logo

сиёсат

ХУРРАМГАРДОНИИ ДУШАНБЕШАҲР. 150 РӮЗИ ОБОДОНИЮ СОЗАНДАГӢ ВА НИҲОЛШИНОНИЮ САБЗКОРӢ

Душанбе – пойтахти  Ватани азизи мо яке аз шаҳрҳои сарсабзу зеботарини дунё буда, дар водии зарнисори Ҳисор дар баландии 750 - 930 метр аз сатҳи баҳр қомат афрохтааст. Масоҳати Душанбешаҳр 126,6 километри мураббаъ ва аҳолии он 802, 2 ҳазор (то якуми январи соли 2016) нафарро ташкил медиҳад. Аз байни он дарёи Душанбе мегузарад. Душанбе маркази бузургтарини сиёсӣ, иқтисодӣ, иҷтимоӣ, фарҳангӣ, илмӣ ва сайёҳӣ, ҳамчунин, шаҳри  калонтарини мамлакат аст.
Тавре хонандагони гиромии Нашрияи расмии Ҷумҳурии Тоҷикистон – «Ҷумҳурият» огоҳанд, рӯзнома ба хотири тақвият бахшидани ҳамкориҳо бо мақомоти иҷроияи ҳокимияти давлатии шаҳри Душанбе, инъикоси  навгониҳо, меҳнату фароғат, дастоварду мушкилот, умуман, зисту зиндагӣ ва дархосту андешаҳои сокинону меҳмонони ин зебошаҳр гӯшаи «Набзи пойтахт» - ро  роҳандозӣ намуд.
Минбаъд зери ин рубрика дар бораи навгониҳо, рушди иқтисодию иҷтимоӣ ва фарҳангии пойтахт хабару мақолаҳо ба табъ мерасанд. «Набзи пойтахт» дар рӯзномаи мо барои шумо – сокинону меҳмонони Душанбешаҳр аст. Умед дорем, ки бо расидани номаҳо, андешаю пешниҳодҳои шумо муҳтавои гӯшаи «Набзи пойтахт» рангину марғубтар ва шаҳри Душанбе дилработар мешавад.
Шаҳрдории пойтахт ба истиқболи 20 –умин солгарди Рӯзи Ваҳдати миллӣ таҳти унвони «Хуррамгардонии Душанбешаҳр – рисолати сокинони пойтахт» аз 1 феврал то 27 июни соли равон 150 рӯзи ободонию созандагӣ, ниҳолшинонию  сабзкорӣ эълон намуд. Дар ин бора раиси шаҳри Душанбе Рустами Эмомалӣ қарор ба тасвиб  расонд. Тавре аз маркази матбуоти дастгоҳи раиси шаҳр ба «Ҷумҳурият» хабар доданд, ҳадаф аз ин иқдом истиқболи шоистаи ҷашни бузурги ваҳдату ягонагӣ тавассути равнақ бахшидани корҳои  созандагию бунёдкорӣ, ободонӣ ва боз ҳам хурраму зеботар гардондани Душанбешаҳр аст.
Тибқи қарор, сохторҳо, муассисаҳои мақомоти иҷроияи ҳокимияти давлатӣ ва ташкилоту корхонаҳои шаҳри Душанбе бояд дар назди  майдончаҳои бино, гулгашту боғҳо, кӯчаю хиёбонҳо ва биноҳои маъмурию маишӣ корҳои  ободонию ниҳолшинонӣ ва сабзкориро  вусъат бахшанд.
Раисони ноҳияҳои Исмоили Сомонӣ, Сино, Шоҳмансур ва Фирдавсӣ, роҳбарони корхонаи  воҳиди давлатии таҷрибавии илмию  истеҳсолии «Сабзкорӣ» - и мақомоти иҷроияи ҳокимияти давлатии шаҳр, корхонаю идора, ташкилоту муассисаҳо ва соҳибкорони дар ҳудуди пойтахт фаъолияткунанда муваззаф гардиданд, ки дар  мавзеъҳои интихобгардида бо ширкати аҳли ҷамоатчигӣ, бахусус ҷавонон, маъракаи шинондани ниҳол ва сабзкориро бо риояи талаботи агротехникӣ ва тавсияи мутахассисони соҳа ба роҳ монданд.
 Маъракаи хуррамгардонӣ, ҳамчунин тоза намудани кӯчаю хиёбонҳо, соҳили рӯду каналҳо, зиннатбахшӣ ва ободонию тозакории  хонаҳои сокинон, марказҳои истироҳату фароғат, иморат ва иншооти дигари  пойтахтро фаро мегирад. 
С. АЗИЗӢ, «Ҷумҳурият»


Баёни ақида (0)    Санаи нашр: 09.02.2017    №: 31    Мутолиа карданд: 2101

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед