logo

ҳуқуқ

РУШДИ УСТУВОР ВА НАҚШИ ҶАВОНОН ДАР ОН

Дар як мизи гирд, ки бахшида ба Соли ҷавонон дар шаҳри Душанбе таҳти унвони «Нақши ҷавонон дар рушди устувори Ҷумҳурии Тоҷикистон» баргузор гардида буд, намояндагони як қатор вазорату кумитаҳо, олимону коршиносон ва мутахассисони ҷавон перомуни ҷанбаҳои гуногуни сиёсати давлатии ҷавонон, ташаббусҳои миллӣ ва байналмилалӣ табодули афкор намуданд.
Парвиз Бобоев, корманди Хазинаи нуфуси Созмони Милали Муттаҳид дар Ҷумҳурии Тоҷикистон, ки дар мавзӯи «Имкониятҳои муосир барои рушди ҷавонон: таҳлили муқоисавии иқдомҳои миллӣ ва байналмилалӣ» суҳбат мекард, нақши ҷавононро дар рушди устувори давлатдории миллӣ муҳим арзёбӣ намуд. Ба қавли ӯ, мақсаду мароми ҷавонон дар стратегияҳои муҳимтарини миллӣ ва байналмилалӣ инъикос ёфтаанд. Аз ҷумла, ҳадафҳои рушди устувор дар давраи то соли 2030, ки соли 2015 аз тарафи кишварҳои узви СММ эътироф  шудааст, тамоми пешниҳоду мақсадҳои ҷавононро дар бар мегирад. Ҷумҳурии Тоҷикистон, ки бо ташаббусҳои созандаи худ, бавижа дар соҳаи дипломатияи захираҳои обӣ дар Созмони Милали Муттаҳид мавқеи хоси худро дорад, Ҳадафҳои рушди устуворро эътироф намудааст.
Намояндагии Хазинаи нуфуси СММ (UNFPA) дар Тоҷикистон якҷо бо шариконаш чӣ дар сатҳи  глобалӣ ва чӣ дар сатҳи миллӣ кӯшиш ба харҷ медиҳанд, то ҷавонони кишвар дар пешбурди тарзи ҳаёти солим, гирифтани маълумот оид ба солимии репродуктивии худ, пешгирии хушунати ҷинсӣ ва дигар ҷанбаҳо, ки дар Ҳадафҳои рушди устувор эътироф гардидаанд, бархӯрдор бошанд. Ба гуфтаи Парвиз Бобоев, имрӯз дар ҷаҳон зиёда аз 1,8 миллиард наврасу ҷавон ба сар мебарад. Аз ин лиҳоз, мавзӯи ҷавонон дар маркази таваҷҷуҳ қарор гирифта, саъю талоши ҷомеаи ҷаҳонӣ ба он равона гардидааст, ки иқтидори ҷавонон ва неруи созандаи онҳо барои рушди устувори кишварҳо ва беҳрӯзии мардуми сайёра истифода шавад.
Маврид ба зикр аст, ки барои шиносоии наздики наврасону ҷавонони кишвар бо фаъолияти Созмони Милали Муттаҳид ва зерсохторҳои он соли гузашта дар назди Донишгоҳи славянии Россия - Тоҷикистон Маркази иттилоотӣ ва захиравии СММ ифтитоҳ ёфт. Дар он мунтазам чорабиниҳои гуногун бо ширкати намояндагон ва коршиносони СММ гузаронда мешаванд. Яке аз ташаббусҳои ҷолиб ин баргузории конфронси «Модели СММ» мебошад, ки дар он ҷавонони тоҷик ҳамчун намояндагони СММ баромад намуда, нишасти Маҷмаи умумиро ба шакли машғулият меомӯзанд.
- Дар Тоҷикистон бо ташаббуси UNFPA ва  шариконаш шабакаи ҷавонон барои омӯзиши ҳамсолон - Y-PEER низ фаъолият менамояд, ки беш аз 1000 нафар ҷавон дар чорабиниҳои омӯзишии он ширкат варзидаанд. Имрӯз ҷавонони Тоҷикистони соҳибистиқлол, ки неруи созандаи ҷомеа маҳсуб меёбанд, дар пешбурди тамоми соҳаҳои ҳаёти мамлакат  саҳми чашмрас доранд ва Хазинаи нуфуси СММ низ барои иштироки фаъолонаи онҳо дар рушди устувори Тоҷикистон талош хоҳад кард, - иброз дошт Парвиз Бобоев.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 09.02.2017    №: 31    Мутолиа карданд: 2714

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед