logo

иҷтимоиёт

ВАРЗИШ. МАЙЛИ ҶАВОНОН МЕАФЗОЯД

Ҳамарӯза, сарфи назар аз гармиву сардӣ ва борону барф, чи субҳу чи бегоҳ, варзишгоҳи соҳили рости шаҳри Хуҷандро пур аз мардум мебинам, ки ба машқ машғуланд ва сафи онҳо рӯз ба рӯз, меафзояд.
- Омили асосии зиёдшавии шумораи нафароне, ки тарзи ҳаёти солимро касб кардаанд, сулҳу салоҳ ва муътадилшавии вазъи иқтисодии кишвар мебошад,- мегӯяд Шарифҷон Шарифзода, раиси шаҳри Хуҷанд.-Дар баробари ин, дастгириҳои пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба рушди варзиш такони ҷиддӣ бахшид, ки бунёди садҳо иншооти варзишӣ ва комёбиҳои варзишгарони тоҷик дар арсаи байналмилалӣ гувоҳи ин гуфтаҳоянд.
Дар маркази вилоят – шаҳри Хуҷанд баҳри омода кардани варзишгарони касбӣ ва, ҳамзамон, пайваста  машғул шудан ба тарбияи ҷисмонии оммавӣ тайи ду-се соли охир тадбирҳои  муассир роҳандозӣ гаштанд. Ҳамин аст, ки фақат соли сипаришуда бо истифода аз сарчашмаҳои гуногуни маблағгузорӣ 14 иншооти варзишӣ ба истифода дода шуд. Феълан, дар шаҳри Хуҷанд, 260 иншооти варзишӣ, аз қабили майдонҳои футболбозӣ, ҳавзҳои шиноварӣ, кортҳои теннис фаъолият доранд.  
Баргузории мусобиқаҳо аз рӯйи намудҳои зиёди варзиш тамоили афзуншавӣ пайдо кардааст. Дар рӯзҳои таътили зимистонаи мактабиён дар шаҳр мусобиқа  оид ба футбол, гӯштингирӣ, волейболу баскетбол, шашкаву шоҳмот доир гашта, майдону толорҳо ҳазорҳо дӯстдорони варзишро сарҷамъ карда, ба онҳо рӯҳу илҳом, хушҳолӣ бахшиданд, ки  аз хотирашон фаромӯш намешавад. Агар дар соли 2015 бо ташаббусу иқдоми кумитаи ҷавонон, варзиш ва сайёҳӣ баргузории 115 мусобиқа амалӣ шуда бошад, пас дар соли 2016 ин рақам ба 125 расида, дар ин мусобиқаҳо наздик 53 ҳазор нафар ҷавонон иштирок доштанд, ки нисфи онҳоро духтарон ташкил доданд. Аз рӯзҳои аввали моҳи феврал боз дар варзишгоҳҳои шаҳр мусобиқаҳои гуногун шурӯъ мешаванд, ки дар онҳо ҷавонони касбу кори гуногун иштирок хоҳанд кард.
- Ба даст овардани унвони қаҳрамони бозиҳои тобистонаи олимпӣ дар шаҳри Рио-де-Жанейрои Бразилия аз тарафи Дилшод Назаров меҳри варзишро дар қалби ҷавонон боз зиёдтар кард, - иброз медорад Бахтиёр Исматҷонов, сарвари бахши ҷавонони шаҳр. - Мактабиёну донишҷӯён пас аз машғулиятҳои таълимӣ ба толорҳои варзишӣ мешитобанд, ки он гувоҳи дар оянда боз ҳам  рушду равнақ ёфтани соҳаи варзиш мебошад. Боиси зикр аст, ки соли 2016 варзишгарони маркази вилояти Суғд дар 33 мусобиқаҳои ҷумҳуриявию байналмилалӣ ва минтақавӣ иштирок карда, бори нахуст дар замони соҳибистиқлолӣ 262 медали тилло, 239 медали нуқра ва 234 медали биринҷӣ ба даст оварданд.
-Дар Паёми навбатии худ Президенти мамлакат муҳтарам Эмомалӣ Раҳмон нақши ҷавононро дар рушди ҷомеа ва ширкати фаъолонаи онҳоро дар ҳаёти сиёсиву иқтисодӣ ба эътибор гирифта, соли 2017-ро «Соли ҷавонон» эълом доштанд ва ин ҷавононро водор месозад, ки тамоми саъю кӯшиши худро барои боз ҳам баланд шудани обрӯву нуфузи Тоҷикистон дар арсаи байналмилалӣ равона созанд,- таъкид намуд Шарифҷон Шарифзода, раиси шаҳри Хуҷанд.
Ҷовиди АШТӢ, «Ҷумҳурият»


Баёни ақида (0)    Санаи нашр: 11.02.2017    №: 33    Мутолиа карданд: 1840

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед