logo

фарҳанг

БА ҶУЗ МЕҲР БА ҶУЗ ИШҚ...

Ояндаи мамлакат аз фаъолияти омӯзгор ва рушди илму маориф вобастагии зиёд дорад.
Аз Паёми Пешвои миллат, Президенти Ҷумҳурии Тоҷикистон Эмомалӣ Раҳмон ба Маҷлиси Олии Ҷумҳурии Тоҷикистон
(20 январи соли 2016)
Мо ӯро дӯст медоштем. 25 нафар - ҳама ӯро дӯст медоштем, мисли бародар, мисли падар. На дар он панҷ сол (солҳои 1979 – 1984), ки куратори мо - муҳассилини факултаи филологияи тоҷики Донишгоҳи миллии Тоҷикистон маҳсуб мешуд ва на солҳои баъдӣ, балки то ба имрӯз дар ин кохи дӯстӣ рахнае пайдо нагардид.
Зебо мепӯшид, зебо сухан мекард. Ҳеҷ гоҳ овози баландашро нашунидаем. Табъаш ҳамеша болида буду чеҳрааш хандон. Аз ҳоламон мепурсид ва дуруст раҳнамоиамон мекарду маслиҳатҳои судбахшамон медод.
Ҳамаи саъю кӯшишашро бар он равона мекард, ки хубу аъло бихонем, боодоб бошем, қимати вақтро бидонем.
Дар маҷлисҳо масъалаҳоро ба миён мегузошту мехост, ки дар ҳалли онҳо мо бевосита иштирок дошта бошем. На амр медод, на фармон. Ба ҳалли дурусту хулосаҳоямон арҷ мегузошт. Дӯст медошт, ки ба иқдому ташаббусҳои нек рӯ биёрем, пайваста дар ҷустуҷӯву омӯзиш бошем. Аз ҳар андак муваффақиятамон ҳам шод мешуд ва дар ин ҳол хурсандияшро ниҳон намекард, ба фатҳи қуллаҳои нав ҳидоятамон менамуду рӯҳбаландамон месохт.
Ҳар ҷашну чорабиние агар мехостем доир бикунем, ҳатман дар он хусус бо ӯ маслиҳат менамудем, ризояташро хостор мешудем. Ва ҳам аз ӯ бисёр хоҳиш мекардем, ки дар он ширкат биварзад. Ҳузураш ҷашну чорабиниҳоро шукӯҳи хос мебахшид.
Хоксор буд ва низ ҳамин гуна ба назар мерасид. На ба ҷавонию зебоияш менозид ва на бо илму донишаш. Ҳалиму меҳрубон буд. Пиндору гуфтору кирдораш нек буд. Ин ҳама ва дигар сифатҳои некаш баъдҳо низ ӯро тарк нагуфтанд.
Ӯ тавонист тухми меҳру муҳаббатро дар дилҳои мо бикорад. Ва мо баъдҳо бо ифтихор, бо такрор мегуфтему зам – зама мекардем:
Дар ин хок, дар ин хок, дар ин мазрааи пок,
Ба ҷуз меҳр, ба ҷуз ишқ дигар тухм накорем.

Мо, ҷавонони саркаш, масту мағрури даврони ҷавонӣ дар мактабу дарсҳои ӯ дарси одамият омӯхтем. Ба василаи он ба маънои зистан, балки пок зистану дуруст зистан расидем. Ба ин мактабу дарсҳо боре қаламу дафтар набурдем ва чизе ба зоҳир нанавиштему он ҳамаро аз бар накардем. Дар асл аммо вуҷудамон, хотираҳоямон ҳамаро сабт намуда будааст. Дар оғоз мепиндоштем, ки вуҷуди мо худ ба ин омодагӣ гирифтааст. Баъдҳо дарк кардем, фаҳмидем, ки ӯ ноаён бар вуҷуду хотираҳои мо роҳ ёфтаву асари некашро гузоштааст.
Дидору суҳбаташ ҳолиё ҳам файз дорад, баракат дорад. Ҳар гоҳ, ки мебинамаш, чашмонам нур мегирад, дилам лабрези шодӣ мешавад, худро ҷавон, донишҷӯ мепиндорам. Аммо боз як ҳиссе дар ин ҳол ба ман мегӯяд: «Сухан бояд дониста бигӯӣ, санҷида бигӯӣ. Аз ёд мабар, ки ту рӯ ба рӯи устод қарор дорӣ». Ман беихтиёр ба нишони тасдиқ ва ризоят сар меҷунбонам.
Ба ҳар бор пас аз ин лаҳзаҳои дидору гуфтор боз аз нав бовар ҳосил мекунаму тасдиқ менамоям, ки муаллим, омӯзгор, мураббӣ, раҳнамо будан на танҳо касб несту ҳунар аст, балки туҳфаи хоси Илоҳӣ мебошад. Ва, албатта, Худованд, ки оламу одамро офарида, ин туҳфаро ба беҳтарину бошарафтарин бандагонаш мебахшад. Мо, донишҷӯён, шодем ва шукр менамоем, ки устоди мушфиқу ғамхорамон Солеҳҷон Собиров аз ин зумра ва зубдагон маҳсуб мешавад.
Абдулқодири РАҲИМ, адиб, рӯзноманигор 


Баёни ақида (0)    Санаи нашр: 10.02.2017    №: 32    Мутолиа карданд: 2203

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед