатии сармоягузорӣ дар ноҳияҳои зерҳадаф зиёда аз 1000 ҷойи кори доимӣ таъсис ёфта, ҳоло барои ташкили фурӯши маҳсулоти аз пашму шир истеҳсолнамудаи онҳо тадбирҳо андешида мешаванд.
Бо дастгирии Ҳукумати Ҷумҳурии Тоҷикистон татбиқи марҳилаи дуюми лоиҳаи “Рушди чорводорӣ ва чарогоҳҳо”, ки маблағи лоиҳавии он 24 миллион доллари ИМА-ро ташкил медиҳад, дар ноҳияҳои Данғара, Восеъ, Мир Сайид Алии Ҳамадонӣ, Фархор ва шаҳри Кӯлоби вилояти Хатлон оғоз гардид.
Мирзои ФИРӮЗ, «Ҷумҳурият»


Баёни ақида (0)    Санаи нашр: 09.02.2017    №: 31    Мутолиа карданд: 2167

21.11.2018


Аз таркиш дар Кобул беш аз 50 нафар ҳалок шуд

Ӯзбекистон нахустин намоишгоҳ-ярмаркаи байналмилалии содиротӣ мегузаронад

Могерини: «Иттиҳоди Аврупо «артиши аврупоӣ» ташкил карданӣ нест»

Табобати гепатити С дар Беларус аз арзонтарин дар Аврупост

Ҷаҳон дар як сатр

ДУШАНБЕ. Таҷлили нахустин ҷашни занони соҳибкор

ДЕВАШТИЧ. Тантанаи Рӯзи Президент

Иштироки мунтахаби футболи бонувон дар CAFA

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд


Дар сомонаҳои дигари Тоҷикистон хонед